أبو سهل لاهنت وصل الرسالة

[المحامي]

سلام تسليم لاهل المـنتدى نوره ومـبداه = يشع شع الشروق إليا شرق خلف الطويلة

إن كان في المنتدى شاعر على خده وسمناه= وسم (ن) يعديه عن درب المذلة والرذيلة

بو سهل نسمع لكم صوت ولحن ما عرفناه= ما ادري ذخيرة قنص وإلا ه أبو ملح وفتيلة

يقولون عند العوامر شاعر ما في حلاياه=وشـــــــاعر فريد ولا في المملكة شاعر مثيله

وانا من المنتدى احييه واعلن وتحداه = وتراه مسموح يســـتفزع بشعــــــار القبيــلة
المحامي

[( أبو ســـهـل )]

حياك الله أخي المحامي
وأهلا وسهلا بك
الرسالة وصلت لإبي بدر اليوم الجمعة >>> وما على الرسول إلا البلاغ
وآسف لتأخري في الرد
وإن شاء الله سيكون قريبا معنا ولكن لضيق وقته ومشاغله
أخرته عن المنتدى
تقبل أجمل التحايا وأعطرها

[المحامي]

أبو سهل شكرا على ردك وشكرا على توصيل الرسالة وانا بانتظار أبو بدر

[العامري 123]

السلام عليكم
بدايه احب امازح الاخ المحامي واتعلم الشعر فيه مع اني اشطح في قضيه الشعر وتظهر النزعه الهجوميه فيما اكتب من ابيات مكسره نسأل ان يغفر لنا ولكم وعلى ما يجي رد ابو بدر اقول :
يا مرحبا يا محامين حل ما جاه = الا مشاكل ربعه اللي دخيله
شاعرنا لامنه بدا في المحاماه = حمي الوطيس وشب تالي الفتيله
حنا العوامر منبع الطيب والجاه = واهل الكرم واهل العلوم الفضيله
كم واحدا مثلك تحدا وعسفناه = وكم واحدا نوخ وسيب قتيله
واختم كلامي ربي اللي ترجاه = تغفر لجدي وماحصل من قبيله
ملاحظه : دخيله تعود على المشاكل وليس ربع الرجال

[المحامي]

العامر ي هلا بك وشكرا على مرورك
ثانيا الشاعر يتعلم الشعر مع الشاعر الاخر وليس يتعلم الشعر فيه
ثالثا ليس عندي مانع في ان نتحاور في اي وقت لكن اسمح لي هذه المحاورة مقصود بها أبو بدر الا اذا كان أبو بدر انابك عنه فشد حزامك
رابعا شعر المحاورة يحتاج الي خبرة في المحاورة ومعرفة في منعى الشاعر وليس السالفة مجرد رصف كلمات وهجوم او غيرة
ولك مني تحية

[العامري 123]

جزاك الله خير يالمحامي وانا قدمت بكلمه امازح والا مثلك وشرواك ما يتعلم فيه ولكن يتعلم منه وانا الان اقدم اعتذاري واقر اني اخطيت وعلى قولتك بارك الله فيك رصفت الكلام واندفعت مثل الانتحاري عسانا ما ننحر التوحيد ولا تنحر انت المعاني خل انا شفت تحدي وطمرت

اكرر الاعتتذار وليت شعري هل تمازحنا ام انت جاد فنغيب خجلا مما قلنا