تابعنا جميعاً في الفترة الماضية الإنتقادات العنيفه من أهل الجنوب للشاعر ياسر التويجري والقصائد التي تشتمه وتمتدح أهل الجنوب .. وتفرعت القضيه وتشعبت حتى أصبحت محوراً لمعظم اللقاءات الصحفية والتلفزيونيه الشعرية .. ففي كل برنامج شعري او حوار صحفي مع شاعر تجد السؤال (ما رأيك في رأي التويجري عن الشعر في الجنوب)..
شخصياً لا أحب قصائد الشاعر ياسر التويجري (لله فالله) وإن كان إلقاءه خطير ورائع جداً..
قبل ايام انتشر مقطع فيديو سجله الشاعر التويجري يلقي فيه قصيدة اعتذار لأهل الجنوب.. وإنا وان كنت ما احب هالآدمي إلا انه كبر في عيني بعد هالقصيده.
هاكم القصيده..
أنا محصن عن النمـه ونـزغ القلـوب
ومشاولة بعض سقـط القـوم بآذآنهـا
ولي علاقة قوية مـع رجـال الجنـوب
وأزعل على شانها وارضى علـى شانهـا
سلام ياباحة الأبطال ضلـع ودعـوب
إلـى محايـل عسيـر وضلـع نجرانهـا
سلام ياتهامه وبيشـه مسيـر وركـوب
ولايعـدي رجـال ألمـع وظهرانـهـا
سلام لأبها وشـروره قـروبٍ قـروب
تحيـة سنـهـا الإيـخـاء وآعانـهـا
الله خلقكم قبايل من خيـار الشعـوب
منابـرٍ لـج صـوت الحـق بأركانـهـا
ياللي إذا كبرت الهية وشـب الشبـوب
أنتـم قبسهـا وأشاوسهـا ودخانـهـا
من فوق عوصٍ تنش الأرض نوبٍ ونوب
تستـل مراديفهـا وتفـل جنحانـهـا
ومصقلاتٍ عليها الـدم لوهـو يـروب
ماروبـت جبهـة النشمـي بعرقانـهـا
اللي يداري على ضيفه من أدنى هبـوب
ومحشـمٍ رفقـة الطيـب ولاخانـهـا
وأنا على المدح في الطيب مانيب مغصوب
لكدت مهر القصيـد وجـدت بعنانهـا
كثرت علي الحكايا والحقود الكـذوب
ماخاف ربـه مـن هروجـه ولاصانهـا
استغفر الله من بعض السوالف وأتـوب
اللي نبذها الشرف والعـرف وأدانهـا
حذف العمايم يتل الوجه لوهو شحـوب
والناس تاسـع مداركهـا مـن بطانهـا
وأنا مورد على العد القـراح الجـذوب
ومجنـبٍ بركـة الـوادي وشيطانـهـا
أحيان مغلوب وأحياناً منيـب مغلـوب
مـن دون ربعـي مشايخهـا ورعيانهـا
وأن قلط الليل في عيني وشرب الغـروب
ذبحت لـه مـن خيـار النـدر سمانهـا
مثايـلٍ مادخلهـا شـك ولا عيـوب
يغـار ياقوتهـا مـن زيـن مرجانـهـا
تجدد الحب والتقديـر لأهـل الجنـوب
وهبـي ياهرجـة الحاقـد ونقصانـهـا
قصيدة إعتذار ياسر التويجري لأهل الجنوب
العرض العادي
