ابن جدلان

[ابو نايف]

يامعين اللي على طـاري الفرقـا
جـاه فرقامابعـدهـا تجمـاعـي
كل ما يذكر هوى الجـادل الطرقـا
كن في صـدره دوافيـر صناعـي
مايسره في حجا الرجم لـو يرقـا
غير جر الصوت والناس هجاعـي
فاقدلـه سلعـة تحيـي الغـرقـا
سلعة تشـرى ولاهيـب تنباعـي
غيبة الغالي من الناس مـن برقـا
اشهد انها كيـة توجـع وجاعـي
صابرقلبي علـى الوجـد ومعرقـا
ممل في الوقت والوقـت خداعـي
احسبن الغيت في الغيمـه الزرقـا
شفت مدخالي ولاشفـت مطلاعـي
والله اني كـل مـا ناحـت الورقـا
للصديق الصافي الصامل الواعـي
شرهتي تنصاه في الغرب والشرقـا
و لانوريـه الجفـا والتمطـاعـي
صحبـة ماهـيـب للكزوالـدرقـا
لاخذت يوميـن مفعولهـا ضاعـي
ان تجمعنـا علـى طيـب العرقـا
وان تفرقنـا فجـوج الله وساعـي
متبع المقفـي ليـا حلـت الفرقـا
مخبـل اللـي للمقفيـن تبـاعـي
قال ابـن جـدلان لمخيـل البرقـا
ودق قلبي من ورى حدب الاضلاعي
وقلت انا من طعنة في الحشا زرقا
خبرو راع السمارى عن اوضاعـي
والسلام ختام واللـي نـزل يرقـا
يدفعه من ريحة المسـك ذعذاعـي

[الوسام]

قال ابـن جـدلان لمخيـل البرقـا
ودق قلبي من ورى حدب الاضلاعي



بارك الله فيك اخي ابو نايف

[AL- alhbh boy]

http://www.qahtaan.com/works/up/get.php?hash=qnlz6yk5m31218318096 (http://www.qahtaan.com/works/up)

[الساهر1393]

يامعين اللي على طـاري الفرقـا
جـاه فرقامابعـدهـا تجمـاعـي
بارك الله فيك
وسلمت يداك
اخي ابو نايف

[AL- alhbh boy]

http://www.qahtaan.com/works/up/get.php?hash=8zn3hpqer11218663287 (http://www.qahtaan.com/works/up)

http://www.qahtaan.com/works/up/get.php?hash=58cgjnoqux1218663287 (http://www.qahtaan.com/works/up)

[ااالمساااافر]

مشكور ابا نايف

يعطيك العافية

[معشي الذيب]

هذا الشاعر الكبير في الشعر النبطي تمنى كثير من الشعراء المحاورة معه رغم بساطته الا انه حاز على رضى متذوقي الشعر

وفي الحقيقة احب اسمع قصائدة من غيره واقرأ له دون ان اسمع منه شخصيا

وهذا يجعني اتذوق شاعريته فهو شاعر وصف من الدرجة الاولى

[المحامي]

القصيدة هذه ليست صحيحة القصيدة مختلطة بين قصيدتين لا بن جدالان
وكل شطر منها من قصيدة اخرى

ارجو التاكد من ذلك

[أبو بـ ح ـر]

http://www.arb-up.com/files/arb-up-2008-6/wR570715.gif


تسلم يمينك ولا عدمناك ..

http://www.ojqji.net/vb/1/smilies/036.gif http://www.arb-up.com/files/arb-up-2008-6/XJp62209.gif

[معشي الذيب]

