الـــشـــــــوربـــــة..سيدة المائدة الرمضانية,,

[بنت الديره]

الشهر عليكم مبارك..الله يتقبل منا ومنكم ويجعلنا من عتقائه من النار..

أحبائى
مائدتنا الرمضانية لاتكاد تخلو من اهم طبقين: الشوربة و السمبوسة..
السمبوسة انشاء الله بفرد لها موضوع قريباً
الشوربة عادة من ثالث يوم يبداء الملل منها اذا كانت تعمل بطريقة واحدة..
لذلك انا حبيت افرد موضوع خاص فيها بحيث اننا نحرص على شربها قبل كل شي نظرا لفائدتها وذلك عن طريق التنويع بطريقة اعدادها..شوربة الخضار باللحم
::::::::::::::::::::::::::::

من دون تكشين وحمس وبطريقة مختصرة(اللي تبي تكشن وتحمس الله يقويها)

نضع قدر وفيه موية فاترة وقطيعات اللحم وحبة بصل وحبة طماطم وحبتين كوسة وحبتين جزر وحبة متوسطة جزر وزنجبيل رطب, وقطعة فلفل بارد(نص حبة صغيرة)
نخليها تغلي وبعدين نضيف الملح والبهارات
اذا لانت الخضار نطلعها تبرد شوي ونحطها بالبلاندر حق الطماطم ونطحنهم..ممكن اضافة ثوم بهالمرحلة حسب الرغبة..
نرجعهم القدر ونضيف حبة فلفل حار بدون تقطيع....اذا غلوا نوطي النار لمدة سااعه,,
قبل التقديم بنص ساعه انتي بالخيار اما تضيفي شعيرية...او زهرة مقطعه وردات صغار..

ممكن تضيفوا مع اللحم احد شيئين:
العدس او الجريش الحب
وممكن تكتفوا باللي كتبناه بالاول..

وصحتين ع قلوبكم..

[بنت الديره]

شوربة الذره لذيييييييذه وسهله(وبدون بيض
شوربه صينيه بالذره لذييييذه مره
ادخل بالموضوع

المقادير :
3فصوص ثوم مقطعه
صدر دجاج
مكعبين ماجي
الملح لاتكثرين منه لان فيه ماجي
ملعقة شاي فلفل اسود او ابيض
الخلطه السريه تحطين بصحن 3ملاعق حليب بودره و7 ملاعق دقيق ابيض
قبضة اليد كزبره او بقدونس
ذره نصها اوربعها مخلوط بشوية مويه بالخلاط عشان تنهرس شوي موكثير واحط الباقي ماطحنه

الطريقه:
احط بالقدر مويه وصدور الدجاج والثوم والماجي والفلفل الأسود
اتركها لحد مايستوي الدجاج
اخذ كاس من مرق الدجاج اللي قبل شوي
واحطه بالخلاط واضيف عليه الخلطه اللي هي الدقيق والحليب
واذا اندمجو مع بعض رجعيه للقدر حق صدور الدجاج ومرقته خليم شوي يطبخون )لايفوتك الشرح بس
ثم طفيه وحطي الذره والكزبره وغطيه
وربيي طعم مرررررررررررررررررررره

ملاحظه اذا صار ت الشوربه ثقيله زيديها مويه وشوفي كيف ملحها
واذا صار قطع من الدقيق والحليب البودره اشخليه

تراه سهل ومايحتاج وقت كثير

[الوسام]

ابداع حفظك الباري يابنت الديره
والله يبارك فيكي وفي مجهودك
واسال الله ان يبلغنا رمضان وكافة المسلمين

[فخورة بحجابها]

شـكــ وبارك الله فيك ـــرا لك ... لك مني أجمل تحية .

[بنت الديره]

شوربة العدس اللذيذة ..



المقادير:
1 1\2 ك عدس أصفر
حبة بطاطس صغيرة"مقشرة ومقطعة قطع صغيرة"
حبة جزر متوسطة "مقشرة ومقطعة قطع صغيرة"
كيس شوربة ماجي شعيرية الدجاج
1 م ك صلصة طماطم "للون بس"
الماء يعتمد على السمك اللي انت تحبينه "مابين 6 -10 اكواب ماء انا حطيت 10 وطلعت شوي ثقيلة مو وايد"
كمون وفلفل أسود
2 م ك بصل مفروم

الطريقة:
يغسل العدس جيدا ويسلق بماء نظيف مع البطاطس والجزر ب 4 كوب ماء ..
نطحنه بالخلاط الكهربائي وبعدين نحمس البصل المفروم بجدر بشوية زيت لحد ما يتغير لونه ونصب خليط العدس المطحون عليه وباقي الماء..
نضيف البهارات والشوربة والمعجون ونقلب وخليها لحد ما تغلي ونطفي النار عنها..
وقدميها مع الخبز المحمص والليمون وبالعافية ..