منتديات آل حبه - بالفعل قطفوازهور الياسمين

قصيدة زهور الياسمين ..
ليش قلبك يابعد عمري حزين
ترا والله مب لايق عليك هذا الزعل

ياحلاتك يوم كنتي تضحكين
إفتحي قلبك وقولي وش حصل

من تجرأ من قطف هالياسمين
من حرم هالزين قبل لايكتمل

من كسر قلبه وشعوره بكلمتين
ويدري قلبه للعتب مايحتمل

من هو أرخص قيمة الغالي الثمين
ويدري إنه في عيوني له محل

من يقول الورد مايقطر حنين
من يقول إنه وسط قلبي ذبل

يالله قومي لاتتكاسلين
خلي حلمي وياحلمك ياصل زحل

يالله قومي يالله لاتتشاورين
خلي حبنا يكون للعالم مثل

قالت:إصبر قلت انتي تامرين
وطالعتني بعين يملاها الوجل

ولاإراديا ذرفت دمعتين
وقالت عمر الزين أبد مايكتمل

قلت: قولي ترى سرك دفين
مانجبر حد لو مهما حصل

بس دخيلك ماأبي هالدمع يبين
موعشان شي بس والله ماحتمل

طالعتني وقلت شطالعين
مافي داعي للعواطف والخجل

هذا مب وقته في وجهي تسرحين
جاوبي إحساس قلبي الي سأل

قالت:الشده بعد فتره تلين
والفرح يقبل إذا باقي أمل

والشقى لازم في يوم إنه يهين
والصعب يجي يوم ويكون سهل

قلت لها قولي ولا تلمحين
ماأحب أسمع كلام به جدل

قولي شالموضوع إذا انك توحين
وخلي هالخوف الي فيني يرتحل

قالت أهلي ساوموني بدرهمين
وقرروا إنهم يزوجوني بعجل

جاء خطبني شخص قدي مرتين
وجابوا المأذون والعقد إكتمل

وافقوا لأنه بماله طامعين
وبالتجاره والمراكز والفلل

ليش لادم إنهم رابحين
يمكن انهم يطلوعون بكم محل

قالت:إلحقني ومدلي هاليدين
ضاع فكري وطار من راسي العقل

من لي غيرك أشتكي له يالظنين
عطني رايك عطني لو ذرة أمل

صرت أناوياك ضمن التايهين
والحزن في دربنا توه أستهل

ليش يادنيا في وجهي تعبسين
حضي المايل متى بس يعتدل

قالت تكلم لوبس جملتين
لا تتم ساكت ترى وردي ذبل

قول أي شي قول لو كلمتين
إنت بس الي لأمره أمتثل

صدمتي كانت معها صدمتين
صدمتي كانت هالمره دبل

كنت بسألها وش رايك تملكين
دام أخذنا الدبله والحب إكتمل

مانطقت بشي وأناميت حزين
والدمع من فوق وجناتي همل

وقمت أشاهق ماأبي نوحي يبين
كني خيل بأعلى صرخاته صهل

قمنانطالع بعض عين بعين
ماتكلمنا لين الليل حل

قالت:إنطق لا تقول إنزين إنزين
وانا ساكت والفرح عن عيني رحل

كنت أظن إحنا لبعض مكملين
مادريت إن الحظ عاندنا بالفعل

كنت أنا وحدي في عالمها سجين
وكنت أقول الحظ أخيرا إعتدل

قلت لهاأذكر كلامك إلين ألحين
يوم قلتي لي أحسن رجل

صحت فجأه وقلت تتذكرين
يوم كنانخطط لشهر العسل

قلت عشاني قومي لاتزعلين
وإرضي بالواقع مدام إنه حصل

إسمك بيبقى وسط قلبي دفين
والقمر لازم فيوم بيكتمل

والله بفرح إذا إنتي بتفرحين
يالله خلينا بعرسك نحتفل

"واصفعتني"كف عللخد والجبين
قالت: إنت قاعد تكلم طفل

قلت لها وصوتي بنبراته حزين
أوعديني هالزعل أخر زعل

لأنه قلبك ينعرف يوم تزعلين
والله مب لايق عليك هذا الزعل

ومهما ناديتك أبد لاتجاوبين
قصة الحب إنتهت مات البطل

إفترقنا بعد كل هاذي السنين
وللأسف حبنا هالمره فشل

إنتي مشوار أحلى عاشقين
كلن بدربه ولكن ماوصل

كل واحد بينسى مع مر السنين
لكن الذكرى أمرها مب سهل

إلين أخر يوم في روحي تسكنين
وصورتك تبقى مثل بدر اكتمل

في بعض الأوقات أقعد مستكين
بس أفكر لين يذبحني الملل

بالفعل قطفوا زهور الياسمين
قطفوا الزهره قبل ما تكتمل‏