المساعد الشخصي الرقمي

مشاهدة النسخة كاملة : النشاما والملك


ضيف الله العامري
13-04-2018, 11:03 AM
مشاركت الشاعر ضيف الله العامري
في زواج الشاب سالم بن عبدالله العامري بقصر المعنى


ياالله يامن كل خلقك يعبدوك ويطلبوك
انت الكريم الي ليا مديت منها يغتنون

ياغافر الزلات لعبادك ليا منهم رجوك
الي لوجهك يا يلاهي يركعون ويسجدون

ياساهر الغرات خلقك يعبدوك ويشكروك
ولا سواك ولا لغيرك يعبدون ويشكرون

ياذو الجلال الي وعدت انك تدك الارض دوك
عجل ودك الارض فوق الغاصبون المعتدون

يالواحدالفردالصمد يالمستجيب لمن دعوك
تحفظ ملكنا الي مكانه بالقلوب وبالعيون

ياسيدي سلمان يفدا رجلك الي يكرهوك
وحنا لمن لايحترمكم باغضون وكارهون

واحفظ ولي العهد وجعل في نحوراعداه شوك
هذا ولد سلمان من خلاء الدول له يذعنون

عش يا وطنا دام عزك تحت ظل الي حموك
عش في ذراءال سعود والي عن ثراك يدافعون

بالسيف الاملح والاصايل رسموك وحددوك
حتى وصرت افضل وطن وهلك بنعمه وامنون

وبعدها يامرحبا ياضيف عند الي نبوك
يامرحبا بسم الذي في كل ماقف يجملون

على المصافي والشحم والعود الازرق قلطوك
ومن العصر قدام باب القصر صف يرحبون

هذي بيوت اعدها عد المصارف والبنوك
ماهي بحي الله ثلاثه ابيات عند المكرفون

ولا انتظر صحت لسانك شاعراً لافض فوك
دامو عمالقة الشعر لي بالجزاله يشهدون

وقصايدي ماقولها الا فالنشاماء والملوك
شاعر ولي نظره بعيده فوق ماتتصورون

امدح بها الي فالمراجل ماخذن عدة صكوك
هذاك عبدالله طويل الباع وانتم تعرفون

عبدالله الي لاوقف وقفات مافيها شكوك
والناس من طيبه وتقديره جلوس ويوقفون

عزالله انك كاسب الامداح من جدك وبوك
ياجعلهم في جنة الفردوس الاعلى يسكنون

على الوفا والطيب والجودات والشيمه ربوك
حتى وصرت الفارس الي فيك ربعك يقتدون

ياجعل مالا يفعلو فعلك ياعبدالله فدوك
يفدونك الي مالهم قدره بفعلك يفعلون

يافزعة الي لاتهقوو فيك هقوات ونصوك
تدق صدرك للزوم وينقضي مهما يكون

وقبايلك في كل ميقافن كبير يقد موك
تنوب عنهم ونت قد الي يبون ويطلبون

انت الاسد وشبالك الي في عرينك يخدموك
اشبال من ذاك الاسد فالمرجله يتسابقون

ونا اعتبرني طال عمرك في يمينك مثل خوك
تمون لو تامر على عيني وتاخذها تمون

شجرة الدر
13-04-2018, 01:13 PM
قصيدة جزله
صح لسانك ابو ثامر

ضيف الله العامري
13-04-2018, 01:49 PM
صح بدنك واشكرك على المرور والشكر موصول لاستاذي ابونايف على جهوده

مون لايت
18-05-2018, 01:11 PM
روعه
صح لسان ابو ثامر

ملامح خجوله
14-07-2018, 03:01 PM
[/URL]http://img.el-wlid.com/imgcache/2014/03/811308.gif (http://forum.el-wlid.com/t1768.html)
[URL="http://forum.el-wlid.com/t1768.html"]

الفيصل
16-07-2018, 01:53 PM
صح لسانك ابو ثامر