المساعد الشخصي الرقمي

مشاهدة النسخة كاملة : العولمه


ابو نايف
05-04-2008, 02:48 AM
العولمه تعني تناقـض فكـر يالحـظ العليـل
العولمه تعنـي هـذولا النـاس زاد اشغالهـا
العولمه تعني ضياع الحق في وجـه الجميـل
يعنـي كـذا ولا كـذا النـاس زاد هبالـهـا
العولمه تعني تشب الحقـد فـي راس الفتيـل
يعني لـزوم إدق طبـل المشكلـه واهوالهـا
العولمه تعني شموخ الذات في عيـن الذليـل
مامدام بزران المجالـس ماحشمـت عقالهـا
العولمه تعنـي الدمـار وحالنـا اكبـر دليـل
هـم وغرابيـل واسـى والنفـس ياعزالهـا
العولمه تعني خراب العقـل والمـال الكفيـل
يعني مادام المـال عنـدك حيلتـك تحتالهـا
يعنـي تكبـر لا يهمـك لا كثيـر ولا قليـل
مادامك الشيـخ المسمـى هاتهـا باإهزالهـا
العولمه صارت كفيله تجعـل الطيبـه إتزيـل
والمال يطغى عالعقـل والنفـس زاد اخبالهـا
العمر زايل والبني ادم يحسـب انـه طويـل
يمشي على درب الخطاء والمخطيـه يشتالهـا
والوقت خلى كل صاحب عقل باحساسه هبيـل
قاعد يفكر كيـف هـاذي دنيتـي واحوالهـا؟
وقاعد يفكر وين وقت العز والفعـل النبيـل؟
وين التسامح والرجـال اللـي تعـز افعالهـا
يوم الخليل يمد يـد العـون لا طـاح الخليـل
ويوم الطهاره في قلوب الناس زاد اوصالهـا
ولى زمان اجدادنا وقت التسامـح والصهيـل
وصرنا بوقتٍ اجتمع فيـه الهـزل واجزالهـا
ماعم انا كل البشر فيه الرجـال اللـي تشيـل
كل الحمول اليا ارتكت شلـت جميـع اثقالهـا
ونا لقيت الحال شاين والزمن صايـر يميـل
والناس صاير همها تسعـى لجمـع اموالهـا
البرق يبرق بالسماء وعيني مع البارق تخيـل
والحمل مايل والجمال ارغـت علـى جمالهـا
انفوس هالعالم كبيره ليش يالوقـت الهزيـل
كلن يشـوف انـه كبيـر وعالـيٍ منزالهـا
وكلن يشوف انه هو اللي صاحب الفعل الجزيل
لابـوك ياوقـتٍ جمعـت فحولهـا ورخالهـا
وحنا بوقت العولمـه ويـلاه يالحـظ العليـل
يعني غرور وكبر نفس وحالـة ٍ يرثـى لهـا

الشاعر
فيصل الوعيلي

ابو خالـــد
06-04-2008, 11:09 PM
يعطيك العافية

ولك جزيل الشكر

( أبو ســـهـل )
06-04-2008, 11:13 PM
http://www.lojein.com/fwasel/28.gif

قصيدة راااااااااائعة
مشكوووووووووور أبو نايف
ويعطيك ألف عافيه

http://www.lojein.com/fwasel/28.gif

الساهر1393
10-04-2008, 01:49 AM
http://www.l4l4.net/up/get-4-2008-bh5vak3m.gif (http://www.l4l4.net/up)

ااالمساااافر
20-06-2008, 06:47 PM
بعد التحية :
أشكرك على الفائدة يا ابو نايف.
ولكم تحياتي،،،

عبدالله ابونادر
06-09-2011, 04:18 PM
بارك الله فيك ووفقك