ابو نايف
22-11-2007, 10:49 PM
معي شهاده جامعيـه ولاعنـدي عمـل
اربـع سنيـنٍ طاولتنـي ونـا مليتهـا
ياليتني مارحت للمدرسـه يومـي طفـل
كان استرحت من الشهـاده ولاشليتهـا
واليوم ادوّج فالشوارع تقول انـي خِبـل
واحلامـي اللـي قـد تمنيتهـا خليتهـا
لاون حظي قام سجلـت فالنـادي شبـل
كان الجماهير اعشقتنـي ونـا حبيتهـا
وان زانت الهجمه وسجلت فالمرمى دبل
جتنـي ملاييـن المهبّـل ولارديتـهـا
لكن ويش اقول في حظي اللـي منجطـل
اعَنّـزه بـيـدَيّ ويطـيـح لافكيتـهـا
قالوا لي ان سوق الفواكه فتح باب الأمل
تلقى الدراهم فيه ياكيتهـا مـن كيتهـا
وقّفت فالبسطات احَرّج على ثوم وبصـل
والعـم بنقالـي ولـه بدلـةٍ شقيتـهـا
يوم انه اصبح قال وين المغارف والسطل
ذي حزمة الكراث وش فيـك مارشيتهـا
اظهر وفارقني ولاعاد لك عنـدي شغـل
ورواتبك والله ان يجي الحول ماشديتهـا
واقبل علي باللوح كنه بيطرد لـه همَـل
يبـي يعاقبنـي علـى غلطـة سويتهـا
كسرت لوحه فوق راسه وجوّدت الحبـل
واربع مية جلده علـى غاربـه عديتهـا
مايدري انّا ناخذ القوم في وقت الجهـل
لكـن ذالدنيـا قبـس فوقنـا كبريتهـا
وسافرت ادوّر للوظايف على كوكب زحل
يوم الوظايف فوق الارض انتهى تثبيتها
عينت لي ناسٍ ترحّب وترمـي بالعُقـل
ناسٍ تعَرفْ اسمي ونـا مابعـد مريتهـا
قدّمت معروضي عليهم ونا قلبـي وجـل
من ذلةٍ يظهر لي شروط مـا استوفيتهـا
قال الزعيم اهلا وسهـلا تقـدم يابطـل
كل الرقـوم الشاغـره عندنـا صفيتهـا
نبي نحطك مستشارٍ على شـون الـدول
رتبة وزيرٍ والـوزارات ذايـع صيتهـا
نعطيك خمسين الف راتب ومعها اربع فلل
واربع بناتٍ كـل وحـده تزيّـن بيتهـا
سميت بالله وشكرته على هـذا الفضـل
ذي نعمـةٍ مانيـب مضبـوط لوكبيتهـا
ولاانتبهت الا ونا جالـسٍ فـوق الجبـل
وشهادتي قدمي على الحيد قـد حطيتهـا
عرفت بان السالفه زيف وخداع ودجـل
قصه تبي تمشي ونـا بالفعـل مشيتهـا
لاكن ماينفـع مقـامٍ بـلا قـول وفعـل
والنـار لـولا شـدة البـرد ماشبيتهـا
للشاعر سعيد بن مقبل الأكلبي
اربـع سنيـنٍ طاولتنـي ونـا مليتهـا
ياليتني مارحت للمدرسـه يومـي طفـل
كان استرحت من الشهـاده ولاشليتهـا
واليوم ادوّج فالشوارع تقول انـي خِبـل
واحلامـي اللـي قـد تمنيتهـا خليتهـا
لاون حظي قام سجلـت فالنـادي شبـل
كان الجماهير اعشقتنـي ونـا حبيتهـا
وان زانت الهجمه وسجلت فالمرمى دبل
جتنـي ملاييـن المهبّـل ولارديتـهـا
لكن ويش اقول في حظي اللـي منجطـل
اعَنّـزه بـيـدَيّ ويطـيـح لافكيتـهـا
قالوا لي ان سوق الفواكه فتح باب الأمل
تلقى الدراهم فيه ياكيتهـا مـن كيتهـا
وقّفت فالبسطات احَرّج على ثوم وبصـل
والعـم بنقالـي ولـه بدلـةٍ شقيتـهـا
يوم انه اصبح قال وين المغارف والسطل
ذي حزمة الكراث وش فيـك مارشيتهـا
اظهر وفارقني ولاعاد لك عنـدي شغـل
ورواتبك والله ان يجي الحول ماشديتهـا
واقبل علي باللوح كنه بيطرد لـه همَـل
يبـي يعاقبنـي علـى غلطـة سويتهـا
كسرت لوحه فوق راسه وجوّدت الحبـل
واربع مية جلده علـى غاربـه عديتهـا
مايدري انّا ناخذ القوم في وقت الجهـل
لكـن ذالدنيـا قبـس فوقنـا كبريتهـا
وسافرت ادوّر للوظايف على كوكب زحل
يوم الوظايف فوق الارض انتهى تثبيتها
عينت لي ناسٍ ترحّب وترمـي بالعُقـل
ناسٍ تعَرفْ اسمي ونـا مابعـد مريتهـا
قدّمت معروضي عليهم ونا قلبـي وجـل
من ذلةٍ يظهر لي شروط مـا استوفيتهـا
قال الزعيم اهلا وسهـلا تقـدم يابطـل
كل الرقـوم الشاغـره عندنـا صفيتهـا
نبي نحطك مستشارٍ على شـون الـدول
رتبة وزيرٍ والـوزارات ذايـع صيتهـا
نعطيك خمسين الف راتب ومعها اربع فلل
واربع بناتٍ كـل وحـده تزيّـن بيتهـا
سميت بالله وشكرته على هـذا الفضـل
ذي نعمـةٍ مانيـب مضبـوط لوكبيتهـا
ولاانتبهت الا ونا جالـسٍ فـوق الجبـل
وشهادتي قدمي على الحيد قـد حطيتهـا
عرفت بان السالفه زيف وخداع ودجـل
قصه تبي تمشي ونـا بالفعـل مشيتهـا
لاكن ماينفـع مقـامٍ بـلا قـول وفعـل
والنـار لـولا شـدة البـرد ماشبيتهـا
للشاعر سعيد بن مقبل الأكلبي