ليه تجرح

[ابو نايف]

ليه تجرح
وانت تدري عن غلاك..؟!
وليه تنكر
طيبة اللي باع هالدنيا وشراك..؟!
وانت عارف
كم مشيت دروب تملاها الجراح..
وكم تحديت الزمان صامد بوجه الرياح..
ما بكيت
ولا شكيت
ولا نسيت
إن انت قاسي..!!
وإن كل اللي مضى راح من ضمن اللي راح..
كنت أحبك وأتلذذ بالغرام..
وما دريت إنْ مالي في حناياك اهتمام..
كنت أشوفك نجمة تضوي وجودي..
وكنت وحدك منيتي وأجمل وعودي..
لكـــــن..!!
للأسف كل شي تغير..
بعد كل اللي سمعته انقلب وقتي ظلام
و رحت أعزي فيك قلبي
وإلا جرحي.. ما على جرحي سلام
يارفيقي..لو تطول
يمكن الدنيا تـــــدور
والليالي والشهــــــــور
ويمكن أنسى عشرتك..وكل اللى فات..
بس قول..
ودك أجمع من قسى الكلمات..؟!
وأهديها لعيونك
بكل جرح
وبكل آآآه
لأْن قصتنا عقيمة مالها عندي حلول..
ليه ساكت.؟؟!
ما تكلم..
ياللي بالغدر متعلم..
وربي إني غارق بجرحي متألم..؟!
يالله يامن كنت رفيقي والمعلّم..!!
حط نفسك في مكاني
وواجه اللحظة الحزينة..
لو اْنك انت اللي تعاني
وتبيع هالعالم عشاني
وأنا أرمي بذكرياتك
وكل أوراق المحبة
خلف أسوار المدينة..

وكل همي
هي جراحك
هي طعونك
أتفننها في زماني..
وأنت وحدك كل ليلة
تذرف دموعك دفينة..
لا أنيس ولا جليس ولا حناني
غير جرحك تسامره بلحظة حزينة..
يلله يامن كنت حلمي

والأماني.........

حط نفسك في مكاني
وواجه الصدمة الحزينة....!!

[عاشق ديرتي]

روووووووووعه يا مديرنا
بارك الله فيك وفي مجهوداتك
خواطر جميله
تقبل مروري واحترامي

[وصفة الحب عازفة العود]

كلمات في قمة اروعه ابونايف
و
احساس أروع
سلمت الأيادي على ماخطته
دام هذا القلم ودام صاحبه
لك أعذب التحايا واطيبها ا/

[واحد من الجماعه]

الله يعطيك العافيه ابو نايف
اختيار موفق
مشكور على المجهودات
تقبل مروري واحترامي

[الفيصل]

مشكوووور ابا نايف
خاطره جميله
بارك الله في مجهوداتك
تقبل ودي واحترامي

[عبدالله ابونادر]

بارك الله فيك وفي مجهوداتك
خواطر جميله