الطريق إلى جرش

[عبدالكريم الخلايله]

الطريق إلى جرش



إعداد و تصوير

الباحث عبدالكريم أحمد الخلايلــه


ـــ هللوه .... هللوه.... أيوه ..أنا أبوالرائد.. يا صاحبي لاتنسى بكره موعدنا في رحلة إلى جرش ... بنلتقي عند مسجد الجامعة الأردنية الساعة الثامنة والنصف صباحا ً... بس ع شرط أسلمك سيارتي وإنت إللي رح تسوقها لأني رح أكتب شو عم بيصير وإحنا ماشيين ..........http://i290.photobucket.com/albums/ll276/abdelkareem_2008/THE%20WAY%20TO%20JARASH/WJA1.jpg


ماشي ياعم ......... أوكيييييييييييييه .. إتفقنا .
*******
ــ أهلاااااااااااااااااا وسهلااااااااااا......والله عا الموعد تمام التمام.
ــ شغل السيارة ... وحط العداد صفر....... يالله حط أول وقول يالله عليك الإتكال......... وهلأ بدن نقرأ دعاء السفر .
ــ شايف الطلعة هذيك..... هاي بتروح على مدينة الجبيهه ...إمشي و بعد 500 م خذ عا اليسار حتى ندخل من وسط الجبيهه ودير بالك الشارع مش واسع وفيه بلدية وبنك ومدرستين ومحلات تجاريه ، يعني الحركة فل الفل ، يعني زحمه يادنيا زحمه..............
http://i290.photobucket.com/albums/ll276/abdelkareem_2008/THE%20WAY%20TO%20JARASH/WJ19.jpg


ــ خليك ماشييييييييييييي ولما تشوف العداد 5 , 1 كم معناته ياسيدي إنت في آخر البلد ورح تشوف دوار إسمه " دوار الجبيهة " ولاتروح لا يمين ولا شمال لا تظيعنا !!! خلي الدوار على يسارك ودير بالك الأزمة هون خانقه ......... إمشي وإتجه نحو الشمال وخليك دوغري........
ــ أظن عداد سيارتك صار 5 , 2 كم إذن إنته على دوار آخر ... والله إسمه غير محدد ... أهو دوار ........... خليه على يسارك وإتجه شمالا ً........
ــ آآآآهـ بتسألني لمين ها البيت إللي على يسارك ؟ ياحبيبي هذا بيت " أخت الأردنيين جميعا ً " محبوبة الجماهير النشمية الهاشمية الأردنية سمو الأميره بسمه بنت طلال صاحبة الأيادي البيضاء ، الله يطولنا بعمرها .
ــ أيوااااااااااااااااااهـ وهالحين ، رح تنزل بإتجاه مدينة الجبيهه الترويحية http://i290.photobucket.com/albums/ll276/abdelkareem_2008/THE%20WAY%20TO%20JARASH/BaytOrdoni.jpg


http://i290.photobucket.com/albums/ll276/abdelkareem_2008/THE%20WAY%20TO%20JARASH/ALtarweehyyah.jpg


لكن مارح نوصلها ، فعداد السياره 5 , 3 كم فلازم ننزل من فوق الجسر يمينا ً إلى تحت الجسر ،
http://i290.photobucket.com/albums/ll276/abdelkareem_2008/THE%20WAY%20TO%20JARASH/WJA4.jpg


حتى نربط مع " شارع الأردن " وهلأ بدك تغني " وإبتدا المشوار " سمعني عاد بدي أسمع صوتك ...................
ــ إحنا الآن ماشيين في شارع كبير وواسع ولكن خليك حذر جدا ًمن الكوربات والمنعطفات والنزول الحاد والمناظر .http://i290.photobucket.com/albums/ll276/abdelkareem_2008/THE%20WAY%20TO%20JARASH/WJA6.jpg


http://i290.photobucket.com/albums/ll276/abdelkareem_2008/THE%20WAY%20TO%20JARASH/WJA19.jpg



ـــ شوف ياصاحبي إذا صار عداد السيارة 19 كم هون بدك توخذ منتهى الحذر.......... هذا نزول حاد وطويل مع منعطف حاد ............فأحسن إلك ولغيرك لاتستعمل البريكات إستعمل الغيارات العكسية حوالي 7 كم وإنته على ها الحال ، لكن رح تشوف مناظر حلوه بس ياحرام كيف بدك تشوفها وإنت عم بتسوق .......... مافي أمامك إلا ّ تصف على اليمين ونتريح شوي وتصورلك أكمـّـن صورة...
http://i290.photobucket.com/albums/ll276/abdelkareem_2008/THE%20WAY%20TO%20JARASH/WJA15.jpg



http://i290.photobucket.com/albums/ll276/abdelkareem_2008/THE%20WAY%20TO%20JARASH/WJA16.jpg



http://i290.photobucket.com/albums/ll276/abdelkareem_2008/THE%20WAY%20TO%20JARASH/WJA17.jpg



http://i290.photobucket.com/albums/ll276/abdelkareem_2008/THE%20WAY%20TO%20JARASH/WJA18.jpg



