بعض الامثال الشعبيه

هذه بعض الامثال التي استطعت ان اجمعها

امل ان تحوز على استحسانكم :



مايشبع روحه من عمود الجراد

**************
ما يمدح السوق الا من ربح به

**************

مخباك كيسك وابن عمك ريالك

*************

لأكل أكل الحوت والحال مسحوت

**************

من جاء بدون عزيمه قعد بدون فراش

*************

نقاش السنون ما يملى البطون

**************

من ذكرك ما حقرك

**************

من عاش بالحيلة مات بالفقر

**************

من خلى عشاه أصبح يلقاه

******************

من دليلته البقر طاح بالحفر

******************

من كثر هذره قل قدره

*********************

من لا يغبر شاربه ما دسمه

*******************

مهنة بلا استاد آخرتها الفساد

*******************
وجه تعرفه ولا وجه تنكره

*****************

من لا يتقاضا حي يقمح الى مات

********************

معرفة الديار اماره ومعرفة الرجال تجاره

*******************
ولد بطني يعرف رطني

*******************

النار ما ترث الا الرماد

*******************

لي بغيت تضمها أسأل عن أمها

********************

من بغا الدح ماقال أح

********************

الباب اللي يجيك منه الريح سدّه وأستريح

********************
الى صار صاحبك عسل لاتلحسه كله

*********************

تيتي تيتي مثل مارحتي مثل ماجيتي

***********************

اللي مايعرف للصقر يشويه

*********************

__________________
احفظ حلالك عن الناس يغنيك... ان كان حصلك ماحصلك دبش ذالك .

-----------------------------


المراجل ماتهيا ذالسويا ..... كود من عض النواجد في سنونه .

-----------------------------


العور في ديرة العميان مفتح .

-----------------------------


من حفره لدحديره .

-----------------------------

يمنى بلا يسرا تراها ضعيفه ...... ورجلٍ بلا ربعٍ على الظيم صبار .

-----------------------------

هذا بلا ابوك ياعقاب .

-----------------------------


جاني مقاط عامر .

سيل ما يبلك ، ما يهمــك

==============
اللي ما يعرف الصقر يشويه

==============
الحي يحييك ، والميت يزيدك غبن

==============

القطو الكبير ما يتربى

==============
الشيفه شيفه ، والمعاني ضعيفه

==============
اللي في القدر تطلعه الملاس
معناه أن الأخبار التي لم تظهر سوف تخرجها الأيام آجلاً أم عاجلاً وهذا يذكرنا ببيت الشعر القائل
ستبدي لك الأيام ما كنت جاهلاً && وتأتيك بالأخبار ما لم تزودِ

==============

حلاة الثوب رقعته منه وفيه

==============

الطول طول نخلة ، والعقل عقل اصخلة

==============

من طلع من داره قل مقداره

==============
اللي ما يعرفك ما يثمنك

============
عندي امثال مثال الشعبيه والله اعلم انها مصريه

صباح الخير ياجاري .. انت في حالك وانا في حالي
==========================
ماشي ندك وامشي على قدك
==========================
العشره ماتهون الا على قليل الأصل
==========================
عدو قريب ولا حبيب بعيد
=========================
طول مانت طيب يكثر اصحابك
==========================





الاحدب يعرف ينام


عدو جدك ما يعود لك صديق


تعجبك عتيبه اذا دفيت


من كبر اللقمه غص


المال مال ابونا والقوم طردونا


كل عليه من زمانه واكف


لا في العير ولا في النفير


لو حسب الزراع للجراد ما زرع


الأذن حمرا والنصيب على الله


بالك تهوش إن كان مالك مهاشي


جرادة في يدي ولا عشر طيّر


الحر وإن حرك له الوكر طير ... والنذل لو شاف الجفى ما يبالي


من قارب الاجرب على الحول يجرب


اتبع مبكينك ولا تتبع مضحكينك


ضحاكة السن والله مايسرونك .. قلوبهم سود ما يصفون صدقاني


قال وين اذنك ياحبشي


البيت اللي ما به مره ولا بقره ما به ثمره


قال تيس .. قال احلبوه


العين ما تعلى على الحاجب


عشم ابليس في الجنة


لاجاء ثور يخطب بنتك .. قله قف


لحمة راس


من حرك اطرافه شبع وسطه


الدكيكين ولد مصلح(اوشيقر)


سلم على راس تبي قطعه


من لارضى بالحمى يقنع بالمليله


كل طير يشبعه منقاره


مع الخيل ياشقرا


ولد عجوز


من لدغته الداب خاف من الحبل


كل اكل الجمال وقم مع أول الرجال


الذيب في القليب


العنز ما تنطح جبل


غذ جريّك ياكلك


كبر راس الحمار بقولة ..أش


اللي ما يقيس قبل ما يغيص ، ما ينفعه القوس بعد الغرق


زبيل دلاله





الناس بالناس والكل بالله


اللي ماهوب على دينك ما يعينك


نوم على الجوع عافيه


لسانك حصانك


اللي ماكل عجين يوجعه بطنه


بيضة ديك


خله على فاله زمانه يربيه ... يقوم من الصفره بليا منادي


إذا بلغ الصبي عشرين عام وما يلقى وجيه الموجبات ، فلاترجه إن كان حي ، ولاتبكه إن كان مات


