قصيده كتبها واحد متعقد من المكياج

[ابو نايف]

قصيده كتبها واحد متعقد من المكياج يقول :
يا صانع المكياج الله يجازيك
خليتني مخدوع في شكل خلي

الله يحرق مصنعك مع مبانيك
والمعرض الموجود في بيكاديلي

ادعي عسى تعمى وتنشل رجليك
هذا دعائي دوم لا جيت أصلي

خليتني اركض ورا البنت هاذيك
واشوفها أجمل غرام ٍ حصل لي

قلبي عشقها يا(جيفنشي) توماتيك
وان شافها قلبي يرحب يهلي

هي رحبت بي وقالت الله يحييك
وقالت هلا باللي عشق زين شكلي

وقالت أنا أجمل بنت في اللي حواليك
شف حسني الأخاذ وروجي العسلّي

طالعتها ثم قلت هالقلب يبغيك
ومن شاف حسنك خلى غيرك يولي

ابغي اشوفك دون مكياج يكسيك
وابغي اشوفك بالجمال المحلي

قالت تبيني افرك الوجه تفريك
واشيل هالبودر وروجي وكحلي

قلت أي نعم قومي عسى الروح تفديك
ابغي جمالك هالطبيعي يهلّي

قالت دقايق راجعه لك واراويك
ذاك الجمال اللي لعينك يسلّي

ويوم رجعت لي شربكتني الشرابيك
وحسيت الأرض تدور وأنا بمحلي

الخد كنه يا(جيفنشي) سيراميك
والوجه شارع مثل شارع حولي

الوجه كنه بيت كله شبابيك
من هالحفر في وجهها اللي يعلّي

كله سبب مكياجك الله يجازيك
خليتني مخدوع في شكل خلي

ونصيحتي لكل شاب من غير تشكيك
لا لا اتسرع ثم تنغش مثلي

اللي بلا مكياج خلها حواليك
واللي تحط مكياج ...

خلها تولي

[عاشق الجنان]

ههههههههههههههه
فعلا
شكله مخدوووووع

تقديري ابو نايف

[صاحبة السمو]

الله يعطيك العافية والصحة الدائمة على هذا الموضوع ... لك مني أجمل تحية .

[واحد من الجماعه]

ابو نايف
الله يعطيك العافيه
سلمت يداك ولا عدمناك
تقبلي ودي واحترامي

[آنين الصمت]

هههههههههههههههههههههههه

يااحليلكم يا كثر ما تنخدعوون

ههههههههههههه

احترامي لك

[عشقي عيونك]

يعطيك العافيه
اتحدى هذا الي كتب القصيده
ما ينفتن في وحده لاطخه وجهها مكياج
ودمتم

[جست مي]

يقولون والعلم عند الله ياما تحت البراقع ضفادع

فما بالك بن تضع المكياج

تقبل تحياتي

[ابو يزيد]

سلامي على اللي ما بعد تعرف المكياج جمال الطبيعة مايبيلة تمكياجي

[رابعة العدوية]

الله المستعان

ويعوضه هو وأمثاله خير


؟؟؟؟؟؟؟؟؟؟؟؟؟؟؟؟؟؟؟؟؟؟؟

قصيده رائعه مشكور ولا عدمناك

[بنت الديره]

الله يعطيك العافيه بو نايف
!!!!!!!!!!!!!!!!!!!!!!!!!!!!!!!!!!!!!!!!!!!!!!!
انا فقط لا تعمم الحكم بالعكس ملكات جمال

[همس الوجدان]

هههههههههههههههههههههههههههههه هههههههههههه
مايلام مسكين انفجع
توووحفة القصيده رائعة

[مون لايت]

ابو نايف
الله يعطيك العافيه
سلمت يداك ولا عدمناك
تقبل ودي واحترامي

[وصفة الحب عازفة العود]

ههههههههههههههههههههههههههه

دائما راقي ومتالق باختيارك المواضيع
الجميله بجمال روحك
لك مني اجمل تحيه معطره برائحه الورد الجوري
دمت دائما متالق وراقي
انتظر جديدك

[بنت السعودية]

ههههههههههههههه هههههههههههههههههههههههههه
يعطيك العافية بو نايف
سلمت يداك ولا عدمناك