ـــ خلاص ياصاحبي يالله شغل وحط أول وقول يالله ..... مبسوط ..هاه ...
طبعا ً الطريق سهل وشجر عى الصفين وغابات يمين وشمال !!!!!!!!!
ـــ لاتنسى بس يصير عداد السياره 27 كم صف على اليمين حتى أعطيك فرصة تتفرج على جامعة فيلادلفيا الخاصة..وموقعها الساحر....... http://i290.photobucket.com/albums/ll276/abdelkareem_2008/THE%20WAY%20TO%20JARASH/WJA23.jpg



ـ بعدين أنا عازمك على فطور في أحد ها المطاعم ... أردني ع لبناني ع سوري .... موجود مطاعم بكثرة......... أكلات شعبية أكلات أخرى كله كله موجود.......فيه إثنين موجودين في مكان مرتفع يخليك تشوف كل المناظر الحلوة..... أنا جربتهم......... وبما أنك ظيف رح أختار المطعم إللي يعجبك .
http://i290.photobucket.com/albums/ll276/abdelkareem_2008/THE%20WAY%20TO%20JARASH/WJA27.jpg


ـــ يالله ياصاحبي خلينا نمشي ..... توكلنا على الله ... إمشي شوي شوي مشان تشوف المناظر الجميله ........ الشارع ومرتفعات الرمان وطريق المصطبة وتلة الرز وسد الملك طلال
ـــ إذا جاي عبالك نستريح ......... فيه مطعم ع اليسار لبناني ... جلسته حلوه وبترد الروح ........ آآآآآآآهـ ما أحلا ريحة المشاوي والكبه والتبوله أأأأه مش عداد السياره 31 كم هذاك هو ّ المطعم !!!! http://i290.photobucket.com/albums/ll276/abdelkareem_2008/THE%20WAY%20TO%20JARASH/WJA26.jpg



بدك نمشي إنت حر ... ياالله بينا ياالله ................. بس ذكرني لما العداد يأشر على 34 كم
رح ننزل نتفرج على سيل جرش ــ الزرقاء إللي ياحسرتي عليه .........
إللي تحول من نهر عظيم يحسب له ألف حساب إلى سيل للمياه غير الصالحة للشرب أو حتى الإستعمال ؟؟؟!!!!
http://i290.photobucket.com/albums/ll276/abdelkareem_2008/THE%20WAY%20TO%20JARASH/WJA20.jpg



http://i290.photobucket.com/albums/ll276/abdelkareem_2008/THE%20WAY%20TO%20JARASH/WJA32.jpg

http://i290.photobucket.com/albums/ll276/abdelkareem_2008/THE%20WAY%20TO%20JARASH/WJA44.jpg







http://i290.photobucket.com/albums/ll276/abdelkareem_2008/THE%20WAY%20TO%20JARASH/WJA45.jpg



ـــ بلاش نطول هون خلينا نمشي ......... أيوه خليك صاعد حتى تشوف طريق على شكل Y ، فلا تروح على اليسار لأنه الشارع هذا يودينا على إربد .......... عشان هيك لزْما ً ولابد خذ الشارع إللي على اليمين... وعلى مهلك ... لأننا سندخل من تحت نفق يقودنا إلى جرش.............. آآآآآآآآهـ

http://i290.photobucket.com/albums/ll276/abdelkareem_2008/THE%20WAY%20TO%20JARASH/WJA31.jpg


شايف ها الطريق كيف صار !!! كان سايد واحد والسواقه عليه بتخوف لكن الحمدلله الحكومة قامت بتوسيعه وصار سايدين........ خليك ماشي دوغري بين ها الأشجار والمزارع والمشاتل حتى نوصل للإشارة........http://i290.photobucket.com/albums/ll276/abdelkareem_2008/THE%20WAY%20TO%20JARASH/WJA36.jpg



ـــ هاي الإشاره بتشير إلى جرش وعجلون .........

http://i290.photobucket.com/albums/ll276/abdelkareem_2008/THE%20WAY%20TO%20JARASH/WJA39.jpg


http://i290.photobucket.com/albums/ll276/abdelkareem_2008/THE%20WAY%20TO%20JARASH/WJA28.jpg



إحنا بدنا نروح جرش فلازم نوخذ اليمين دوغري.......... إنتبه إللي عا اليسار بتودي إلى عجلون .... رح ... نأجل زيارتنا إلى عجلون إلى يوم ثاني ومن طريق آخر .
ـــ صارت الإشاره خضرا .... خليك ماشي دوغري... وهذاك أول منظر من آثارجرش إسمه " بوابة هدريان " http://i290.photobucket.com/albums/ll276/abdelkareem_2008/THE%20WAY%20TO%20JARASH/WJA42.jpg



