إيه القصايـد بالمواقـف لهـا دور
وبعض المواقف تستحق الجزيـلات
واليا طرى صقر العروبه على الفور
تزوم في فكـري جزيـل العبـارات
فكرة بفكرة والشعِـر هـل منثـور
وخط القلم يجمع على الطرس الأبيات
لا باس يا فخر العروبـه وماجـور
كل العرب لـك رددوهـا سلامـات
الله يحفظك يـاذرى شاكـي الجـور
يا هامةٍ فاقـت صـراع الحضـارات
يا خـادم البيتيـن بالفعـل مخبـور
زعامتك فاقـت جميـع الزعامـات
طهور يا كف الصخأ صايب الشـور
وبإذن الولي هـذي نهايـة معانـاة
ولو المرض ينقـل حملنـاه بالـدور
بس المهم سلامتـك كـل الاوقـات
سلامتك يا سيـدي تشـرح صـدور
شعباً على شوفك يسوق البشـارات
شعباً يحبك حـب مـا خالطـة زور
وغيبتك يحسبها ثوانـي وساعـات
شف كيف صف الشعب طابور طابور
وفي عودتك عاد الفرح والمسـرات
يا سيدي الله يديمـك لنـا اعصـور
حنا يمينك لا غشى الوقت عثـرات
حنا لكم طاعة الـى نفخـة الصـور
الله ومـن ثـم الملـك والقيـادات
ومادام ابو متعب لنا عـاد مسـرور
أيو الله إنّا بخير وأمـن وسلامـات
الشاعر
محمد الحلوان
لسماع القصيدة بصوت المبدع المنشد
\\ عبد الرحمن عضيب الشراري
والقصيدة تعرض على
قناة صدى الفضائية
و
قناة الأماكن الفضائية
و
قناة صوت البادية