انا جيت اعتذرلك اســـــف ما قدرت تطيح من عيني

تعبت اتذكرك ويمر طيفك والخيال اسراب
تعبت اسال عن اخبارك واقول شلون ناسيني
خساره روعة الموقف ودهشة لحظتي تنعاب
خساره عزتي ياقمة احساسي تبكيني
خساره لهفة ضلوعي ظماي ورعشة الاهداب
خساره قسوتك تقتل غلاتك في شراييني
كذا صارت معي وانت غيابك مثل كل غياب
امانه وش نقص وش زاد غير اللي حصل فيني
تبعتك للاسف مثل الكفيف اللي عليه حجاب
وانا ماني ضعيفه ولا بشر يقدر يوطيني
عشقتك قبل مااشاور خفوقي وارتبك وارتاب
ولخبطت الزمن عندي وضاعت بك مواويني
تذكر كيف جيت ورحت كان الباب نفس الباب
وصال وضرته فرقا يمينك وانت في يديني
انا ماجيت ابين لك خطاك ولا اريد عتاب
انا جيت اعتذرلك اسف ماقدرت تطيح من عيني

سلمت اناملك الذهبيه على ماخطته لنا

كم انا سعيد وانا واقف هنا

اروي ناظري بحروفك المفعمه

باأبياتك الجميله

شكرا لك ياكل الغلى
والله لا يحرمني منك

تسلم انت يالغلى
والحمد لله على السلامه
تو ما نور المنتدى