القهوه وعيون الشعر

[ابو نايف]

السلام عليكم ورحمة الله وبركاته

هنا فكره بسيطه ولانستغني من حضوركم ومشاركتم معنا لنجمع أشهر ماقيل في القهوه من أشعار وذلك لما لها من أهميه بالغه جداً عند العرب قديماً وحديثاً ولنكن سبّاقين في هذا الصرح الى تكوين مايشبه الموسوعه في قصائد القهوه التي تعد من عيون الشعر الشعبي مشاركتكم وتفاعلكم يكفل لنا النجاح بإذن الله .

وأبداء بهذه القصيده المشهوره في القهوه للشاعر المرحوم بإذن الله / محمد القاضي .






يامـن لقلـبٍ كـل ماالتـمّ الاشفـاق
من عام الاول به دواكيـك وخفـوق
يجاهد جنودٍ في سواهيـج الاطـراق
و يكشف له أسرارٍ كتمها بصنـدوق
إلى عنّ له تذكار الأحبـاب واشتـاق
باله وطف بخاطـره طـاري الشـوق
قربت له مـن غايـة البـن مـالاق
بالكف ناقيها عـن العـذف منسـوق
إحمس ثلاث ٍ يانديمـي علـى سـاق
ريحه على جمر الغضا يفضح السوق
حذراك و النيـة وبالـك والإحـراق
واصحى تصير بحمسة البن مطفـوق
الى اصفرّ لونه ثم بشّـت بالاعـراق
وصارت كما الياقوت يطرب له الموق
وعطّت بريـح ٍفاضـح ٍفاخـر ٍفـاق
لا عنبر ٍ ريحـه بالانفـاس منشـوق
دقـه بنجـر ٍ يسمعـه كـل مشتـاق
راع الهوى يطـرب ليـادق بخفـوق
واحشه بدلـة مولـع ٍ كنهـا سـاق
بلـورة ٍ منصوبـة ٍ تقـل غرنـوق
خلّه تفوح وراعـي الكيـف يشتـاق
الى طفح له جوهرٍِ صـح لـه لـوق
أصغراقمـوره كالزمـرد بالأشـعـاق
وكبارها الطافح كمـا صافـي المـوق
زلّه على وضحا بها خمسـة ارنـاق
هيل ٍ و مسمار ٍ بالأسبـاب مسحـوق
مع زعفرانٍ والشمطري الى انسـاق
ريحه مع العنبرعلى الطـاق مطبـوق
إلـى اجتمـع هـذا وهـذا بتيفـاق
فصبه كفيت العوق عن كـل مخلـوق
بفنجال صين ٍ صافي عنـه الارمـاق
تغضي وكرسيـه غـدان ٍ لمعشـوق
الى صب فابصر جوهره تقل شبـراق
رنق ٍ تصور بالحمامة علـى الطـوق
شكل غَرَا الفنجال صبغـه كمـا راق
دمّ الغزال الى امّـزع منـه معلـوق
خمر ٍ الـى منـه تساقـى بالاريـاق
وعليه من ماء صافي الورد مذلـوق
راعيه كنـه شـارب ٍ ريـق تريـاق
كاس الطرب واسرور من ذاق له ذوق
يحتاج من خمرالسكـارى الـى فـاق
طفل ٍ يشف شفاه والعنـق مفهـوق
عبث ٍ يعيل ابحُبـة ٍ منـه مـا مـاق
وهو يباهـي باهـي البـدر بشعـوق
في وجنتيه الى غنـج بـارق ٍ حـاق
عجل ٍ رفيفه بالطها الغـرق بطبـوق
سحر ٍكتب مـن حبرعينيـه بـاوراق
خديه صادين ٍ و نونيـن مـن فـوق
كن العرق بخدودهـا حـصّ ارنـاق
نثر على صفحـات بلـورة الشـوق
إلى تبسـم شـع و أشـرق بالآفـاق
نور ٍ يفوق البـدر سحـار منطـوق
والعنق كن المسك والـورس بـراق
ما مشخص ٍ في صدره الشاخ مدفوق
يمشي برفق ٍ خايف ٍ مدمـج السـاق
يفصم حجول ٍ هزه الثقل مـن فـوق
الى صفت لك ساعة ٍ و أنت مشتـاق
فاقطف زهر مالاق و العمـر ملحـوق
فالى حضر ماقلت عنـدي فـالارزاق
بيـدي كريـم ٍ كافـل كـل مخلـوق
والله لو يمشـي شقـاق ٍ بالأسـواق
من الملاء مايمسط الخمـس مخلـوق
هذا و صلوا عـد مـا نـاض بـراق
أو ماشكى الفر قا شفيـق ٍ لمشفـوق
على النبي مـا زج زاج ٍ بـا لأوراق
و آله و صحبه عد ماسيق مسيـوق





