المساعد الشخصي الرقمي

مشاهدة النسخة كاملة : البئر يقطر زيتها


al7bi
23-11-2007, 02:10 AM
بسم الله الرحمن الرحيم
وبه نستعين
قرأت قصيدة الشاعر سعيد بن مقبل االاكلبي ((عندي شهادة جامعية ولا عندي عمل)) التي كتبها الاخ ابو نايف في المنتدى وحقيقة شدتني القصيدة فجاريتها بهذه الابيات ارجو ان تحوز على رضاكم وانا اعلم انها لاتصل الي مستوى قصيدة الشاعر سعيد بن مقبل ولكن هي تبادل خواطر

يا سعيد بن مقبل تصبر ترى غيرك حمل== فوقه حمول لو تثنيت ما شليتها

لد عينك للعراق المسمى يا بطل==وتشوف ناس يسكن الذل وسط بيوتها

تسمع ونات الثكالى في الونة وجل==من خوف ياخذها المفوض على وناتها

حتى العذارى حرمن يا فتى لمس الكحل== وتبدلته بدم جاري على وجناتها

وعن القدس لا تسأل ترى يحاكمون اللي سأل== وتروح فيها مثل ما قيل في غباتها

ولو تمدح الافغان سموك اقاربك الخبل=وتصير عاق لوالدينك ليا سميتها

في الصومال في السودان لبنان في اية محل=ما عاد تحصي كم عددها ليا عديتها

هذي جراح امة ولا فيه جرح مندمل == وش همنا ما دام هالبير يقطر زيتها

وش عاد لو في البيت خمسة شباب بلا عمل==هذي البطالة عالمية وظاهر صيتها

وش عاد لو فينا عوائل بلا فرش واكل== ما دام فينا من يسافر على بيروتها

وش المشكلة لو شفت عند الاشارة كم طفل== والا عجوز تسال الناس مأمن قوتها

وش المشكلة لو زاد سعر البطاطس والفجل==والرز والتفاح والموز زاد وتوتها

اهم شئ ان المزايين فيها اجمل جمل== وانه معرب من سلالة بعيد فيتها

مادام ابل معلم القوم مراعيها نفل== فمترين من هذى البسطة يكفي يميتها

ابو متعب

ابو نايف
23-11-2007, 09:49 AM
بارك الله فيك يا بو متعب على المتابعه
وتشكر على هذه القصيده الرائعه واتمنا الا تبخل علينا بما عندك
فلك منى كل التقدير والحترام
وتقبل مروري

ابو خالـــد
17-12-2007, 09:25 PM
يعطيك العافية
وبارك الله فيك

الســــــــــا مر
31-12-2007, 01:35 AM
مشكور

وربنا يعطيك العافيه

غ ـاليـﮯ الأثمانـﮯ
04-05-2008, 11:32 AM
الله يعطيك الصحه والعافية

تقبل مروري يالغالي

AL- alhbh boy
14-08-2008, 01:14 AM
http://www.qahtaan.com/works/up/get.php?hash=13469dgjov1218665663 (http://www.qahtaan.com/works/up)