هذي أبيات من الشعر لجميع قبائل السعوديه دور على البيت اللي فيه قبيلتك:-

سلام عليكم ورحمة الله وبركاته
وهذي قــصــيــدة فــي قــبــائــل الــجــزيــرة الــعــربــيــة
_ هذة القصيدة لـــشاعر : مفلح أبن عمير الشهراني .
وهي مسجلة باسم الشاعر في داراة الملك عبد العزيز للعلوم والثقافة، حيث تم تسجيلها
كاحد المراجع باهل الجزيرة ، وذالك لجتيازها اختبار الداراة .
- يالله ياخالـق اراضـيـن وابـحـار
الـواحـد المعـبـود رازق عبـيـده

الخالـق الغفـار عـلام الاســرار
وفرق شعوب الارض فـي كـل بيـده

ومن بعدها بديت من عذب الاشعـار
ابيـات شعـر والمعـانـي وكـيـده

وشري وابيع وعارف كيـف بختـار
واختار مـن جـزل البيـوت الفريـده

واذكر تـراث وعزوامجـاد وافخـار
قبايـل تـومـن بـديـن وعقـيـده

وصلت حضارتنا على سطح الاقمـار
ا بنـا الجزيـره والجزيـره امجيـده

في ظل حكـام لهـم فعـل واشـوار
ال السعـود اللـي تفـك الضهـيـده

نسل الزعيم الحاكـم العـادل البـار
مجـدد امجـاد الجـزيـره ابجـيـده

حتى اصبحت حره وحنا لـه انصـار
وفي ظـل اخونـوره هنـوف سعيـده

وصارت لبوتركـي بطولـه وتذكـار
والفخـر والامجـاد تبقـى شهـيـده

وخلف لنا ملوك لهـم فعـل واخبـار
والشعـب واحـد والقيـاده رشـيـده

والامن بانينه علـى سـاس وجـدار
وقرو علـى العابـث عقوبـه شديـده

وحنا حماة الـدار مـن كـل غـدار
وماهمنابطـشـه وخبـثـه وكـيـده

قبايـل مالحقـنـا هــم اوعــار
وعشنا بهذي الـدار عيشـه رغيـده

والحمـدلله نحمـده سـر واجـهـار
شعـب تكاتـف مـن سنيـن مديـده

ودون الوطن جيش على كـل معبـار
ون رفـرف البيـرق ونـادى عقيـده

بشرق البلاد وغربهـا دوم حضـار
وارض الشمـال اللـي نفـوده مديـده

وارض الجنوب اللي تخيضر بالاشجار
جزيـرة فيـهـا القبـايـل عـديـده

ارض بها قحطـان وافيـن الاشبـار
وياعزمنـهـم فالشـدايـد بـسـيـده

واذكر عتيبـه يـوم للطيـب مغـوار
وان ثـارت الهيجـا وقـرب ضديـده

وشمر هل الطولات والجـود مقـدار
ا هل الكـرم واهـل الفعـول الحميـده
وقوم اعنزه مروين الاخصام الامرار
اولاد وايـل مـن عصـور عهـيـده