في إنتظار مشاركاتكم .

[ابو انس]

والله وانا اخوك ما اعرف الابيت ما ادري منه قا ئله
الدله لي ماتبهر من الهيل...........مثل العجوز خبيث نسمها
على فكره ما احب القهوه

[علي الميموني]

من أبرز الأبيات وهي كثيرة اللي تناولت القهوة أبيات محمد العبدالله القاضي ويقول فيها :



دنيـت لــي مــن غـالـي الـبـن مــالاق
بالكـف صافيهـا عـن العـذق منـسـوق
احمـس ثـلاث يـا نديمـي عـلـى ســاق
ريحه على جمر الغضى يفضح السوق
وايـــاك والـنـيـه وبـالــك والاحـــراق
واصحا تصيـر بحمسـة البـن مطفـوق
دقـــه بـنـجـر يسـمـعـه كـــل مـشـتـاق
راع الهـوى يطـرب الـى دق بخـفـوق
لـقــم بــدلــه مــولــع كـنـهــا ســــاق
مصـبـوبـة مـربـوبـة تـقــل غـرنــوق
خلـه تفـوح وراعــي الكـيـف يشـتـاق
الـى طفـح لـه جـوهـر صــح لــه ذوق

إلى أن قال:




زله على وضحا بها خمسـة ارنـاق
هيـل ومسمـار بالاسبـاب مسـحـوق
مع زعفران والشمطري إلى انساق
والعنبر الغالي على الطـاق مطبـوق
إلــى اجتـمـع هــذا وهــذا بتـيـفـاق
صبه كفيت العوق عن كـل مخلـوق



ومن الأبيات المشهورة أيضا أبيات الشيخ راكان بن حثلين وفيها يقول :




ياما حلا الفنجال مع سيحة البال
في مجلس مـا فيـه نفـس ثقيلـه
هــذا ولــد وهـــذا ولـــد خـــال
وهـذا رفـيـق مــا لقيـنـا مثيـلـه




وكذلك يقول الشاعر عبدالله بن سبيل:




ترى حلاة الكيف يا مشـرب لـه
لا فارقوك اهل الحسد والنجاسه
لا صـار شغـالـه ظـريـف بـزلـه
وظـرف بتقليبـه وقيمـة قيـاسـه
الـى صفـا بنـه علـى مـا شغـلـه
تلقا على الفنجال ردعـة لعاسـه
خطو الولـد تـوه علـى شبـة لـه
جميع هو مات المراجـل براسـه
يـقـوم بالمـعـروف دقــة وجـلـه
والله مهيـئ لـه عـلـى قوبـاسـه
وخطو الولد رجم على غيرحلـه
لو جازلـك مبنـاه بـرّق بساسـه


ولقيت أبيات جميلة لشاعر هباس بن مجلاد :



قم سو ما يصبغ على الصين ياذياب
بــدلال يـشـدن البـطـاط المـحـاديـب
احمس الـى مـن العـرق فوقهـا ذاب
واستدن ما يجذب عليـك الشراريـب
نجر يصيح من الطرب تقل بحجـاب
يصبر علـى طـول الدهـر للمواجيـب

