قالت غلطت وقلت عادي حصل خير
ومافيه داعي للاسف واعتذارك
ماهو خطأ لوقلت يحتاج تبرير
بس الخطأ لوكان هذا اختيارك
يابنت عادي بس يمكن انا غير
اذوب في صوتك واتوه ابمسارك
واتلحف انفاسك على قل تقدير
واسكن بقلبك قبل لاسكن ديارك
ادري حكي فاضي ولا يمكن يصير
وادري خيالي فوق شوق انتظارك
وادري الكلام احيان يحتاج تفسير
وانا كلامي تشتعل فيه نارك
هذا اختياري بس مافيه تخيير
كني مسافر بين ليلي ونهارك
يابنت مدري كيف عدت على خير
يوم اتصالك كن نبضي معارك
اصوات ترجف كنها قصف تدمير
وبرغم هذا كنت اهني وابارك
تدميرعمري ودولة القلب تغيير
كنت انتظر لحظه يدوي قرارك
لني موافق فيك من دون تفكير
استعمري روحي وحطي شعارك
قصدي اسكني قلبي وسميه تحرير
وانا بحبك غصب عني اشارك
يافاتنه ياصوت راقي وتعبير
هذي حياتي تحت رهن اختيارك
وهذامصيري ينتظرمنك تقرير
وكل المشاعر جاثمه لا اعتبارك .
يابنت مدري كيف عدت على خير
العرض الشجري