ومطير قـوم تكـرم الضيـف لازار
وياويل خصـم فـي حراهـم وعيـده

واذكر قبيلة حـرب يانعـم الاخيـار
وتاريخهـم يحكـي سطـور مجـيـده

وسبيع نعم القـوم ووجيـه الاسفـار
وزبن الدخيل اليا زبـن مـن طريـده

واذكر قبيلـة يـام والطيـب ينـدار
اهـل العلـوم الوافـيـه والرشـيـده

ثم الدواسر هـل مواجيـب واوقـار
اهـل الفخـر ياعـز منهـم سنـيـده

ثم السهول اللي لها الطيـب مـدرار
وعن منهج اهل الطيب ماهـي محيـده

ثم اذكـر العجمـان حمايـة الجـار
والمرجلـه والجـاه فيـهـم عتـيـده

واذكر بني مـره طويليـن الاعمـار
ومـا ينقـد المـري ولالـه نقـيـده

ثـم الهواجـر لابـة تقـدح النـار
واهل الركـاب اللـي خطاهـا بعيـده

واذكـر بنـي خالـد قبيلـه وامـار
بنو لهم فـي المجـد فعـل ورصيـده

وبني تميم اللي لها الطيـب مصـدار
بنـي تميـم وكــل عـلـم تفـيـده

ثم الزعوب اللي بها الخصـم يحتـار
شجعـان ماترضـا سـوا ماتـريـده

والعازمي وافي وفي الطيـب بيطـار
وروحه على كـل المصاعـب صميـده

ثـم الظفيـري فالصعيبـات جـبـار
والطيـب والامـداح باصلـه وطيـده

ثم اذكر الاشـراف باجـلال وكبـار
اهـل الحجازاهـل العلـوم االرشيـده

ثـم الهذيلـي لـه مواقـف ومنـدار
راعي الفخـر فعلـه وطيبـه يشيـده

ثم البقوم اللي لهـم جيـش وامهـار
وريف الضيـوف اليـا لفاهـم وليـده

واذكر ثقيف اللي لهـم مجـد واثـار
ومهمـا حسبنـا مـن كـلام نعـيـده

وبلحارث اهل العز بشهـود واقـرار
الحارثـي ياطيـب فعـلـه وجـيـده

والمالكي معروف لاصار مـا صـار
في موقف اهل الطيـب يبـذل جهيـده

واثني تحياتي عـدد وبـل الامطـار
علـى سليـم وكـل خصـم تكـيـده

واذكر جهينه هـل مواقيـف وادوار
تلقى الجهينـي راسـم الطيـب بيـده

واذكر بلي والمجد له فعـل واظهـار
وتاريخهـم يحكـي فـعـول فـريـده

وبنـي عطيـه للمواجيـب حضـار
وقـوم بوقـت الجـد قـوم عنـيـده

ثم الحويطي والكرامـه لـه اشعـار
ثـم الشـراري كــل راي يجـيـده

ثـم الرشيـدي فالصعيبـات صبـار
وعلـى علـوم الطيـب فعلـه يزيـده

واذكر جنوب الدار والقـاف لـو دار
باقـي علـى قلبـي كـلام واشـيـده

زهران نعم القوم في وقـت الاخطـار
والخصم عينـه مـن لقاهـم سهيـده

والغامدي معروف له عزم واصـرار
تاجروبنـك المـال غـطـا رصـيـده

وشمران نعم القوم في كـل الاطـوار
وبلقـرن ســم للقـلـوب النكـيـده

والا***ـي والمحلفـي مابعـد بــار
وعليـان وبلحـارث وخثعـم سديـده

وبني شهر وبني عمر سيـف بتـار
قـوم علـى الاخصـام نـار وقـيـده

والاسمري والاحمري صيتهـم سـار
بيـن القبايـل والمواقـف شهـيـده

واذكرعسير الهول ذربيـن الاذكـار
وابهـا حموهـا فالسنيـن الشـديـده

وادهم والصيعرعلـى ذيـك الاقطـار
يحمون حد الـدار مـن اللـي يريـده

وامشي مع الساحل معي جملة افكـار
رسمتـهـا والطـيـر زان اتغـريـده

وانزل على جيـزان تاريـخ وديـار
ورجـال فيفـا والقبـايـل عـديـده

وارجوالعذر واهل المواجيـب عـذار
للـي نسيـتـه منـذكـر فالقصـيـده

***** الواهبـي عـدد بيوتـه بــالادوار
مـن شاعـر ماشـل قلبـه حقـيـده

****شهران ربعي هم هل المـدح والكـار
واهل الكند واهـل السيـوف الحديـده

