احمد المنتشري/ امشي واردد ليتنا ماالتقينا

ابو عبدالعزيز لا تكن قاسياً
توعد وتخلف وترجع توعد وتخلف
واليوم ما عاد لي وجهه على بابك

ــــــــــــــــــــــــــــــــــــــــــــــــــ ــ

لعلك تتراجع بعد سماع هذه الابيات.
ــــــــــــــــــــــــــــــــــــــــ
تكررت عقب البطا والتقينا = من عقب مامرن سنينٍ طويلات
في صدفةٍ فيها حشا مادرينا = ولاهقينا نلتقي عقب مافات
لاشك جابتها الليالي وجينا = رغم الفراق ورغم ذيك المسافات
في موقٍف بان التوتر علينا = لحظه تلين إبها القلوب القويات
قالت شلونك قلت ربك عوينا = الحمد لله عاضني عقب لوعات
الله رزقني في هنوفٍ تبينا = احيت خفوقٍ كان بعداد الأموات
هي نور عيني فرحتي والضنينا = ألقابها عن ظيقة الصدر سجات
قالت سليت وقلت عقبك سلينا = لكن عقب مالاعنا الحب مرات
قالت شلون وقلت لاتسألينا = مافات فات ولا تفيد الحسوفات
قالت تكلم قلت مهما حكينا = الدمع ماينفع عزيزٍاليامات
قالت نسيت وقلت لامانسينا = لكن قنعنا والقناعه من الذات
قالت أروح وقلت وش في يدينا = روحي عسى في كل خطوه سلامات
بصبر على فرقاك مهما حيينا = ولا تشوه صادق الحب زلات
قالت على ماكنت دنيا ودينا = تكرم ونكرم عن دروبٍ رديات
قلت اسمحيلي قبل لاترحلينا = يم الديار اللي علينا بعيدات
تراي ذخرٍ لاحدتك السنينا = اجيك مهما واجهتني صعوبات
من اليوم اخوك وغيرها ما بغينا = كلي فداك ان صار بالوقت ميلات
وتبسمت بإعجاب مدري حنينا = وتهشمت قدام عيني بعبرات
قالت فمان الله قلت انتهينا = واقفت تكلم نفسها بس بسكات
وقفت تقديرٍ لها ثم مشينا = دربٍ مشوه اهل القلوب العفيفات
امشي واردد ليتنا ماالتقينا = وش جابها عقب السنين الطويلات.

مشكور يالمعتصم بالله على هذه الابيات المعبره والجميله
صح لسانك ودام لنا قلمك النير بكتاباته الرائعه والمثيره
لاخلا ولاعدم يالمعتصم بالله
يعطيك العافيه ....تقبل احترامي

مشكور استاذي العزيز على مرورك
واتمنى اكون عند حسن ظنكم بي
لك فائق احترامي...

الله يعطيك العافيه
كل الشكر والتقدير لك ولمجهودك

الرائع