انا من لي بعد عينه ؟

اخبي الشعر عن عينه اخاف انه يجـي يقـرااااااه
اخاف اكدر احساسه بحزنن يكسـي احساســـــي

دفنت الحزن في قبر الضلوع اللي بكت فرقـااااه
واجر الآه بـحروفن بكت في صـدر كراســــــــي

دموع الشعر ،حرمان المعاني ، همهمات ، وآاااه
جمر هجر، ودموع فراقّ في حبري وقرطاســي

انا بعت الخلايق كلها والنـاس لجـل رْضــــــــاااه
لأنه كان لي ربعي واهلـي وديرتـي وناســــــي

احبه والله الشاهـد وهـذا البعـد مـا اقـواااااااه
اكابر واتظاهر بالصبـر ليـن انكسـر باســـــــي

انا من لي بعد عينه ؟ انا ماابغي سوى دنيااااه
ابيه بسيف وصله يطعن همومـي وهوجاســي

بكى في داخلـي طفـلن بحبـه والوفـا ربـــــــاااه
انا وهذا الطفل عقبـه يتامـى واليتـم قاســـــي

نسى قلبن جعلته خاتمن فـي خنصـره خـــــلااااه ؟
نسى حبي؟ نسى قربي؟ نسى اللهفه بأنفاسي ؟

نسى ذيك العيون اللي تموت بطلعـة محيـااااه ؟
نسى دافي عتابي والغرام الشامـخ الراســي ؟

يقول القلب: لا تنساه واقول: شلون بس انساااااه!
انا وشلون ابنسى من غرامه تـاجٍ لراســـي ؟

هذاك اللي انا وانته يا قلبي لـي أمـر طعنـااااااه
هذاك اللي بنظره من عيونـه يَـورق يْباســي

هذاك اللي تفز الروح ولهانـه علـى طريـــــاااه
هذاك اللي بغيابه/ عن عيونـي أبعـد نعاسـي

ياليته يرجع ويرحم خفـوقٍ ذاب مـن فرقــاااااه
ياليته يرجع لقلبي ويحيـي مـوت احساسـي ..