يـوم البلـد مايامـن الزندلـوثـار
وزيزمنا ابـن مشيـط نعـم الوليـده

وفالجهـل عـراف وفالسلـم تجـار
مـن سـوق بيشـه للتهـم لارفيـده

حبيت ابيـن موقفـي بيـن شعـار
وارجوسموحتكـم عـلـى ذالنشـيـده

وماحب انافـق واتعنصـر تعنصـار
ولانيب اطيـع اهـل العقـول البليـده

والشعر بستان بـه اورود وازهـار
والـلـي تعـداهـا بيـوتـه فقـيـده

وقولهـا فالشعـر تكـرار وامــرار
ضـرف بـلا عنـوان يلغـا بـريـده

وبعض السوالف له مواقف ومحضار
وشعربـلا معـنـا لــزوم نبـيـده

وماكل من طب البحـر قيـل بحـار
وماكل من شل الفشـق جـاب صيـده

وصلوا على المرسول شفاع الابـرار
محمـد الـهـادي وقــدوة عبـيـده


وسلامتكــــــــم

واللحين كل واحد يجي إذا ماعليه كلآفــه ينزل البيت اللي فيه قبيلته

ومشكوريــن

ولد الحبي

الله يعطيك العافيه

الله يعافيك

يعطيك العافية ولد الحبي
بس القصيدة ما وجدت لنا اسم فيها
خيرها في غيرها

شكرا الاخ مفلح ابن عمير الشهراني : -
على هذه القصيدة ولكن عذرا ان اقول لك ان الكمال لله وحده
فانت قلت ماعلمت وما سمعت وما احاطت به ذاكرتك حيث وقع بعض القصور وعدم الاحاطة بجميع قبائل الجزيرة العربية كما قلت .
ولكن كان من المفترض من القائمين لاختيار القصيده وجعلها مرجع في دارة الملك عبد العزيز للتراث والثقافة ان يكون تأكدو من وجود جميع القبائل العربية حيث سقط من القصيده عدد كبير من القبائل اما ( عمدا من الشاعر ولا اظنه ذلك ) او سهوا لانه ليس الذي رشح القصيده .
فالسؤال .. اين الشعار الجهابذه الكبار الذين اوكل لهم اختيار مثل هذه القصيدة المميزة ؟.
هل كان ذلك مجامله منهم للشاعر .....ام كان ذلك لجهل بمثل هذه القبائل .....
فدارة الملك عبد العزيز لها مكانتها العلمية على مستوى العالم ، وتضم الكثير من المراجع العلمية والتاريخيه والجغرافية عن كل جزء من المملكة العربية السعودية بما تحويه من قبائل ومعالم وموروثات ... الخ .
فقبيلة العوامر للمعلوميه ولمن يطلع على هذا الموقع ( موقع قبيلة آل حـبه ) والتي سقطت من هذه القصيده قبيلة كبيرة قبيلة عريقة لها جذورها العريقه وموطنها الاصلي تهامة ومنها فضيلة الشيخ والقارىء وامام وخطيب المسجد النبوي الشريف الشيخ علي بن عبد الرحمن الحذيفي يحفظة الله وهي احد قبائل بني خثعم ( شمران وعليان وخثعم والعوامر ) ولكن تخلي شمران في الاونه الاخيرة عن هذا المسمى بحجت انهم قبيلة مستقلة لا تدخل تحت هذا الاسم ( بني خثـعم ) .
وقبيلة آل حـبه احد قبائل العوامر تسكن قمم جبال السروات حيث المناظر الخلابه والهواء العليل والاشجار المثمرة والحدائق الغناء وتعد واحدة من معالم السياحة بمحافظة بلقرن .
وقبيلة آل حـبه مثلها مثل اي قبيلة اخرى من قبائل الجنوب العريض ( كزهران وغامد وشمران وعليان وخثعم والحلافات وبلقرن وبني عمر وبني شهر وبلسمر وبلحمر وعسير .... وهلم جرا )
آمل تدارك ذلك من الشاعر نفسه مستقبلا وان لا يغيب عن نضر اي شاعر يريد ان يمدح الوطن ويذكر ماثرة ومحاسنه ومن يكتب اعمالا خالدة للوطن ان يلم بما يريد ان يقول او يكتب قبل الشروع فيه .
والله الهادي الى سواء السبيل ،،،