قصيدة لابن مانع العمري يمدح فيها شاعر شهران محمد بن ثايب ( أبو منيف )

قصيدة لابن مانع العمري يمدح فيها شاعر شهران محمد بن ثايب ( أبو منيف )

ياالله يامنزل تبارك والانسان=
لى محمد دون زيغ وتحريف=
مجري مكاتيبة على الانس والجان =
ومصرف كل المقاديرتصريف=
يقول من يوزن كلامه بميزان =
ويقول من صاغ المثايل على السيف=
سلام تسليم على قيف شهران=
قيف يفيد المرجلة ونعم القيف=
سلام ياشهران حضرا وبدوان=
خيالة الهيلا حماة المعاكيف=
سلام ياشهران شب وشيبان =
ياغدة الحراب ياشرحة الضيف=
سلام يامرسى ورووس وشيخان=
رواسي ترسي كما الشامخ النيف=
للطيب كسابة وللجود عنوان=
ناموسكم صيته بعيد عن الحيف=
والله يجمل حالكم فعلكم زان =
والشور جاله حسن دبرة وتوظيف=
الاحسان مجزاته الا بالاحسان=
وأنتوا هل القالات وأهل المواقيف=
يستاهل التكريم شيخ وله شان=
نحضرلتكريمة ونزداد تشريف=
راعي الصدارة مفخرة كل ميدان=
لاقيل منهو قال كلا بومنيف=
بن ثايب الي كل ماجاه ضيفان=
رحب وسهل ماحسب للتكاليف=
وغدا وعشى وان طلب فزعة عان=
ومالك بغير اهل الحكم والسواليف=
في مجلس تلقابه دلال رسلان=
وتمور برنية وشكل مناصيف=
وحليب خلفات روا كل عطشان=
ريف الضيوف يعزه الله من ريف=
صميدع صليب رأس وصنيان=
يرغب ويرهب في المواقيف ويخيف=
ومن لاذ في جنبه يبشر بالامان=
لوكان مطلوب من الرووس وجنيف=
بيت من أشعاره يعادل بديوان=
من شعر غيره لي عليها محاليف=
أطفأ بشعره فتنة أشعال نيران=
وياما رقاب قد عتقها من السيف=
ومحاورة العرضة الي بقيفان =
فتل ونقض وقاف شقر محاريف=
أرسى قواعدها على ساس وأركان=
وسوالها في ساحة الشعرتصنيف=
قد كان بن ثايب ولازال للآن=
شاعرجنوب المملكة وأول القيف=
ماشاء الله وتبارك الله وسبحان=
الي عطاه المعرفة والتصاريف=
الأجداد ذربان والأخوال ذربان =
وحنا خوال الضيف يامكرم الضيف=
وهذا وأنا سلمان وان قيل سلمان=
بن مانع اسمه فوق رؤوس المشاريف=
ربعي بني عمرو أهل بندق ونيشان=
ماحن بنحتاج لمعرف وتعريف=
يشهد لنا التاريخ من ذيك الأزمان=
يوم أقبل الباشا بجيش مراديف=
في ثأر بن محسن وثأر ابن عثمان=
قمنا وقاومنا ولأحد يقول كيف=
في قمة المطلى زلازل وبركان=
على الترك ومن الهول ولو معاسيف=
فأنا لفيت أشارك اطوال الايمان=
تكريم بوسلطان حسب المعاريف=
في المعذرة لوجاء قصور ونقصان=
والكامل الله في صفات وتوصيف=
واختم واصلى على النبي نسل عدنان=
عداد هتان المزوون الذراييف=

منقول