أيه عظيمه نورها يسطع على بر وبحر الشاعر ضيف الله العامري

[ابو نايف]

يالي تشوفون القمر بالله وش عيب القمـر
ترا القمر ياصاحبي ماله في الكون اشبها
الله حماه من العيوب وبشوفه يسر النظـر
تشاهده كل البشر من شرقهـا لأغربهـا
بذات في نصف الشهرلاطل في ليلة بـدر
الله رفع شانه وحطه با لسماء ياظهربهـا
أيه عظيمه نورها يسطع على بر وبحـر
في ليلة القمراء اذا جاك الخبر تسريبهـا
الله يازين القمر لأطل في خمسـة عشـر
ياطيبهـا مـن ليلـةً تسريبهـا ياطيبهـا
بذات لاسجيت في القمراء مع رشة مطر
اكتب قصيده في القمر وأسـج وألا ليبهـا
جبت القمر من عالي ألقمه ونزلته حـدر
والنفس خالقها بكـل اسرارهـا يدريبهـا
لاتزعل اصحابي بعد قدمت لصاحبي عذر
ياشيب عيني من زعل غالينهـا ياشيبهـا
ياهل العقول الواعيه والفاهمه حنا بشـر
احيـان نتكلـم بكلمـة ليـت مانحكيبهـا
لكن كلمة ياقمـر ماظنتـي فيهـا خطـر
يدريبها الي مادراء واللـي درا يدريبهـا

[أبو سراج]

صح لسان الشاعر ولا عدمناه

تسلم يا بو نايف

[واحد من الجماعه]

صح لسان الشاعر ولا عدمناه
له منى كل الاحترام

[وصفة الحب عازفة العود]

صح لسانك ِِ واعتلا شانك
وصح لسان الشاعر
ابيات جميلهـ ِِ ورائعهـ
بيض الله وجهك..
ولك مني كل الاحترام

[ضيف الله العامري]

بيض الله وجهك يابو نايف ويشهد الله اني مقصر معك

وبيض الله وجهك كل من شارك في هذا الموضوع