منتديات آل حبه - طويت آخر ورق عندي

http://www.abolayan.com/upload//uplo...cef94553bd.gif

مدخل......

http://www.abolayan.com/upload//uplo...16f2a71b5d.gif

تلاقينا فى غفلة من الزمن ولما أفـــاق
حكم علينا بالفراق فافترقنا ،
من يقول اني على هجرك نويت
قله ان قلبي بحبك محترق
وقله اني في محبتك اعتليت
رافع الهامه على حد الشفق
وقله اني في بحر حبك رسيت
فوق مجداف الهوى قلبي غرق

على ذكر المواجع والسفر والترحــــــــــــــال
طويت آخر ورق عندي في دفتر أحزاني

طويته وانكسر قلبي وصوتي بالمواجع سال
ودريت ان الظلام اللي تحت كف السهر جاني

جلست أجمع مسافاتي وأغني للسفر موال
على صفحه من الماضي بها حلمي وعنواني

بها كم سافرت روحي وأنا بالليل وحداني
حبيبي كل ما اشوفك تجي بالذاكره تختال

نهر من فايض الذكرى يجي من داخل أشجاني
تخيل يوم عانقني خيالك خاطري وش قال

تخيل قبل أسولف لك سألني عنك وجداني
سألني لين خلاني مدينه هزها زلزال

تخيل ماهدى حتى لقاك بداخل شرياني
أروح لسدرة الموعد معاي لموعدك مرسال

وأخاف إنك تجي فبلي وترحل قبل تلقاني
هنا كانت ليالينا الغلا والمقبلات آمال

وهنا كانت مواعيدك مطر تخضر به أغصاني
هنا كانت نواظرنا سوالف في كلام أطفال

وهنا كانت عصافيرك على دربي تحراني
هنا شف باقي آثارك على رمل الوعد ما زال

وهنا شف دمعة طاحت من عيونك على شاني
حبيبي لا تسألني عن أوضاعي وكيف الحال

أنا بعدك سحاب أبيض أضم الريح بأحضاني
تسافر بي وأحسب إني وصلت لاخر وطن بالبال

وأثرني ماوصلت إلا بداية درب حرماني
وتبقى سيرة الذكرى قصيده تكتب الترحال

سوالف للعيون اللي صداها دمعة أحزاني
أمانه لا تودعني حبيبي لانويت تروح

دخيلك خلني وإرحل كذا من دون ما أدري
دخيلك لاتعلمني كفى صدر الغرام جروح

وأنا اللي من عرفتك وأنت متربع على صدري
بنيتك بالحشا قصر رفيع وشامخ بصروح

وقلت اسكن هنا ياللي عيونك سودها قصري
رخصت أغلى القصيد وكل ما ينزف صدوق البوح

تحملت العذاب وصرت أنا من سبتك مذبوح
صبرت وطال صبري لين مل الصبر من صبري

أبي بس أظفر بقلبك مادام الشوق لك مفضوح
ومادامك بالعروق اللي تحبك دايم تجري

أبي عطر الهوى منك حبيبي كل يوم يفوح
وبعلنها على الدنيا أحبك يا بعد عمري

حبيبي انت ما غيرك حبيبي قد سكن بالروح
ومن فكر يجي بعدك ترى بقول له بدري

تخيل كل ما تسأل بنبرة صوتك المبحوح
( حبيبي لو بسألك إيش رايك بعطري )؟

أذوب ويعترف قلبي ياعم العطر يا مملوح
بأنك تغري وعطرك مثل سحرك بعد يغري

كفايه باب خفاقي عشقك وصار لك مفتوح
وكفايه لو تغيب شوي أضيق وينشغل فكري

أنا ماهزني غيرك حبيبي بالبشر إنسان
ولا حبيت أبد قبلك ولا أفكر أحب ثاني

دخيل الليل والقمر أو نجم في سمانا ضال
ودخيل الحب وعيونك ودمع غرق أجفاني

أبي حبك يزلزلني يفجر داخلي بركان
أبيه يطهر جروحي يمحي باقي أحزاني

وأبيك تشد من عزمي إذا همي تلقاني
أبيك تشيل من قلبي معالم لوعة الحرمان

أبيك توقف بصفي إذا ظرفي تحداني
أبيك الصاحب الوافي يحيطني دايم بهيمان

أبيك العاشق المخلص يشافي دوم عطشاني
وأبي قلبك يواعدني لو خان البشر ما خان

أبي أطلب طلب واحد رجيتك وهو الأهم الآن
وأنا أدري مستحيل ترفض لأنك جد تهواني

(أبيك تعيش في قلبي إذا تسمح مدى الازمان)
(أبيك تشوف ماتملك في قلبي وما تعداني)

مخرج ........

http://www.abolayan.com/upload//uplo...16f2a71b5d.gif

تعبت اكتم قهر حبي و اعاند كل حسادي
ولا ودي احد يدري عن حياتي وش جرى فيها
انا في يوم حبيتك..احسه يوم ميلادي
قصايد قلتها لجلك كتبتك في قوافيها
اذا مات الامل فيني يظل الشوق بفؤادي
وتبقالي حروف اسمك
قصيده دوم اغنيها