على هامان يافرعون


من حفر حفرة لأخيه وقع فيها


النار ما ترث إلا رماد


اللي ما يعرفه يقول حلبه ، واللي يعرفه بحل به


لاوجع إلا وجع الضرس ولاهم إلا هم العرس


لاوجع إلا وجع العين ، ولا هم إلا هم الدين


الرمح على اول ركزته


من سبق لبق


شاور منهو قبلك بيوم وليله


حط راسك بالقلص


باب النجار مخلع


زاد بلا ملح حلاه قليل




طرثنه ..لا طرثنه .. عرجنه .. لاعرجنه ... نبت البر ما به شر


من قال واعزاه لو كان كاذب


انفضه نفض الردى .. إن كان به شئ ما تغبى


ما احد يسد السيل عنك بعباته


ما عليها دلو


ابو طبيع ما يجوز عن طبعه


ابوه الصايغ وطوقه من ذهب


اتلا الطب الكي


احر ماعندي ابرد ماعندك


اما حبا والا برك ... والا مشى بالنوطزه


اذا سلم العود الحال تعود


اذا صار خصمك القاضي من تقاضي


اذا طاح الجمل كثرت سكاكينه


اذا طق الخشم دمعت العين



وش حادك يامسمار قال المطرقة


وش حادك على المر قال الامر منه


وش حدا ما بدا


اصرف مافي الجيب ياتيك مافي الغيب


اقعد بحضنه وانتف دقنه


الاول لاعب والتالي تاعب


اطرد الكذاب الى بيت اهله


اللي بالفخ اكبر من العصفور


الا فات الفوت ما ينفع الصوت


الماخوذ ما ينسمع صياحه


اللي ماله دار كل يوم له جار


اللي ما يدري يقول حلبه واللي يدري بحل به


ام الطرمان تعرف لعيالها


ان رفعناها للشارب وان طمناها للحيه


ان طالت خطاها تراها رباضه


من غاب عن عيني سلى عنه بالي


اللي ماله اول ماله تالي


ان طاوعك الزمان والا طعه



الدنيا طويله وحبالها منها


ذيب وبجلد نعجه


الذيب ما يسرح بالغنم


الرمح على اول ركزته



الروس نامت والعصاعيص قامت


الزين زين ولو قعد من النوم ، والشين شين لو يكحل عيونه



صدرك اوسع لسرك


من طالع مصيبة غيره هانت عليه مصيبته


طق الجعري يستادب الفهد


عقب ما شاب ختنوه


الغيم لو هب الشمال انزاح


الفرس من خيالها والمره من رجالها


الفقر يرث بالرجال عيوب


الفقير في ديرته غريب


قلبي على ولدي وقلب ولدي لي على حجر


كل بقلبه شقى اللي له ونا في قلبي شقى الغالي


كل كره واشرب كره ولاتقابل كره


كل يحوش النار لقريصه


لابد ما تنقضي ونشوف تاليها


ماطبنا ولاغدا الشر


لايجوع الذيب ولا تفني الغنم


لحية شيمها ولحية شيم نفسك عنها



لوقي لاهو كلب ولا سلوقي

ماقل دل وزبدة الهرج نيشان


مالك الا خشمك لوهو اعوج


ما يهرول الذيب عبث


من كل حلاويها تلقى شرورها


من جاع ضاعت ابصاره


من حسبني فايده حسبته راس مالي


مِنْ خَلاَّ رِفِيقَهْ بْغَيرْ زَلَّهْ خَلاَّهْ الزّمَانْ بْلاَ رِفِيقْ


مِنْ عَاشْ بِالْحِيلَهْ مَاتْ بِالفَقِرْ


من عاشر الذيب يتحمل مخاليبه



من عافنا عفناه لو كان غالي


من عرفك صغير حقرك كبير


من قدم الحسنى تلقى الجمايل


من قلة تدابيره خلط حبه مع شعيره


نارك ولا جنة هلي


وجع ساعه ولا ومرض دهر

شـكــ وبارك الله فيك ـــرا لك ابو نايف على المشاركة الجميلة لك مني أجمل تحية .

الله يعطيك العافيه
يا ابونايف
مشاركه تشكر عليها

ولك مني تقيم يا مدير





دمتم سالمين

مشكووووووووور

بونايف ع الامثال الشعبيه


والله يعطيك العافيه

ولكم هذي الامثال الحديثه من ايميلي





*اللي ما يطول العنب **** أكيد انه قزم

*********
حلاة الفنجال...رقعته منه وفيه

*********
لسانك حصانك..إن صنته صانك..وان خنته رفسك على جبهتك

*********
الظروف خلت العنزه خرروف

*********
من راقب الناس ... صار مشرف

*********

الصمت يسود والزعل ممنوع

*********
ليس كل ما يحفظه الطالب يفهمه وتأتي الاختبارات بما لا تحتويه الكتب

*********
كل ما يتمنى المرء يدركه **** تجري الرياح من ورا خشمك

*********
من طلب العلا نام الليالي .......وشد اللحاف وآآآل انا مالي

*********
ما طار طير وارتفع ... إلا وجاك على التنده

*********
يا مدوّر الهين ... توّي شايفه بالحوش

*********
ما كل ما يتمنى المرء يدركه

تشرب شاني وأنت مشتهي سفن آب

*********
اللي يبي درب السلامة يدله
و اللي يبي درب الشر ياطا ثوبي

*********
فلا والله مافي العيش خيرا
ولا الدنيا إذا ذهب الجريش
**********
قم للمعلم وفه التبجيلا
واذا ماعطاك وجه بنشر كفر سيارته



دمت بود

بنوووته

الله يعطيك العافية يا مديرنا الفاضل::

((( أبــــــــ نـــــــايـــــــــف ــــــــو )))


تقبل مروري:::






















الولـــــــــــــ هــــــــــــ ـــــــــــــان!!!!....