الهرفي المحمر والمقمر بالقصدير لإخواني في البراري

الهرفي المحمر والمقمر بالقصدير لإخواني في البراري
هذا ؟

لالا هذا

الا هذا

يالله جيبوهـ يطالعني بنظره

بسم الله ,, ماشاء الله

وش رايكم بالهرفي ,, 5 شهر

توي ادري اني سفاااح >> حرام عليك يا أبو عبدالرحمن والله مايستاهل

بس الربع غالين

قطعته وحطيته بالقدر وشلته معي بالبر

وهذا مكاننا

شبة النار والشباب مبسوطين

وهذا حطب القرض الله لايخلينا

البريق يفوح ,, والدلال تنتظر

والقهوه بالطاحونه

وفارت المهيله

بعد ماعينا من الله خير سعينا بالعشاء .. وقطعنا البصل واضفنا الماء والبهارات

حطيناه على النار

بدا يغلي ,, واضفنا الملح وبعض البهارات الاضافيه

فحص اولي

مرق ولا أحلى
واللحم مستوي على الاخر

يتبع

بعد ذلك عزلنا اللحم على جنب حتى يتجمر الحطب

ثم اضفنا المرق على الرز بقدر ثاني

ثم احضرنا القصدير وقمنا بعملية لف للحم

من اجل التحمير

هريفي يحبه قلبك

طريقه محكمه باغلاق القصدير
ماقصروا الشباب

ووضعناه على الجمر
مين يصدق ان هذا هرفي

بعدين دقيت ريوس والتفت على الرز

والرز بادي ينش

واقوم وانكب عشانا

والتفت على القصديرهـ واثرها تقول يالله عش الرجاجيل

وافتح ,, ولا ادري ويش افتح علموني يالربع هو يجمل ولا مايجمل

وغرفنا الرز

واقلطوا الله يحيكم على عشاكم وعلى قل الكلافه

وترانا واجد لايجي احد ويقول وش هالاسراف
ماقلط الا ثلاثه عليه

وأحلى جلسه بعد العشاء مع فنجال خاثر

ابو نايف ....روعه بارك الله فيك ...هذا جمال الطلعات
بجد روعه وبالهناء والشفاء عليهم



يعطيك العافيه ...نتظر القادم...تقبل احترامي

مش معقول يابو نايف لازم تدق على الوتر الحساس .
الله يوفقك راعي صور والله انها اثلجت صدري بس ودي انكم الحقتوا الخروف الاسود مع خويه .
بارك الله فيك روعه روعه روعه .