عرض مشاركة واحدة
قديم 01-02-2010, 04:02 AM   #1
 
تاريخ التسجيل: Dec 2008
المشاركات: 457
معدل تقييم المستوى: 22
ثلوج الصيف is a jewel in the roughثلوج الصيف is a jewel in the roughثلوج الصيف is a jewel in the rough
ضاق صدري و رحت افضفض قاصد ٍنفس الرصيف


ضاق صدري و رحت افضفض قاصد ٍنفس الرصيف !
شفت نور الحي زايد و آنا خبري به ظلام








و الغريب انه خفوقي زاد نبضه .. مدري كيف !!
كني طفل ٍ .. يبكي .. خايف .. ضايع ٍ وسط الزحام







اثْرها كانت وراي .. و الضيا ما كان طيف
قبل ما اوقف واسلّم .. قلبي المشتاق قام





ما طرى في بالي الا ( يا بَخَت من لك وليف )
عينها بعيني .. و نظره .. رجعتني كم عام







فجأه شفت اشجار تخضر و هْيَ في عز الخريف
و هذا هو حال المفارِق يوم يطري له الغرام







يبتسم .. يشبه بشوقه .. للنظر شخصٍ كفيف
الأمل ضايع .. ولكن .. الأماني موحرام







الثواني تمر و تمضي .. اشهد ان الوقت سيف
فجأه قالت ( كيف حالك ) قبل ما ارمي السلام !







كنت احسْب اني قوي .. لين اكتشفت احساسي زيف
ما عرفت انطق بكلمه .. شاعر و خانه الكلام !!!







كيف اقول اني بخير و باين بقلبي النزيف ؟
و الملامح بان فيها عين ما عادت تنام







مرتبك .. واقف .. و ساكت .. انفض غبار الرصيف
بالعجل هزيت راسي ( يعني اخباري تمام )





و انسحبت بْلا تردد لني انسان ٍ ضعيف
و القوي لا شاف موته .. يوم يضعف مايلام
منقول
__________________
نقرتين لعرض الصورة في صفحة مستقلة
ثلوج الصيف غير متواجد حالياً   رد مع اقتباس