فالكم من الله طيّب

13-11-2007, 07:05 PM


	أدله ليا سجيـت بـأرضٍ خليّـة فيها الذيابه فـي دجاهـا تعـاوا ماسمع من الأوناس فيهـا دعيّـة كود الطيور اللي تطيـر وتهـاوا أتبع هوا نفـسٍ قـزوي وشقيّـة فيها الطواري تختلف ثـم تـراوا نفسـي معودهـا لعشـق العليّـة ترقى سنـود وشوفهـا للعـلاوا مشي الخلا طب النفـوس الأبيّـة نفوس الحرار اللي بمشيه تـداوا أسجهـا بعـزوم شـوقٍ جريّـة وألقابهـا للنفـس قمّـة سـلاوا مامعـي كـود الدّلـة الرسلنيّـة ومطعومها والمـا قـراحٍ ومـاوا وأشب ضوي في خبـوتٍ عذيّـة أشبهـا فـي عاليـات النـبـاوا مابين هضـبٍ شامخـاتٍ ذريّـة وبرانهـا تـو الدحالـة تــلاوا أخير من شوف الوجيـه الهبيّـة اللي الوفا والغدر معهـم تسـاوا أهل العـزوم الوانيـات الرديـة إركابهـا دون الطويلـة تـثـاوا إليـا تعـذر خـوّة الكفـو ليّـه مانيب ويا اللاش ربـع إنتخـاوا ولا أزكي المجرم ولا أدهى البريّة أراقب اللي فوق عرشـه تسـاوا وأقوم وأسجد له بنفـسٍ رضيّـة وأدعوه يغفر مذنبـات الخطـاوا والله يجملنـي بمـن ضـن فيّـة أمـا بعيـد الـدار ولا الـدنـاوا الكفـو للطولـه عزومـه قويّـة وليا فعـل طيـبٍ لفعلـه تشـاوا