جديد بن فطيس
كهربتني بالعين
ياللي دخلت السووق وقف بحاكيـك
وش ذا العيون اللي تسوي سوايـا
كهربتنـي بالعيـن الله يجـازيـك
نظرات شلت في ضميـري خلايـا
لولا فيوزٍ وسـط قلبـي توماتيـك
ماكان عيّـن مـن فـؤادي بقايـا
يفصل الا من شاف هذي وهاذيـك
صادف مواقف من بنـات القرايـا
قالت تحمـد يـوم ربـي منجيـك
ولا توقـف فـي طريـق الصبايـا
قلت الصبايـا والمزاييـن تفديـك
ماشفت عينك فـي جميـع البرايـا
قالت هذي عيني عسى الله يقويـك
وشلون لو بتشوف باقـي المزايـا
لكن مادامك مومن القلـب بسويـك
رح في طريقـك والنوايـا مطايـا
والا ترى بتعبـك واعلـن تحديـك
واشـوف قلبـك بيتحمـل حلايـا
قلت اسمعي:وان فزت..قالت: بكافيك
على حسابـي مـن محـل الهدايـا
بس انتظر لحظه بسيطـه وارويـك
ثم اظهـرت ثغـرٍ زهتـه الثنايـا
قلت انتبـه ياقلـب منهـا توطيـك
واسمع صداه يصيح خلف الحنايـا
ثم انفجر جـد الفيـوز التوماتيـك
واقفت وانا اجمـع بقايـا الشظايـا
كهربتني بالعين جديد بن فطيس
العرض العادي