معاني بعض الكلمات في أبيات الشاعر هباس

البطاط =قد يكون المقصود البط وإضافة الألف والطاء لمطابقة الوصف للموصوف
الشراريب = أي الشريّبه وهم الشاربون المتذوقون للقهوة طبعا ً ليس المقصود الجوارب

..
كان للقبايل سلوم في شرب القهوة وطريقة تقديمها
لم يبقى منها إلا القليل في عصر التطور وظهور الزمزمية وما شابهها:
هذا الرد مجرد مشاركة وإضافة بسيطة للموضوع ولن أتردد في العودة إذا لقيت إضافة ثانية:rolleyes:

[ابو نايف]

بارك فيك يا بو نواف على هذه المشاركه الرائعه منك
فلك منى كل التقدير والاحترام
وتقبل مروري

[ابو سعود]

القهوة اللي ماتبهر من الهيل ***مثل العجوز اللي خبيث نسمها

(أسد يا أسد )
يقال بأن أول من قال هذا المثل هو الشاعر عجران بن شرفي السبيعي

والشاعر عجران عاش في عام 1300هــ فما فوق

وكان شاعراً فحلاً كفيف البصر ويظهر أن بصره كف في آخر حياته ؛

لأن له قصائد حماس ووصف , والله أعلم .

نرجع إلى المثل وهو يضرب عندما يكون الخصمان متكافئان

وهكذا يقال أن عجران السبيعي حل ضيفا على فجـحان الفراوي

من كبار شعراء وكرماء ووجهاء قبيلة مطير

وكان يسكن في الصمان وكانت الأسواق والقرى بعيده عن المراتع

ووسائل النقل بطيئه لنقل الطعام

أو القهوه والهيـل فقد ينفد الهيل مثلا ويبقى صاحب البيت مده بدون هيل وهكذا ,

وهذا ماحصل لفجحان الفرواي عندما ضافه عجران السبيعي

وقام الفراوي وذبح الخروف وأمر بطبخه وعمل

القهوه ولم يجد هيلاً فوضع فيها شيئا من الزنجبيل ويقال

القرنفل ( العويدي ) ويقال بأنه قدمها

بدون هذا كله وكان الفراوي لايعرف بأن ضيفه هذا هو عجران

السبيعي علما بأنه يسمع به وشهرته ذائعه

وكذلك عجران لايعرف بأن هذا هو فجحان الفراوي شاعر وكريم

من كبار قبيلة مطير فعندما قدم الفرواي

الفنجال لضيفه عجران وذاق القهوه واذا هي بدون هيــل فقال :

الدلّة اللي ماتبهّر من الهيـل مثل العجوز اللي خبيثٍ نسمها

لكن الرجل الذي أمامه شاعر مثله أو يفوقه حين قال :

نوبٍ نحط الهيل ومفطح الحِيل
ومرٍ نخلي الموجبه من عدمها

عندما عرف السبيعي أن مضيفه شاعر وكريم قال : ( أسد يا أسد ) ,

يعني الذي أمامي أسد مثلي

فيجب الإعتراف به بالشعر وكذلك بعذره لأنه عرف بأن الهيل قد نفد ,

وأن الظروف لاتساعد في بعض الأحيان

والرجال يقدرون ويعرفون .

يقول الكاتب : أخذت هذه القصه من أحد مجالس مطير وصدقها لي

أحد رجالات سبيع والله أعلم

[علي الميموني]

اشكرك ابا نايف على التعقيب واشكر الاخ ابو سعود على المشاركه

[الغمام]

منقول من منتدى( النداوي الشعبية)

نبغى الجديد
معكم(أبوشريدح)

[نواف السراد]

