هاتي الحبل واربطي زوجك وثبتي الوتد زيــــــــن ..!!

في الزمن الماضي ...
في عهد اجدادنا كانت النصيحه بثمن ..
واظن الاغلبيه يعرف قصه كل نصيحه ببعير ..
اليوم جيتكم ببعض النصايح كتبتها لكم وابي الاجر ..
طبعا كثير نشوف زوجات يشتكن من ازواجهن ومن معاملته انا الحين بحطلكم نقاط مع شرح مختصر وابي الكله يحطه قدام عيونه وهالنصايح هي الحبل وبنبتدي نربطها ع ازواجنا ..



اولا ..
الزين مايكمل ..
يعني مهما كان زوجك ترى هو بشر يخطي ويصيب ..لاتركزين ع اي شي..
ثانيا ..
تبين تربطين قلب زوجك وتثبتينه زيييين اسمعي كلامي وطبقيه ..
تبين زوجك مايعافك
خلي بيتك .. نظيف
تبين زوجك يحبك .. احترميه

تبين زوجك يعملك قيمه ... قدريه
عطيه حتى يعطيك ..
تبين زوجك يتجنن عليك لاتلبسين له عاري ومفتح حيل ..مهما كان الزوج تعود ع امه واخته والحريم محتشمات فيحب يشوفك كامل مو معناته ماتلبسين له لا اللبسي بس انتي ذكيه وتعرفين متى تتفننين بكشف مناطق جسمك ..لاتقولين يشوف بالتلفزيون ..
مهما كان ماراح ينجذب لك قد ماينجذب باللبس الساتر والبارز لبعض المناطق حتى لو تلاحظون اكثر من وحده تشكي ان زوجها يجامعها بعباتها ..
لأن هاذي اشارات لا اراديه تروح لعقل الرجل وتثت ع نمط معين ..ويمكن الاغلبيه يوافقني ع هالراي ...



تبين زووجك ينزلك لسووق ..
ويمشي معك وهو مبتسم ومبسوووط ..
ولا بعد يتغزل فيك وياعمري وياقلبي ..



قبل ماتركبين معه السياره حددي اغراظك اللي تبينهن من السوق والمحلات اللي مخصصه لهشي ..
فرضنا محلات تنزل ملابس ع ذوقك حطي علامه عنده ..
ولا رحتي لسوق لا تقعدين تقودينه معاك كنه دابه لا حبيبتي قولي وانتي بالسياره ابي المحل الفلاني واذا وصلتو انزل انتي وهو وخلصي اغراضك وبعده للمحل الفلاني وخلصي شغلك ..
تدرون هالشي ايش بيعود عليك ..
لولا زوجك من تركبين راح يقولك انا مبسوط منك حيل لانك مو مثل هالحريم اللي يمرمطن رجالهن لا انتي تعرفين ايش تبين ..
راح يعمل لكلمتك شأن لأن راح يعرف انك لما تطلبين شي لانك محتاجته مو لتسليه ..
ولما تطلبين السوق راح يطير فيك لانك يدري انك محلين وتخلصين مو لازم عشر لفات ع سوق كبر حارتنا ..

ام الزوج ..



امه ..امه يابنات من اقوى الاشياء اللي تحببه فيك ..
ادعيلها قدامه ومن وراه وخافي الله بهالمسيكينه مهما كان هي كبر امك ..
تدرون عمتي زينه ولله الحمد بس تخبرون مانسلم من الشرار بس اقول حرام هي كبيره ليش احط راسي من راسها اذا جيتي بوسي راسها وخليه يشوف احترامك لها..
انا وحده جيت لبيت 3 متزوجين فيه وكلهن مشاكل مع عمتي وانا الوحيد بس اللي اجيها ماتدرون هالشي شكثر مريح زوجي ويحبه ويحس بفخر ..
خوات زوجك خليك رسميه معهم مو عصبيه رسميه اذا انطرح موضوع لا بئس بالمشاركه خليك هاديه ..



نرجع لزوجك ..
افهمي مزاجه وهاذا اهم شي ..



..


ويتجنن ع شي اسمه تززين الاكل والله يابنات اللي قال قلب الرجل معدته ماكذب لانه فعلا نصف حب الرجل للأكل ..مع اني مو محترفه بس ابدع بتزين الاكل فهالشي يعطي سبشل للأكل ..



الرجل يحب المراء المثقفه ..
نسمعها كثير وياكثر اللي تقول بربري عليه بالانقلش ينجن عليك لاحبيباتي غلط عمر التثقف كان باللغات ..
تثقف يعني بكلامك بحوارك معك متى ترفعين صوت متى تظحكين متى تنتقين الوقت المناسب لطرح المشكلات او الطلبات ...
التثقف انك تكونين امرءه جديه تتعامل مع الامور بتدقيق مو انسيابيه .
ايظا تكون متطلعه ع كتب مهمه تهمها بحياتها الدينيه قبل الدنيويه ..
يعني مثل كتاب رياض الصالحين يفرق عن كتاب فنون الفراش ..
وتتعدد الثقافات وهي مو محصوره بموضوع معين ..
انتقي الكلامات الائقه معه ..


احسني النيه بتصرفاتك معه ..
وتذكري ..


حبيباتي ادري اطلت عليكم ..
بس نصايح طلعت من قلب مجربه ..
ابي لكن الخير اتألم لما اشوف نسبه المشاكل تزيد من هالقسم زوجك لمى يشوف تصرفاتك معه يصعب عليه التخلي عنك ..


بكذا تكونين جبتي حبل وربطي زوجك وثبتي الوتد زين فالنهايه اتركمم مع هالفديو ..

لكـ خالص احترامي

مشكووووووووووووووور

يعطيك ألف عافية

نتطلع لجديدك

وفقك الله