ليه الجفا وانت الوحيد بحياتي ؟

السلام عليكم ورحمة الله وبركاته

من زود حبّك جيتـك بكـل ذاتـي
واشكي غيابك يابعد كـل مزيـون


خلّـك رحـوم بحالتـي يامنـاتـي
طال الغياب وضاق بعيوني الكون


ليه الجفا وانـت الوحيـد بحياتـي
مدري تغلي أو دلع منـك وفنـون


يازيـن ارحـم حالتـي ياغناتـي
يكفي تعذّب واحـدٍ فيـك مفتـون


حرمتني حتى الخشـوع بصلاتـي
واسهرتني يـوم الاوادم ينامـون


عقلي ثقيل وكـان أحلـى صفاتـي
وخليتني أمشي مع الناس مجنون


يآلغالي لو فـي وصالـك وفاتـي
راضي ولا أقبل غير قربك وممنون


الموت عنـدك راحتـي وامنياتـي
ومعك الدقيقه تنشرى بالف مليون


ترفّق بـي ليـن اكتـب وصـاتـي
واطلب سماح اللي يبي منّي ديون


ومن بعدها لـو تحكم بمماتـي
عمري وكل اللي تبينه لـك يهـون

بارك الله فيك
واتمنا من جميع الاعضاء ذكر اسم الشاعر
حفاظاً لحقوق المنتدى وحقوق الشاعر
ولكم منى كل الاحترام والتقدير

يعطيك العافية ابو وليد

قصيده جميله وفيها مبالغه او فيها مايسمى عند اهل العلم هيام لذك حاولت اجاريها بالبيتين التاليه :

ياابوالوليد الحبي خفف وباتي
عندي لكم علم (ن) ولاهو بمظنون

كثر الهيام بحد ذاته جناتي
وانته بقيد الشرع ياخوك مرهون

احب لكن مااضيع عباتي
والدين عندي بمهجتي شي مضمون

سلمت يداكم على هذه الردود الرائعه والجميله والمتميزة