قصيدة ذعار بن ربيعان من شيوخ عتيبه
____________________
______________

لولا شرابه يا عرب وين أروحـــي
وأكويه بالجمرة ويكوي جروحــي
أقصر بصبتها على كيف روحـــي
الجادل اللي عند أهلها طموحي
فكاك بالضيقات راعي اللدوحــي
عيد لربعه بالزمان اللحوحـــــــي
يضوي ولو صكت عليه انبوحـــي
ضباط مال وحافظين السروحــي
يا معذربين التتن لـــولاه لـــــــــــــولاه
والله لولا العظم يوم اني أمــــــــــــلاه
مع دلة صفرا على النار مــــــــــــركاه
فنجالها كنه خضاب الخــــــــــــــونداه
عده لمن يثني خلاف المـــــــــــخلاه
وعده على اللي تدفق السمن يمناه
وعده لغمر ما توني مــــــــــــــــطاياه
وباقي الرجال افحول نــــسوان ورعاه

[نواف السراد]

دغيم الضلماوي الشلاقي الشمري
معروف بالكرم وخاصة القهوة اللي يقول به
ياكلـيـب شــب الـنـار ياكلـيـب شـبـه - عليـك شـبـة والحـطـب لــك يجـابـي
وعـلـي أنــا ياكـلـيـب هـيـلـه وحـبــه - وعـلـيـك تقـلـيـط الــــدلال الـعـذابــي
وادغـث لهـا ياكليـب مـن سمـر جبـه - وشـبـة الــي مـنـه غـفـى كــل هـابـي
بــاغــي لــيــا شبـيـتـهـا ثـــــم قــبـــة - تجـلـب لـنــا ربـعــا ســـراة غـيـابـي
بنـسـريـةً يـاكـلـيـب صـلـفــا مـهـبــه - لاهــب نسـنـاسـه تـقــل ســـم دابـــي
ســــراة بـلـيــل ونـاطـحـيـن مـهـبــه - متـكـنـفـيـن وســوقــهــم بـالـعـقـابــي
الـوالـمـة يـاكـلـيـب عــجــل بـصـبــه - والـرزق عنـد اللـي ينشـى السحابـي
صـبــة لـقـرمـا صـرفـتـه ماحـسـبـه - يـوم البخيـل مكنـهـب الـوجـة هـابـي
وصـبـة لمنعـوريـن لـيـا جـــاة نـبــة - يرخص بعمره والدخل لهـا ضبابـي
وعـدة عـن الـلـي مـايـداري المسـبـه - الـلــي يـــدور بالـقـصـيـر الـغـيـابـي
عـن الطـيـب عــده نــازلا لــه بغـبـه - يضرب علـي درب الخطـا مايهابـي
لا بـاطــن الهـلـبـاج خـطــوا الجـلـبـة - يــا حـلـو خـبـط عصيـهـم بالركـابـي
أطـمـر لـهـم وأبــدي ســلام المـحـبـه - لا جـو عـلـى هجـنـاً يديـهـم خـرابـي
ســلام أحـلـى مـــن شخـالـيـل جـبــه - وأحلـى مـن السمـن الجديـد العـرابـي
مــع كـبـشً مـصـلاح راســه نـجـبـه - لا أدبـــر الـهـيــن مـتـيــن الـعـلابــي
خـطـو الـولـد يـــوم الـمـلاقـي نـكـبـه - يأتـي عليـنـا مــن حـسـاب الزهـابـي
وحتـى ايـش لـو يلبـس وبينـن وجبـه - مـعـيـرة عـلــى غـضـيـر الـشـبـابـي
أنـــا لـقـيـت الـصـبـر يـازيــن غـبــه - يرقيك رؤوس مشمرخات الهضابي
مـن لاصبـر ياكليـب فـي حكـم ربــه - هــذاك يـــوم الـبـعـث مـالــه ثـوابــي
يقولـهـا الـلـي مـــا حـســب المـسـبـه - ولا عرقل الاجـواد ببعـض الهلابـي
هـــذا هـــوى بـالــي وهـــذا مـطـبــه - مــن قـبـل مايسـفـح عليـنـا الـتـرابـي

تقبلو تحياتي؟؟؟؟؟؟؟؟؟؟