يا بنت تغطي هذاك سعودي والاجنبي ماهو رجل

السلام عليكم ورحمته الله وبركاته

تغطي يابنت هذا سعودي !!

طيب السعودي حرام والأجنبي حلال !!!

الموضوع صريح ويتحدث عن واقع نعيشه

وهنا بانقل لكم بعض المشــــاهد

المشهد الأول
...فتاه تتحدث مع أحد العمال الأجانب وتأخذ راحتها معه بالكلام والنقاش ويدخل سعودي تغطي

كأنها ما كانت تكلم رجال مثله مثل اللي دخل وتغطي يا بنت سعودي.


المشهد الثاني ..

إمرأه تخرج للسواق أو العامل في المنزل بملابس عاديه لا عبايه ولا اي ستر بحجه أنه أجنبي

عادي تكلمه بدون ما تتغطى عنـه أو أي شي يكـون ساتر بينـهم ولو دق الباب سعودي قالت

تغطــي يا بنت سعودي.


المشهد الثالث ..


بنت تطلب عشاء من أحد المطاعم وطبعا يجيبها عامل توصيل الطلبات تخرج تستقبل وتأخذ

منه الطلب مع الشكر والتقدير ولو كان سعودي احد الاطفال راح يطلع له .. وتغطي يا بنت

سعودي.

المشهد الرابع ..
مجموعه من الفتيات في أحد المجمعات أو في أي مكان يريدون ان يسألوا عن شي صادفوا

شخص لابس جينز وقميص لو سمحت يرد سمي اوووه آآآآسفين وتغطي يا بنت سعودي ..


ياويلي طلع سعودي ..

المشهد الخامس ..

وقفـو الليموزيـن بيروحون للسوق وهات ياكلام واخبار والأجنبي مستمع ومنصت حرفاً حرفاً

وطبعا صارت جميع اسرار العوائل لديه مع الأسف .. ولو وقفو ليموزين وطلع سعودي

هذي اخرتها نركب مع سـعودي مانعرف نتكلـم .. لا لا شكراً اخوي مانبي نروح .. نركب مع

سعودي ايه هيــن !!
وغيرها من المشاهد لاتــعد ولاتحصــى ..


طبعا كل المشاهد تحصل عند بعض الأب والإخوان وشي عادي لو شاف بنته أو أخته تكلم

أجنبي عكس لو شافها تكلم سعودي .... مع الاسف يعتبره من مظاهر التحضر والتقدم ..

ان يكون الأجنبي داخل المنزل بل استغنوا عن الطباخه بطباخ والسائق يصل لأخر المنزل ..

وليس جميعهم لكن !!!!!

الا من رحم ربي والقليل جدا جدا ..

قد يكون هذا التصرف عن غباء أو جهل إلخ .. يعني من الممكن أن تكون هذه الفتاه على

خلق ومحترمه لكن مالقت من يوجهها إن معامله الأجنبي لازم تكون زي معامله السعودي
ومعامله أي غريب ..!!

( هندي + فلبيني + سوري + لبناني+ مصري)عادي مولازم تغطي هذا أجنبي


سعودي ... يؤ يؤ يؤ يؤ مصيبه ياكبرهــا عند الله .. لايفضحنـا بكـره بس !!
وكأن المصائـب لاتخـرج غير من السـعودي ..!!؟!

يعطيك العافيه فعلا أخوي أبو نادر كلام جميل وواقعي 100 % هذه حال بنات الشعب السعودي بس ليس كل البنات الا من يخاف الله
يا كثر مارأت عيني على مثل هذه الحركات بالمطار والاحياء وغيرها لكن مانقول الا الله يهدي من غوا ويهدي بنات المسلمين كافه

أجــمل وأرق باقات ورودى
لردك الجميل ومرورك العطر
تــحــياتي لك
كل الود والتقدير
دمت برضى من الرحــمن
لك خالص احترامي