تقصد ذي يابعد حيي

ون أبن جدلان من لايعٍ لاعه = كن في كبدي دوافير صناعي
ألعب المنكوس وأحب روباعه= مملٍ في الوقت والوقت خداعي
مادريت أن ضحكة الوقت خداعه= شفت مدخالي ولاشفت مطلاعي
لابغيت أسج والا انبصط ساعه= دق قلبي من وراء حدب الأضلاعي
كم من بين الضلوع آلة طباعة= تشتغل لانمت وأقوم مرتاعي
هم قلبي مايفرق تجمَاعه = غير جر الصوت والناس هجاعي
فاقدٍ لي سلعةٍ وأكبر أبضاعه = سلعةٍ تشراء ولاهيب تنباعي
رفقة الطيب ليا غير أطباعه = أشهد أنها كيةٍ توجع أوجاعي
راكب إلي صممه صاحب أصناعه= جمس بيك أب من حديثات الأنواعي
الغريب الي جديدٍ من أنواعه = حوض رفرف مايبي شد وشراعي
لا أنس البنزين عجلٍ تفرقاعه = مخطرٍ من سرعته يقلع أقلاعي
لاتحرك شفت في القاع مشلاعه = والتواير تظهر الماء من القاعي
ينعش القلب الحزين أبتهملاعه =لامشا قام يتهملع تهملاعي
لاوطى الأرض العتش كن تهزَاعه =بنت شيخٍ طامحٍ من ولد راعي
في رجاء الغايب تحَرا لمرجاعه =تنقد العشاق وتطق الأصباعي
نفسها من جملة الناس منصاعه = ماتبي إلا واحدٍ ذكره أيشاعي
ينحر اللي يأخذ الطيب بذراعه = الصديق الصافي الصامل الواعي
الوفاء والطيب ساسه ومنباعه = يوم بعض الطيب تقليد وصناعي
لاوصلتوا فأخبروني عن أوضاعه = وأخبروا راعي السمارا عن أوضاعي
أنشدو ويش السبايب بمهزاعه = لاعلي ناقص ولا أبيه فزَاعي
ودَنا نرضيه ونحاول أقناعه = كان بن مهمل بعد يسمع الداعي
كان يبغا حق للحق قطَاعه = نقعة والحق ماعنه مجزاعي
وكان مبغضٍ في الرياجيل بتَاعه = لايجي ناقد ويلحقني أرياعي
لصَديق نخلَي النفس خضَاعه = مانوريه الجفا والتمطَاعي
الصداقة عندنا ذخر وطماعه = صحبةٍ ماهيب صحبة تمتاعي
حد جدتها على البرق لماعه = وإن خذت يومين مفعولها ضاعي
فإن تليمنا على العز والطاعه = وأن تفرقنا فجوج الله أوساعي
ما أطرد المقفي ليا صفط أشراعه = مخبل اللي للمقفين تبَاعي
من يحط أذنه على كل سماعه = جاه فرقاً مابعدها تجمَاعي
والزباد أختام هرجي ومطلاعه = يدفعه من ريحة المسك ذعذاعي

[المحامي]

معشي الذيب
انت كتبت القصيدة من محفوظاتك وحقيقة فيها من الخطأ الكثير ابحث عن القصيدة وسوف تكتشف فداحة الامر

جيت تكحلها فعميتها

[معشي الذيب]

مير السالفة الله يسلمك مافيها فداحة امر ولا شيء عطنا القصيدة وريحنا منها الله لا يهينك

[المحامي]

ون ابن جدلان من لايع لاعه = كن في كبدي دوافير صناعي

العب المنكوس واحب روباعه = ممل في الوقت والوقت خداعي

مادريت ان ضحكة الوقت خداعه = شفت مدخالي ولا شفت مطلاعي

لابغيت اسج والا انبسط ساعه = دق قلبي من وراء حدب الاضلاعي

كن من بين الضلوع اله طباعه = تشتغل لانمت واقوم مرتاعي

هم قلبي ما يفرق تجماعه = غير جر الصوت والناس هجاعي

فاقد لي سلعه واكبر ابضاعه = سلعة تشراء ولا هيب تنباعي

رفقة الطيب ليا غير اطباعه = اشهد انها كية توجع اوجاعي

راكب الي صممه صاحب اصناعه = جمس بيك اب من حديثات الانواعي

الغريب الي جديد من انواعه = حوض رفرف مايبي شد وشراعي

لا انس البنزين عجل تفرقاعه = مخطر من سرعته يقلع اقلاعي

لا تحرك شفت في القاع مشلاعه = والتواير تظهر الماء من القاعي

ينعش القلب الحزين ابتهملاعه = لا مشا قام يتهملع تهملاعي

لاوطى الارض ألتعش كن تهزاعه = بنت شيخ طامح من ولد راعي

في رجاء الغايب تحرا لمرجاعه = تنقد العشاق وتطق الاصباعي

نفسها من جمله الناس منصاعه = ماتبي الا واحد ذكره ايشاعي

ينحر اللي يأخذ الطيب بذراعه الصديق الصافي الصامل الواعي

الوفاء والطيب ساسه ومنباعه = يوم بعض الطيب تقليد وصناعي

لا وصلتوا فأخبروني عن اوضاعه = واخبروا راعي السمارا عن اوضاعي

انشدو ويش السبايب بمهزاعه = لا علي ناقص ولا ابيه فزاعي

ودنا نرضيه ونحاول اقناعه = كان بن مهمل بعد يسمع الداعي

كان يبغا حق للحق قطاعه = نقنعه والحق ماعنه مجزاعي

وكان مبغض في الرياجيل بتاعه = لا يجي ناقد ويلحقني ارياعي

للصديق نخلي النفس خضاعه = ما نوريه الجفا والتمطاعي

الصداقه عندنا ذخر وطماعه = صحبة ماهيب صحبة تمتاعي

حد جدتها على البرق لماعه = وان خذت يومين مفعولها ضاعي

فإن تليمنا على العز والطاعه = وان تفرقنا فجوج الله أوساعي

ما أطرد المقفي ليا صفط أشراعه = مخبل اللي للمقفين تباعي

من يحط اذنه على كل سماعه = جاه فرقا ما عدها تجماعي

والزباد اختام هرجي ومطلاعه = يدفعه من ريحة المك ذعذاعي