تطعني الذكرى:

تطعني الذكرى على غير ميعاد
.......................مافيه شيء ألاّ لها رمح وقيود
إن قلت بكْسر رمحها صرت حدّاد
.....................وإن قلت بكْسر قيدها كل موجود!!
كانت حياتي عن ظمأ الشوق ميراد
....................ياما رويت الحب من نبع مودود
وأزرع بساتين الهوى حرّ وبراد
..................وأقطف مع أثماره من الزهر وورود
وأرتع على وده واناديه : يا عناد!
.................خوفي على نفسي من النفس محسود
يملأ زوايا بهجتي نور وإسعاد
...................وأعود له كنّه من الليل مولود!
واليوم شمسه غايبه سد الإبعاد
..................ليلي وصبحي والدهر كلها سود!
بحر الحقيقة صار للطيف منقاد
..................ذكراي شمس تبعث الحزن مفقود!
تمطر حزن من غير بارق ورعّاد
................والحب يزرع شوق والدمع محصود!
والبرد لا جاني شمالي ولو زاد
.................أرمي لحافي وأنشده عن هل الجود!
لكن يا حسرة نصيته ولا فاد
.....................ألا صقيع الحزن حولْه جلمود!
والجرّة اللي صامدة رسم وحداد
....................أقلع خطايه من أثرها بموعود!
وإن هب نسناس الهواء عند مرقاد
....................بعثر منامي في منابيت للعود!
عايش حياتي كنّها نبض لجماد
....................مثل المقابر ما بها حفر ولحود!
النار ماتت مابقى غير مرماد
....................واللي يدف العود للرمد محدود!

صح لسانك وبيض الله وجهك

مشكووووووووووووووور

يعطيك ألف عافية

نتطلع لجديدك

وفقك الله

تـوآجدكم الرائــع ونــظره منكم لموآضيعي هو الأبداع بــنفسه ..

يــســعدني ويــشرفني مرووركم الحاار وردكم وكلمااتكم الأرووع

لاعــدمت الطلــّـه الـعطرهـ