[CENTER][SIZE="5"][COLOR="Navy"]
بسم الله الرحمن الرحيم
السلام عليكم ورحمه الله وبركاته
لقد عرض الشيخ عايض القرني مسابقه وجائزه لمن يرد على القصيده المشهوره (لا اله الا الله )
ولقد قام بالرد على هذى الصيده الشاعر (احمد صعمود ) وهنا بالصوت انشاديه روعه
http://www.4shared.com/file/14126272...ed_samood.html
بالتحيـه والسـلام افتتـح رد الجـواب
وباسمك اللهم هـي خيـر مانبـدا بهـا
واحمد اللي عزني بالشرف والانتسـاب
لخير امه يشرق ا لنور مـن محرابهـا
ثم اصلي عالنبي خير من صلى وانـاب
خصه الله بالرساله وكـان اولـى بهـا
بامدح الباري بشعري عباده واحتسـاب
وامدح الفكره وباثني على مـن جابهـا
شيخنا عايض تحدى المهالك والصعـاب
وامتطى للعلم صهوه وقـال اهـلا بهـا
باني المجد العصامي قبل سـن الشبـاب
صاحب الدعوه حملهـا ونـال القابهـا
الاديـب العالـم الفـذ قولـه مايعـاب
شاعـر القمـه علمهـا علـى مرقابهـا
والله ان الحب مكنون له فـي قلـب ذاب
والمحبه نابعـه مـن قلـوب اصحابهـا
اهدته نفسي ورودي مع عطر السـذاب
واجمل اشعاري مع اصدق شعور انتابها
لااله الا الله اول ركن واشرف خطـاب
احمد المختار اخـر نبـي نـادى بهـا
لاالـه الا الله المنقـذه يـوم الحـسـاب
كل نفس (ن) ذاقت الموت فـي جلبابهـا
هي حروف النور هي نازله باغلى كتاب
ختمة(ن) لاضاق صدري اقوم اقرا بهـا
لاالـه الا الله اكبـر مراسيـم التحـاب
تشهد الانصار كيـف النبـي آخـا بهـا
لااله الا الله افظل ذكر واعظـم حجـاب
شوفنا والسمـع والجسـم حصنـا بهـا
لااله الا الله ساقت لنا مـزن السحـاب
لانضب بير المشاريـب يستسقـى بهـا
لااله الا الله اغلى قدح واحلـى شـراب
لاضمي عرق المعاليـق نتـروى بهـا
لااله الا الله هـي صبرنـا والاحتسـاب
شعب عامر علم الصبـر كـل شعابهـا
لااله الا الله اسمى شرف واقوى شهـاب
يوم جار الجور في الارض جاهدنا بهـا
لاالـه الا الله رايـة سرايـا الانتـداب
هيمنت بالارض بشـرى لكـل اقطابهـا
لااله الا الله دكت لنـا روس الصـلاب
وكل حيـه تنفـث السـم تقلـع نابهـا
مثل ا بو جهل المكابر خسر حربه وخاب
فوق صدره شبل الاسلام يتباهـى بهـا
اهدت الدار الرحيبه لمصعب والخبـاب
وخلـت الفجـار اغرابهـا واجنابـهـا
علمتنا الاستخاره محت شـؤم الغـراب
يوم ازلام الخرافـه طغـت وانصابهـا
لاالـه الا الله الراسيـه مثـل الهضـاب
مايسـود العـدل مايستقـيـم الا بـهـا
كلمة التوحيـد لاشـك مافيهـا ارتيـاب
المبـادي والسماحـه رقـت باسبابهـا
كل قول(ن) فيه حجم الخطا مثل الصواب
والرساله الساميه اصغر خطـا ماشابهـا
تعجز الثقلين لو تجتمـع تخلـق ذبـاب
ويعجز المسلوب منهـا يـرد اسلابهـا
لااله الا الله يشهد بهـا طيـر العقـاب
وكل ذيب(ن ) في مفاليـه يتغنـى بهـا
حدثتنا سير الاحداث في ماضي الحقـاب
جل من علم رسوله واليـه اوحـى بهـا
يوسف الصديق ب عد المكايد والكـذاب
عزه الله والخزايـن فتـح لـه ب ابهـا
للنبي يعقوب عاد النظـر بعـد الغيـاب
وشافت العين الحزينـه اعـز احبابهـا
والنبي ايوب ياطول صبـره والمصـاب
ماشكت نفسه قدرها مـن اللـي صابهـا
وابن متى في السفينه رضي بالانتخـاب
والتقمه الحـوت لكنـه استجـدى بهـا
بشر الله كل داعـي بهـا انـه مجـاب
ساق لـه كـل العطايـا وهـو وهابهـا
واهن العظم الكبيراللي منه الراس شـاب
بشره ربـي بحمـل المـره وانجابهـا
لاالـه الا الله الكنـز والشهـد المـذاب
كل عالم كل زاهـد لنـا وصـى بهـا
من غفل عنها تكـدر وجـاه الاكتئـاب
استبدت به همومـه وهـو يشقـى بهـا
الله الباقـي وغيـره مصيـره للذهـاب
والحياه لابـد مـن يـوم يفنـى مابهـا
الله اللي لاذكرتـه انـا اخشـع واهـاب
والمدامع في خضوعـي تبـل اهدابهـا
كرم الانسان في خير صوره من تـراب
مايفرق بيـن عُجـم البشـر واعرابهـا
علم النحلـه فنـون البنـا والاكتسـاب
وحده اللي يعلـم اسرارهـا واسرابهـا
يغفر الزلات لو هي كثيـره للـي تـاب
ونظرة الرحمن عند اللقـا يحظـى بهـا
لو قصيدي منك ياشيخ ماحاز الصـواب
منك نظره تكفـي القـاف يتعلـى بهـا
وعند هذا البيت ياشيخ نوخـت الركـاب
واطلب الله جنـة الخلـد يجمعنـا بهـا