المساعد الشخصي الرقمي

مشاهدة النسخة كاملة : قصيده اعجبتنى عن الصيد


ابو نايف
08-01-2008, 09:21 PM
ماكل من يرمي على الصيد مقديه
يمكن على ماقيل خان الزنادي

ياما هفى من أعجبتنا مرامــــــيه
وياما صفقها مخرص مايقادي

وياما تعثر ضامر من يباريـــــــه
وياما نجى به من يحز القيــــــادي

والرمية العوجا ترى سرها فيــه
قد قالها مستور علم وكــــــــادي

خل الزناد الى تعدى مواريــــــــه
لاتعجل الرمية يجيك النـقــادي

الصيد سبر وصبر هذي هقاويــه
ومخاتل الحذرات واللي بعادي

ومجامل الداني مع اللي مساويه
وادبل برميك لاطمعته يصادي

وامهل صويب الفرق يمكن يلافيه
وتصيد صيد العافية والهجـادي


والمنقع المختول ازبن مغابيـــه
والبس ثياب الموه وازحف رقادي

وافهق سلاحك والزم الصمت ناويه
وبسم الله أكبر عند رمي وطرادي

ولاتامن الحذره ترى فيه مافيـــــه
وطيار لاسهم وبان الســـوادي

واللي مذير من قديم ومخطـــــــيه
بالبرنو اقصر عنوته والتمــادي

مسه بضع التشيك يلقى مناويــه
إما صويب جناح والاالثنـــادي

واللي صويب الساق والبعد مهفيه
خله ترى من يطرده دوم غادي

ياماتعبت رجلي وأنا أتبع مهاويه
أنا بوادي والطريدة بــــــــوادي

وختامها خطو الردى لاتماشيه مافيه
زود للخوي واجتهـــادي

وترى السنافي ماخسر من يخاويه
والحر حر يعجبك بالــــهدادي

للشاعر عبد الكريم الحوشاني

الســــــــــا مر
08-01-2008, 09:31 PM
تسلم ابو نايف

قصيدة رائعه

والأروع نقلك الجميل

غ ـاليـﮯ الأثمانـﮯ
17-02-2008, 04:24 PM
http://t7mel.net/uploads/24cd1dcb93.gif

ابو خالـــد
17-02-2008, 11:31 PM
تسلم بارك الله فيك

ابوصافي
18-02-2008, 06:32 AM
ابو نايف

بارك الله فيك اخي الغالي

ااالمساااافر
22-06-2008, 10:23 AM
بــعــد الــتـحــيــة :
مشكور يا أبو نايف على ماتقدمه
ودمتــــــــــم ،،،

عبدالله ابونادر
06-09-2011, 04:13 PM
بارك الله فيك ووفقك