لماذا ينظر زوجي إلى النساء؟ هـــام دخول الجميع
|
الاخت الكريمة ترددت كثيرا في الرد على الموضوع
وردودي غالبها مزيج بين التهكم والسخرية والجد وبما ان الموضوع حساس جدا فقد رايت ان انقل الموضوع التالي لعل فيه بعضا مما تريده المرأة من الزوج ولم تعلم بأنها السبب باختصار نخليكم مع الموضوع التالي ففيه اسباب كثيرة جدا لبصبصة الرجال تجاه النساء : لقد اثار إهتمامي رسالة تتناقلها زوجات سعوديات عن اللي تبي الدلع والكلام الحلو وين تلاقيه. فحوى الرساله؛ إن اللي تبي الدلع تاخذ لبناني واللي تبي الكلام الحلو تاخذ سوري واللي تبي..... واللي تبي..... واللي تبي الأجر تاخذ سعودي. عاد الأخيره هي الشاهد معلومه أفتتح فيها رسالتي : أنا من بيئة زراعية تؤمن أن الأرض الطيبة تعطيها تعطيك، وكثر ما تهتم فيها يكون الثمر أطيب إلى كل إمرأه سعودية تعتقد أنها مأجوره لأنها ماخذه زوج سعودي .. إلى كل إمرأه سعودية تعتقد أنها فاقدة الدلع مع زوج سعودي .. إلى كل إمرأه سعودية تعتقد أنها فاقدة الرومنسية مع زوج سعودي .. إلى كل إمرأه سعودية تعتقد أنها فاقدة الكلام الحلو مع زوج سعودي .. إلى كل إمرأه سعودية تعتقد أنها مظلومه عاطفيا لأنها مع زوج سعودي .. إلى كل إمرأة سعودية تبحث عن زوج حق دلع ولا كلام حلو .. أختي الفاضله : إجلسي مع نفسك صباح يوم من الأيام بعد أن يغادر زوجك السعودي إلى العمل. راجعي يوم الأمس الذي مضى لحظة بلحظة، وأجيبي عن الأسئلة التاليه : صباح الأمس الباكر؛ من أيقظ زوجك للعمل ؟ أنت أم الساعة المنبهه ؟ إذا كانت الساعة ؛ أين كنتي ؟ إذا كنتي أنتي؛ كيف أيقظتيه؟ وبأي صوت نبهتيه؟ وفي أي صورة كنتي عندما تفتحت عينيه ؟ بعد أن استيقظ، ودخل الحمام للدش ؛ هل وجد حمامه جاهز ؟ لما خرج والأمل يحذوه في وجبة إفطار؛ هل كنتي جهزتي له إفطاره ؟ (ولا كوب قهوه وكيكه على المكتب) قبل أن يخرج للعمل؛ من أين أخذ ملابسه ؟ (من بين يديك ولا من الدولاب) هل ساعدتيه في لبسه ؟ (وكشختيه وعطرتيه) بعد اللبس (وقت الخروج)؛ هل من مودع؟ ولا أحسن إختاري أجابه واحدة مما يلي : 1- خرج وأنا نايمه . 2- صحيت من حركته في البيت، فتحت وحده من عيوني وقلت : وين رايح، العمل؟ بالسلامه . 3- كنت جالسه بالصاله، وهو خارج قلت له لاتنسى الأغراض اللي وصيتك عليها . 4- رافقته للباب، وكان وداع حار . ( تبين مساعدة، نحذف أجابتين؟ بس المشكله مانقدر نحذف إلا إجابه وحده بس!!!) لما وصل المكتب (طبعا إذا قام يفطر الشباب بالمكتب عرفوا وش أنتي من حرمه)؛ هل أتصلتي فيه تتطمنين إنه وصل بالسلامه؟ تالي النهار وهو راجع البيت من العمل، دق الجرس ( معه مفتاح بس يبي أحد يفتحله و يحسسه إن له وحشه) , هل أستقبلتيه؟ وشلون؟ بدا ينزع ملابسه؟ هل كنتي معه ونزعتي له ملابسه و..و.. ثم علقتيها بالدولاب؟ (ولا منطوله بطرف السرير) يبي يدخل الحمام وياخذ دش؛ (كرري السؤال حق دش الصباح). بعد الدش يبي أسترخاء، رجليه تألمه من الوقفه طول النهار والمشي، جسمه هلكان؛ هل ريحتيه؟ (طشت مويه وملح وهاتك يا تدليك) الآن يبي غفوه قبل الغدا، هل ساعدتي على توفير الجو الهادئ؟ لما صحي؛ هل وجد الغدا جاهز ولا هو اللي جابه معه من المطعم؟ بعد الغدا أكيد يبي شاي، هل قدمتي له الشاي، وجلستي معه سواليف، وكيف كان يومك؟ الآن فتره مستقطعه إلى الليل، وشلون قضيتوها؟ بالليل وقبل النوم على الأقل ساعتين (إذا فيه عيال أكيد ناموا)؛ وش كنت لابسه؟ كيف رائحتك؟ وشلون صورتك وهيئتك أمامه؟ خلال الساعتين: وش من جو عيشتيه فيه؟ يمكن تتابعون فلم ولا مسلسل وسواليف، بس الجو العام شلون؟ وقت النوم، وأنتي رايحه السرير؛ وش كنت لابسه؟ كيف وضعية النوم مع زوجك؟ (وضعية حنان ولا كأنكم أثنين أصدقاء أستأجروا غرفه بفندق وما لقولهم الا غرفه بسرير واحد (كنج بد) وكل واحد نايم بجهه) بإختصار لكل الأسئله السابقه: هل كنتي أنثى مع زوجك السعودي وعيشتيه جو زوج وزوجه؟ طبعاًَ هذى مو كل الأسئله المطلوبه من زوجه أنثى، لكن المهم منها والمطلوب حتماًَ وحق الزوج فيها. إلى كل إمرأة سعودية تبحث عن زوج حق دلع ولا كلام حلو: ضعي درجه من 100 على كل سؤال، ووزعيها بحسب الأهميه، ثم أجيبي الإجابه الصحيحه، ومن ثم اجمعي الدرجات التي حصلتي عليها. كم مجوع الدرجات اللتي حصلتي عليها؟ 0% ولا 10% ولا 50% ؟ طبقي النتيجه على المعلومه الزراعيه التي أعطيتها أول الرساله عن الأرض. إعتبري النتيجه هي نسبة إهتمامك بالأرض. والأرض زوجك كيف بتكون الثمره اللي تحصدينها؟ (الثمره أكيد الدلع والكلام الحلو و... و....) اسألي مزارع إذا احتجتي مساعدة. في النهايه: أتمني من المرأه السعوديه اللي تبي الدلع ما تاخذ لبناني، واللي تبي الكلام الحلو ما تاخذ سوري واللي تبي...واللي تبي....واللي تبي.... كفايه يكون في العالم العربي كله بس السعوديين محرومين من أنثى. معلومة أختتم فيها رسالتي: تعرفون ليه الزوج السعودي يفغر لما يشوف امرأه متبرجه وتطيح سعابيله. تعرفون ليه الزوج السعودي لما يجلس وزوجته يتابعون التلفزيون وتطل المذيعه عيونه مفنجله بالشاشه. تعرفون ليه الزوج السعودي لما يتزوج من سوريه ولا مغربيه ولا...ولا... يحس ان فعلاًَ فيه جنس آخر بالكون غير الذكور. لأنه في الأصل عايش مع واحد من ربعه. منقول من الواقع و ان برأيي الشخصي انه لو فيه زوجة تسوي ما ذكر اعلاه ما راح زوجها يفكر مجرد تفكير بالزواج عليها الا اذا كان مجنونا او مريضا نفسيا |
والله ضحكتني لين دمعة عيوني وكلامك صحيح 200 /100
بس الله يهدي جميع النساء على انهم يطبقون هذه الكلمات او المعلومات القيمه والنصائح التي تتزن بالذهب والماس واكيد راح يتمتعون بالنتيجه الاروع من الرائعه وانا زوجه مغربية وعاشرت زوجي 25 سنه وكنت اطبق كل الكلام الي انت ذكرته واقسم برب الكعبه اني كنت من اسعد الزوجات بالعالم وكنت اسمع الرضا من زوجي رحمه الله من حين تشرق الشمس حتى المغيب وحتى الاولاد رزقني الله بالنقله الطيبة ولله الحمد وانا بنصح كل زوجه سعوديد كانت او من اي دوله ان تطبق هذه الاشياء وترد علينا وتقول كلامكم غير صحيح وانا اتحدى اي وحده تقول العكس والنصيحه الثانية لكل ست ان لاتتهم اي ست بانها اخذت زوجها من بين احضانها بل العكس هو الصحيح انها هي من اهدته لها على طبق من فضه واسفه على الاطاله لان الموضوع شيق للغاية وجزاك الله خير الجزاء على كلامك الطيب والنصيحه القيمه بارك الله فيك على مرورك الاكثر من رائع بيض الله وجهك يالغلا ولا هنت وجعله شاهد يشهد لك بكل خير وجعل النور فى دربك وكفاك شر أعدائك ورزقك فى كل خطوة رزق لا ينضب ولا ينتهى وجعلك قرة عين لأهلك وخير عون لمن حولك وتقبل الله طاعتك مشكور وماقصرت والشكر موصول لكل من مر على هذه الصفحة اختكم وصووووووووفة |
ينظرللنساء لانه لم يعلم علم اليقين بان الله يراه لم يصل لهذه المرحله من الايمان ففي دينه نقص ويجب عليه النصح برفق ولين
|
اختي وصفة
اولا وقبل كل شي اشكرك واهنيك على حسن اختيارك للمواضيع التي تلفت الانتباه لها لجمالها وتنوعها ومصداقيتها والتي تعبر عن واقع الحال وثانيا بالنسبة لردي على الموضوع راح يكون تلقائ من غير ترتيب لافكاري راح اكون واقعي بردي قدر الامكان اختي الكريمه اولا اسال سؤال لماذا ينظر الرجل وما ذا يقصد من نظرته هل هي نظرة عابرة فقط هذا طبيعي ما فيه شيء هل يلفت انتياهه لشيء معين بجسم المرأة يفتقده بزوجته؟ والا هي طفاسة وما يشبع في هذه الحالة ترى ما يملى عينه الا التراب المرأة لازم تراجع حالها وتشوف ليش زوجها بيطالع على غيرها يمكن مهملته كل اهتمامها باطفالها وبيتها وناسية نفسها وشكلها وغازة راسها بالشغل وبس اذا لاتلوميه انتي السبب |
الساعة الآن 12:30 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir