لو انت جمره تحرق كفوفي منك مامليت . اضمك على صدري واسوي نفسي ماحسيت

	وعيني اللي كل ما ذعذع من الغربي هبوب يحلى لها لون الغروب اللي يذوب قبالها ياويل حالي كل ما يحلى لها لون الغروب تطري لي الريم اللعوب وسالفة ترحالها وعزالله اني كل ماتطري لي الريم اللعوب حرمت امد ايدي على حاجه وانا ما اقوى لها من سافرت ريم الفلا صديت عن كل الدروب ماهو قصور بـ العذارى بس ذيك لحالها من فارقتني ماخطف قلبي من الحور محبوب ولا لقيت الجادل اللي تستحق احيا لها لأن القلوب ان ما وفت لأحبابها ماهي قلوب والعشرة اللي ما ترد الروح ما نسعى لها اما الوفاء اللي يستر الرجال من كل العيوب ولا الجفا اللي يستر عيوب العرب في رجالها ماقسى من فراق الجنوب الا فراق اهل الجنوب ويلي على اللي كل ما تزعل تشد رحالها اللي مغيرها العتب لا شبت بصدري شبوب عييت اراضيها وهي عيت تطول باالها كانت معي مثل النصيب يحدني من كل صوب كانت دروبي من متاهات الضلل لظلالها كانت هروبي لا شعرت اني بحاجه للهروب كانت سماي اللي ليا ضاقت علي الجأ لها ليه تحداني وانا في كل الأحوال مغلوب ليه حرمتني من قهر عذالي وعذالها ليه تجاهلني وانا ماني جبان ولا كذوب ليه أرخصت دمعي و انا اللي ما بكيت الا لها ما ترحم اللي له سنه كنه على النار محطوب ما هزها دمع الفقيد اللي بكته اطلالها ما خافت تهدم السنين اللي بنتنا طوب طوب ما فكرت تشفق على حالي وترحم حالها قولوا لها لو ماتــذوق انا بخليها تـذوق قولوا لها ان ماعنت لي مستعد اعنا لها ان دمحت لي هالخطا بدمح لها كل الذنوب وان جابت الحسنه معي تبشر بعشر امثالها افرش لها صدري وطن واجمع من ضلوعي شعوب وارقى لها المكانه اللي محدن يرقى لها ان كاني مخطي فانا ماني خلياً من العيوب الذنب يغفر والبشر تجزى بقدر اعمالها البعد قاسي والفراق يضيق الصدر الرحوب وانا تعبت ادور الحيلة وأرد احتالها قولوا لها ترجع ترا ماني على الحزن مغصوب ولا ترا نذراً علي انه موب اشوى لها اما تجنب هالهبال وتترك البعد وتـتوب ولا بتبشر بالهبال اللي ماهوب هبالها كافي زعل !! ترا الظروف مقفله من كل صوب وانا حملت من الهموم انواعها واشكالها يكفيني ان كل ماهبت على صدري هبوب تحنّ عيني للجنوب وتلتفت بلحالها والمشكلة اني كل ماحنت عيوني للجنوب تطري لي الريم اللعوب وسالفة ترحالها وعز الله اني كل ماتطري لي الريم اللعوب حرمت امد ايدي على حاجه وانا ما اقوى لها

انـا زعـلان منـك حيـل وشايـل لـك بقلـبـي عـتـاب
واتـمـنـى تحمـلـنـي مـثــل مـــا اتـحـمـل عـتـابــك


ترى بعض الصراحة جرح وثقل ونرفزه واعصاب
ابـي تسمـع كلامـي زيـن وتـمســك زيـن اعصـابـك


تعاهـدنـا انــا وانـتـه عـلـى إنـــا نـكــون احـبــاب
واحبـابـك هــم احبـابـي واحبـابـي هـــم احـبـابـك


وش الــي غـيـرك فجـأه تكـلـم واذكــر الأسـبــاب
انـا بسمـع كـلامـك زيــن وبسـمـع زيــن اسبـابـك


رغـم كـل الخطـاء منـك فوجهـك مـا قفـلـت الـبـاب
ويـوم اخطيـت فـي حقـك قفـلـت فوجـهـي ابـوابـك


رخصـت الغالـي لعيونـك حنيـت لخـاطـرك ارقــاب
رضـيــت احنـيـهـا ارقـابــي ولا تحنـيـهـا ارقـابــك


كفايـه تمتحنـي هــم وخــل مــن ذم فيـنـي وعــاب
ترى من عاب في غيـرك ولـو طـال الزمـن عابـك


ولا تفكر في يـوم انسـاك او يشغلنـي عنـك غيـاب
انــا اتنفـسـك اهــواك وفـيــك امـــوت واحـيـابـك


انـا مـا شـوف احـد غيـرك جمـيـل بفـتـنـتـه جــذاب
انـا إعجـابـي فيـك اعمـى يفـوق اعجـاب اعجـابـك


انـا مهـمـا قـسـى قلـبـي بكلـمـه مـنـك احـسـه ذاب
انا من زود عشقـي لـك عشقـت العطـر فـي ثيابـك


انـا ياليـت مـغـرم فـيـك انــا كـلـي فغـرامـك شــاب
احـسـك جــزء مــن روحــي ولا اتـحـمـل غـيـابـك


ولا قد طـاب لـي جرحـك ولـو جرحـي لذاتـك طـاب
عجـزت اقـدر اشـوف الدمـع بـل اطـراف اهـدابـك


ولـكـن كـــل شـــي إلا جـــزاة الـصــد بالـتـرحـاب
إذا صـديــت تـرحـابـي تـــرى بــاصــد تـرحـابــك


ولانـي مرتـضـي ذلــي ولــو كــان الـهـواء غــلاب
إذا مـاكـان تـرضـا بـي حـشـاء لا يمكـن ارضـا بـك


ولانــي قــادر اتحـمـل عشـانـك غـرسـت الأنـيـاب
انـا كـلـي غــدى مـجـروح مــن غـرسـات انيـابـك


تجافيـنـي ولا هـمـك ولا تحـسـب لــي أي حـسـاب
وانا من زود عشقي لك اصونك واحسـب حسابـك


ألآ يـا قـسـوة الصـدمـه تجـيـنـي مـنــك الأصــواب
وانا الي كنت اقول الجـرح إذا مـا صابنـي صابـك


أمـانــه قـــول وش بـقـيّـت لـلـعــذال والأغــــراب
اذا هــذا مـعـي طبـعـك اجــل وش حــال اغـرابــك


تـمـرد كــان يحـلـى لــك تعـيـب فطيبـتـي وتغـتـاب
ولكـنـي تــراي اكـبــر مـــن انـــي يـــوم اغـتـابـك


حقيـقـه اكتشـفـت انــك سخـيـف بطبـعـك الـكـذاب
وانـي كـنـت لــك لعـبـة سخيـفـه تـشـبـه الـعـابـك


انـا عيبـي غبـي طـيـب وضـنـي فـيـك والله خــاب
ولا قـــد كـنــت اتـوقــع تـجـافـي يـــوم اصـحـابـك


انا جيتك بطيب الطيب وفيـك الطيـب ابـد مـا جـاب
ابـي تعذرنـي هـا القـسـوة لأن الطـيـب مــا جـابـك

بحكيلك عن غيابك:
غيابك غيب الفرحه عن عيوني.. تعب حالي??
يمر الليل لافرحه , و لا راحه..
متى؟؟
تعود يانور القلب وأفراحه.. أبي أرتاااح،.، ريحني من الحيره..
متى أشوفك؟؟
وتكلم عيوني عيونك وأناديك..
وتشوف الشوق بعيوني إذا ; ناديت ;
وأغنيلك"اللـهفه" وتسمعني إذا غنيت..
متى تعود ؟؟
بـس أسمع صوتك.. و اللـه لأبكي فرح بلقياك وأرمي أشواقي عليك
"بـس عودلي"
لوثواني وأملا هالدنيا أماني .. يافرح عمري وزماني.
. "بـس أرجع لي"
و اللـه لأقتل كل خوف
متى تعود؟
ياحيل اللـه على غيابك.. أسهر وعيوني تمناك..
والدمع على خدي على باقي ذكراك..
وأنام وأصحى من حلمي على الواقع و لا ألقاك.
. آآآه ياليتني ماصحيت أشوف الدنيا شي ثاني عذاب ماشفت له آخر..
بـس قول لي؟؟ وين أرتاااح بغيابك؟؟
هجرت الناس بأسبابك أسولف فيك وإذاطيفك عبر عيني وجاطاريك أهيم وأنسى أحزاني..
أشوف الدنيا ~بعيوني~ شكل ثاني.. ياغايب بـس كافي غياب تعال وشوف صبري ذاااب..



"و اللـه كافي غياب"

لاتجيني دام وصلك هو غيابك
ولا تليني دام عطفك هو عذابك

امنتك الله
لا بغيتي تريحيني اكرهيني
وعلميني أكرهك

علميني أشبهك
في خداعك في قسى قلبك وجورك
في عذابك في غيابك في حضورك
في جروحك في غرورك

امنعيني أبكي في لحظة غيابك
انزعيني صفحة من داخل كتابك
شققيها ضيعيها امسحي كل كلمات فيها
واتأملي كل القصايد واحضنيها وودعيها
وانثريها في مهب الريح ياخذها معاه
وينثر احزان القصيدة في طريقه وفي سماه
وتثور هالريح بهواها
وتمطر أحزاني معاها

بالعافية يا أغلى حبيبة
ارتوي بحزني الكبير
واشبعي من دمعي ياللي قد ظميتيني كثير
وابكي عالفرقا وقولي انه بعدي مصير

ولا بكيتي ابني بدموعك بحور
خلي أحزانك تثور
واصرخي هالحب جور

واكرهيني
لأجل ألاقي عذر يبرر موقفي يوم أكرهك
ولأجل أقوى اني أدمر كل شعورك وأخسرك

آآآه يا أغلى حبيبة
شفتي كل هذا التعب في حالتي
حتى التعب وصل لمداه لدمعتي ولضحكتي
ما تصورت الحزن يسلب عيوني فرحتي
وماتصورت الألم يظهر في صوتي وصرختي

ياللي احساسك يضيع عيشي مرة بموقفي
وكيف تبقيلي عدو وقلبك في صفي ومنصفي
ان كنتي لي نور وضوي
قولي لشمعك ينطفي
وقولي لحبك يختفي

واكرهيني
وعلميني أكرهك