علي الميموني
21-11-2007, 04:33 PM
القصيده المشهورة لشاعرنا محمد الدحيمي تنشر ولاول مرة كامله
علم العفا وعفاك .. يا وافي الكيـل
بساطه أبشّرك .. فـي خيـر وعفـا
نكفي بعضنا ,, وانتكافا على الشيـل
واللي تعب من الحطّ والشيـل يكفـا
من ذاق حرّ القايلـه يعشـق الليـل
ومن شبّ ضّوه ليلة البـرد .. يدفـا
لاعاد ليلٍ ٍ نمت به في حرى سهيـل
وخايلت نوضٍٍ يخطف العيـن خطفـا
امسيت من جيل ٍ ولاهـوب ذا جيـل
واصبحت ... والاّ ديرتي شبه منفـا
كنّا علـى فـال الشحـم والمعاميـل
ونفوسنا انقى من نقى العدّ .. واصفا
وانا ولو راحـت بقولـة : تساهيـل
صلف وصروف الوقت تحتاج صلفـا
ياترج جدّاني .. زحـول الرجاجيـل
يحرم فلا لي عنك ياتـرج .. مقفـا
إمّا لطمنا العيل .. والاّ الطـم العيـل
مادام شبّ النـار منـدوب الأطفـاء
خل ابرهه الأشرم على ذمّـة الفيـل
وانظر لشيٍ .... مايوصفّـه وصفـا
ياذيـل والله ماتجـي راس يـاذيـل
علمٍ ماهـو يغبـى ولاهـوب يخفـا
واللـي حمـا بيتـه بطيـرٍ ابابيـل
ماجيتـك ادوّر لمـن راح واقـفـا
ولا جيتك اطلب منك بـن ٍ ولا هيـل
جيتك وجرح الظلم .. غاديـه يشفـا
جيتك بكلمة .. كنّها صعقـة الويـل
إن قلت تكفـا ... لا تهـاون بتكفـا
تكفا .. تراها كلمـةٍ تقطـم الحيـل
لا بالله الا تنسـف الحيـل نسـفـا
تكفا .. ماهـي لمعقبيـن الفناجيـل
تكفا لصلف وعـادة القـرم صلفـا
تكفا .. ترى تكفا لها هـدرة السيـل
في صدر حرًّ .. ينتف الطيـب نتفـا
تكفا .. ترى تكفا لها تسرج الخيـل
إن كان لك باالخيل سرج ٍ و عسفـا
تكفـا .. تبيّـن كـلّ لاشٍ وحليـل
تسمع لهـا بالصـدر هبـدٍ ورجفـا
تكفـا .. وتكفـا ماتسـاق لمهابيـل
تكفا .. تخلـي القـرم لاشٍ وهطفـا
تكفا .. تجنّبني هـل القـال والقيـل
مانيب من ينكـف علـى كـل ملفـا
تكفا .. تراني من قـروم ٍ مشاكيـل
حمّاية الساقـه .. بسيـفٍ وشلفـا
تكفا .. ترى تكفـا تـذّل الرجاجيـل
ولولا صروف الوقت ماقلت .. تكفـا
علم العفا وعفاك .. يا وافي الكيـل
بساطه أبشّرك .. فـي خيـر وعفـا
نكفي بعضنا ,, وانتكافا على الشيـل
واللي تعب من الحطّ والشيـل يكفـا
من ذاق حرّ القايلـه يعشـق الليـل
ومن شبّ ضّوه ليلة البـرد .. يدفـا
لاعاد ليلٍ ٍ نمت به في حرى سهيـل
وخايلت نوضٍٍ يخطف العيـن خطفـا
امسيت من جيل ٍ ولاهـوب ذا جيـل
واصبحت ... والاّ ديرتي شبه منفـا
كنّا علـى فـال الشحـم والمعاميـل
ونفوسنا انقى من نقى العدّ .. واصفا
وانا ولو راحـت بقولـة : تساهيـل
صلف وصروف الوقت تحتاج صلفـا
ياترج جدّاني .. زحـول الرجاجيـل
يحرم فلا لي عنك ياتـرج .. مقفـا
إمّا لطمنا العيل .. والاّ الطـم العيـل
مادام شبّ النـار منـدوب الأطفـاء
خل ابرهه الأشرم على ذمّـة الفيـل
وانظر لشيٍ .... مايوصفّـه وصفـا
ياذيـل والله ماتجـي راس يـاذيـل
علمٍ ماهـو يغبـى ولاهـوب يخفـا
واللـي حمـا بيتـه بطيـرٍ ابابيـل
ماجيتـك ادوّر لمـن راح واقـفـا
ولا جيتك اطلب منك بـن ٍ ولا هيـل
جيتك وجرح الظلم .. غاديـه يشفـا
جيتك بكلمة .. كنّها صعقـة الويـل
إن قلت تكفـا ... لا تهـاون بتكفـا
تكفا .. تراها كلمـةٍ تقطـم الحيـل
لا بالله الا تنسـف الحيـل نسـفـا
تكفا .. ماهـي لمعقبيـن الفناجيـل
تكفا لصلف وعـادة القـرم صلفـا
تكفا .. ترى تكفا لها هـدرة السيـل
في صدر حرًّ .. ينتف الطيـب نتفـا
تكفا .. ترى تكفا لها تسرج الخيـل
إن كان لك باالخيل سرج ٍ و عسفـا
تكفـا .. تبيّـن كـلّ لاشٍ وحليـل
تسمع لهـا بالصـدر هبـدٍ ورجفـا
تكفـا .. وتكفـا ماتسـاق لمهابيـل
تكفا .. تخلـي القـرم لاشٍ وهطفـا
تكفا .. تجنّبني هـل القـال والقيـل
مانيب من ينكـف علـى كـل ملفـا
تكفا .. تراني من قـروم ٍ مشاكيـل
حمّاية الساقـه .. بسيـفٍ وشلفـا
تكفا .. ترى تكفـا تـذّل الرجاجيـل
ولولا صروف الوقت ماقلت .. تكفـا