تصويت للتقاعد المبكر للمعلمات

[بنت الديره]

السلام عليكم ورحمة الله --- اليوم ابغى كل وحده متخرجه وجالسه بالبيت تكتب لنا متى تخرجة --------وتصوت او ترفض تقاعد المعلمات المبكر استبيان وكمان نبغى نتحد ونوصل صوتنا للجرايد تعبنا والله الوحده تسهر الليل وتذاكر وتاخذ اعلى الشهادات ونقعد بالبيت وحنا محتاجين الشغل --المعلمات اللي درسوا اللي درسونا الى الان بالمدارسمتى نخذا حقنا بالوظيفه بعد ماتصير اعمارنا بالاربعين بعد مانسسا كل الي تعلمناه ---------------رجاء لاتجي وحده يائسه وترد على الموضوع

[أسيرة عيونه]

ههههههههههه
والله كلامك جد
وانا اصوت معاك ,, صح انا مابعد تخرجت وكلامك يحبط
وكثير اللي يقولي ايش تستفيدن من الشهاده ريحي عمرك غيرك مالقى وظيفه
بس انا مااجتهد عشان الوظيفه وعاد الارزاق بيد الله

بالتوفيق ياقلبي ودعواتك لي

[ابو نايف]

حقيقه ان تقاعد المعلمات مبكراً يتيح الفرصه لكثير من المتخرجات
وكما قالوا للاخت عسوله لماذا وجع الراس
وماذا بعد التخرج .
هناك فائده واحده من المواصله وهو العلم .
اما لوظيفه لا اعتقد ما لم تجد الدوله حل لمشكلة المتخرجات

[ابو سعود]

15 سنة كافية للمرأة بأن تبقى في العمل بعدها تفتح المجال لبنات جنسها
ونظرة الـ15 سنة تحصل المرأة على دخل ثابت تصرف على نفسها منه:msa (4):

[بنت الديره]

أبو نايف
أسيرة
أبو سعود
الله يعطيكم مليون عافيه على المرور الرائع

[ابوسامي]

السلام عليكم ورحمة الله
وعليكم السلام والرحمة والاكرام--- اليوم ابغى كل وحده متخرجه وجالسه بالبيت تكتب لنا متى تخرجة
صعبة كل وحدة لانهن عاطلات عن العمل والنت ليس بأحسن حال منهن فهو مقطوع الكيابل ...

--------وتصوت او ترفض تقاعد المعلمات المبكر استبيان وكمان نبغى نتحد ونوصل صوتنا للجرايد تعبنا والله الوحده تسهر الليل وتذاكر وتاخذ اعلى الشهادات ونقعد بالبيت وحنا محتاجين الشغل --
[color="blue"]أفتطمعين في قطع رزق أمهاتك الأرامل والمطلقات والعائلات لأزواجهن عزيزي النفوس...
مشكلتك كغيرك ليست في التقاعد المبكر ولكن ذلك يكمن في سوء التخطيط التعليمي...
ولكنه حل مؤقت وذلك بقطع ارزاق من هن قبلك حجة الاكتفاء والتجديد...
المعلمات اللي درسوا اللي درسونا الى الان بالمدارسمتى نخذا حقنا بالوظيفه بعد ماتصير اعمارنا بالاربعين بعد مانسسا كل الي تعلمناه

وقتها بأمكانهن التقديم على الضمان الاجتماعي أجدى لهن مع الاسف كغيرهن من شباب اليوم؟؟

---------------olor]


الحل سهل وهو أن تعاد هيكلة وزارة التعليم شريطة مسخ ثلاثة أرباع موضفيها وعلى رأسهم وزيرهم الموقر...
فلله الحمد لدينا مايكفي لاغراق دول ...ودولتنا لم تقصر
ولكن البطانة أيضا لم تقصر ........

وممنوع العمل في المجال الصحي بل يحرم ذلك ...!!؟؟

الله يعينكم وتقبلي مروري...

[ابو خالـــد]

تسلمين بنت الديرة

انا عن نفسي اتمنى ان يكون التقاعد بعد خمسة عشر سنة مثل ما قال ابو سعود

حتى تتمكن التي لم يحالفها التعيين بعد التخرج من العمل

لك مني اغلى تحية

[بنت الديره]

أبو سامي
أبو خالد
مشكورين على المرور الرائع
وهل المشاركات الجاده هى التى ترفع المعنويات وترفع الأحباط
الله يعطيكم مليون عافيه

[عذبة المشاعر]

بصراحه انا اشوف ان المعلمات القداماء هم افضل

لان بصراحه تكون لهم خبره اكثر

اماتجي وحده تدرس سنه سنتين ومايمديها يتسهل عليها شرح المنهج لطالبات

الا وجاء تقاعدها

لا انا اشوف ان مدة التدريس تكون طويله للمعلمه افضل حتى تكسب مهارات وخبره افضل

وتقدر تتأقلم مع الطالبات ونقدر نفهم منها الدروس باتقان

لان بصراحه معلماتنا في هذا الجيل اللي لهم كم سنه متخرجين

اشوف الوحده منهم تجي تستعرض بالمكياج اللي تقول كأنها مافي حد يعرف فيه الا هي

وهمها الاساسي من هذا كله مو توصيل الأمانه اللي كلفت لها همها من ورا هالتعب اقصد تعب عمرها بالتكشخ

كله <<<< الراتب >>>> وبس

فنصيحه مني انا للي باقي ماتوظفت الوحده الا همها هالشي الا هو الراتب وبس

اقولها الله يخلف على الجميع

فأخلصوووووووو النيه لله تعآلى فهناك طالبات محتاجات للعلم

هذا قولي وصلى الله وبارك على سيدنا محمد

[بنت الديره]

عذبه مشكوره علي المشاركه وطرح رائك الذي أحترمه
لكن لماذا يأحتي الحبيبه تعميم الحكم علي الجميع انتي لم تقومي بأستبيان لكي تؤيدين قولك
بل وضعتي مدرستك وكأنها القدوه للمدارس والكادر التعليمي وأظن وعوذ بالله من سوء الظن بان تلك المدرسه بحسب كلامك في مستو ى الحضيض
أنا يأختي الحبيبه عملت معلمه (تعاقد)الم أراء هذا المستوى السيى
صحيح من ناحيه المكياج تضع لمسات حفيفه وهذا غير ممنوع (ان الله جميلأ يحب الجمال)
وعلي فكره صاروا الطالبات أكثر من المعلمات في المبالغه في وضع ادوات الزينه ولك البينه
اما في عدم قدرتهن على التدريس ونزول مستوياتهم وعدم الأمانه فاني أشك في ذلك لو لم تكن مؤهل لهذا المكان لما وضعت نفسها في هذا الموقف وأنه همها الراتب صحيح الراتب هدف لها لكن الفلوس للي بتذل وتنزل من قيمتي استغني عنها بلأمقابل
وذكرك ان مسويات المعلمات الجديديات نازله وماعندهم خبره

(ماحد ينزل من بطن امه متعلم )مع الأيام تطورنفسها وتصبح في مكان المسئوليه وعلى طاري المعلمات القديمات انهم أحسن في يوم من الايام كانوا كذا وتعلموا
والتقييم النهائى في نهاية العام الدراسي هو الفيصل اقصد تقييم الموجهات ووزارة التعليم وليس الشخص اخر لحق في ذلك
وخيرأً أحتلاف لراى لأيفسد للود قضيه