دجاج بالباذنجان والجبن والقشطه

[بنت الديره]

هلا والله وحياكم الله..

هذي الصينيه لذيييييييذه ويحبونها الكبار والصغار.. لانها غنييييه بالطعم.. وللأمانه خذت فكرتها الاساسيه من كتاب النخبه وعدلت على كيفي

المهم..

اسلقي دجاجه كامله بمويه وملح وفلفل وبعدين فتتيها وخليها على جنب.. واقلي مكعبات باذنجان وخليها على جنب بعد.. واحمسي بصل ابيض وجزر مبشور لين يذبلون وحطي عليهم الملح والفلفل الاسود وبعد كذا حطي عليهم بقدونس مقطع صغار واحمسي وبعدين اضيفي لهم الدجاج اللي فتتيه .. وقلبيهم الى ان تحسينهم ذبلو.. بعد كذا حطيهم بالصينيه وانثري فوق خليط الدجاج مكعبات الباذنجان المقليه.. وبعد كذا اخلطي بالخلاط ( علبة قشطه + نص علبة زبادي + خمس ملاعق جبن سايل مالح + ثلاث ارباع بيالة مويه) وصبيه على الصينيه وحطي فوقه جبن موزوريلا.. ودخليها الفرن لين تجمد الخلطه وبعدين حمريها من فوق وقدميها بالعافيه مع الخبز او الرز الابيض..

[ابو نايف]

ان شاء الله ان المعزبه تسويها لنا
اشكرك بنت الديره
لا عدمناك

[الوسام]

يعطيك العافية ولك جزيل الشكر