بس مارح ندخل منه لأنه لازم نراجع مركز الزوار ... بعد 600 متر ، وندخل من البوابة الشرقية................

http://i290.photobucket.com/albums/ll276/abdelkareem_2008/THE%20WAY%20TO%20JARASH/WJA41.jpg



ـــ هاذا هو المدخل بدنا حوالي 3 ساعات وأكثر وإحنا نتجول بين ها الآثار
الفورم ، المدرج الجنوبي ، شارع الأعمده ، الكنائس القديمة ، هيكل أرتميس ، الفسيفساء ، المدرج الشمالي ، ثم العودة إلى المدخل الجنوبي " بوابة هدريان " ورح نشوف ميدان سباق الخيل القديم وووووووووووووالخ
ــ أظن تعبنا مزبوط إذن ياالله نشوف واحد من ها المطاعم الرائعة حتى نتغدى فيه ............

http://i290.photobucket.com/albums/ll276/abdelkareem_2008/THE%20WAY%20TO%20JARASH/WJA38.jpg


يااااااه ما أكثرها داخل الآثار أو خارجه أو في داخل المدينه ........ وبعد مانتغدى لازم نتمشى داخل المدينة القديمة...

http://i290.photobucket.com/albums/ll276/abdelkareem_2008/THE%20WAY%20TO%20JARASH/WJA40.jpg


وبعدين نروح نتفرج على بعض المناطق الطبيعية الجميله مثل ثغرة عصفور ودير الليات وسوف وبورما ونحله وريمون وساكب ودبين وسد الملك طلال ..............

http://i290.photobucket.com/albums/ll276/abdelkareem_2008/MADINAT%20%20%20JARASH/JAR77.jpg





http://i290.photobucket.com/albums/ll276/abdelkareem_2008/MADINAT%20%20%20JARASH/JAR67.jpg

http://i290.photobucket.com/albums/ll276/abdelkareem_2008/THE%20WAY%20TO%20JARASH/WJA43.jpg


http://i290.photobucket.com/albums/ll276/abdelkareem_2008/THE%20WAY%20TO%20JARASH/WJA44.jpg




والآن صارت الساعة 5 مساء ً فقد حان وقت الرواح.........
ــــ يااااااااااااااااااااااااهـ من جرش إلى الجبيهة أخذت معانا ساعة واحدة
ــ آآهـ ياصاحبي إن شاء الله إنبسطت ...... والله أنا شايفك مبسوط بس لاتنسى تكتب تقرير مدعوم بالصور وتبعثه للمنتدى ... يعني .. خلي الزملاء يتفرجوا ......
ــ أما أنا فسأكتب عن جرش مدينة الألف عامود وسأرسله للمنتدى مع الصور، بعد مانرسل تقرير الرحلة .



ـــ سلام .... أستودعكم الله ..........

وإلى لقاء في رحلة قادمة إلى مدينة جرش نفسها

[الجوري]

الله يعطيك العافيه اخي الكريم عبدالكريم على هالموضوع
مناظر رائعه ومجهود تشكر عليه
حفظ الله الاردن وشعبها من كل مكروه
يسلموووووو

[عنود ألأصيل]

بارك الله فيك على مجهوداتك
الرائعة والراحلات الممتعه




http://www.alhebah.com/vb/mwaextraedit4/extra/58.gif

[ريح الشرق]

شكــــــــــــــرا لك أبا الرائد

موضوع رائع ومميز

الله يعطيك العافية
http://www.alhebah.com/vb/mwaextraedit4/extra/97.gif


تقبل أجمل تحية

[الفاروق]

اخي واستاذي / عبدالكريم الخلايله
مبدع دائماً في جميع مواضيعك .
يعطيك ألف عافيه .

[ابو نايف]

ابو رائد
ابداع رائع
سلمت يداك ولا عدمناك
لك امل التحايا واعطرها

[عبدالكريم الخلايله]

الأخ أبو نايف

تشرفت بمطالعة مضمون مداخلتكم الطيبة

[عبدالكريم الخلايله]

الجوري يحفظك الله


تشرفت بعباراتك الطيبة في مداخلتك فلك مني جزيل الشكر والتقدير

[كل شي ماشي]

الله يعطيك العافيه اخي الكريم عبدالكريم على هالموضوع
مناظر رائعه ومجهود تشكر عليه
حفظ الله الاردن وشعبها من كل مكروه
يسلموووووو

[عاشق الاحزان]

http://www.alhebah.com/vb/mwaextraedit4/extra/69.gif

[عبدالكريم الخلايله]

عاشق الأحزان

أشكرك جزيلا ً على مداخلتك وعلى تواصلك الدائم

[عبدالكريم الخلايله]

* عنود الأصيل

* ريح الشرق

* الفاروق

* كل شي ماشي


أشكركم جزيلا ً على تشريفكم ، فلكم مني كل التقدير والإحترام

[طيف]

بين مواضيعكم نجد
المتعة دائما
وفقكم الله لقادم اجمــــــــــل