من غاب صوتك .. عن مدى السمع كنــي ... !!!

من غاب صوتك .. عن مدى السمع كنــي
... ارسم على لوحة غلاك .. اندهاشــي



لو شفت صدري كيف من رحت عنـــي
... في ذمتي ما كن .. وسطه و لا شي



كيف انتوادع و انت فيني .. و منـــي ...؟؟
... يا اغلا من الزلـــه على قلب .. واشي



لابد اعاف النوم لا نمت .. لنــي
... انثر طواري غيبتك في .. فراشي



و اصحى و في بالي سؤال امتحنـــي
وشلون .. اقاسي نظرتــك و انت مـــاشي



يا ضيقة الفرقا على البال .. حنــــي
... و اليا لمحتي دمع عيني .. تلاشي



عيب على مثلي يطيح .. و يونـــي
... و انا البداوه عيشتي .. و اعتياشي



عايش و اجاري هالزمن و ادري انـــي
... اخفي معالم ريبتي .. و ارتعاشــي




يا ليت قلبك يوم غاب و طعنـي
... يذبح غلاك و يقبره وسط .. جاشي



دام الليالي .. عن وصالك غشنــي
... مابغى يموت العشق بايدين غاشي



يمكن لو انهيته بايدينك .. اغنــي
... و اعلن على سمع العذول انتعـاشي



بكذب على احزاني معاك .. و كـأنــي
... اكبس على شمس الضحى .. في فلاشي



اي والله اكذب كان قلت امتهنــي
... شفني غريق بضيقتي .. و ابتلاشــي



وا ذكريات لا طرن .. عذبنــي
... وا صبري اللي راح كله .. بلاشي



وا قلبي اللي حب من صغر سنـــي
... ما حصـــل بدرب المحبـه .. معاشي



اخيل مزنك مرتقب .. و امتعنـــي
... لو ما لمزنك .. فالنواظر مناشي



ابسألك بالله ... لا رحت عنـــي
وشلون ابنسـى نظرتـك و انت ماشي

غيآبك
يزرع عيون البكآ فيْ ضيقة الموّال
... و ينبت فيْ طرف صوتيْ سؤآل يقول :
أنا من ليْ ؟

يا ضيقة الفرقا على البال .. حنــــي
... و اليا لمحتي دمع عيني .. تلاشي


ماأجمل تلك المشاعر التي

خطها لنا قلمكِ الجميل هنا


لقد كتبتِ وابدعتِ

كم كانت كلماتكِ رائعه في معانيها

فكم استمتعت بقلمك الجميل

بين سحر حروفكِ التي

ليس لها مثيل

كيف انتوادع و انت فيني .. و منـــي ...؟؟
... يا اغلا من الزلـــه على قلب .. واشي


أبياتك راقت لي بكل معانيها الرائعة
يسعدني مروري من هُنا محملاً بخالص الأحترام والتقدير
شكراً لك ولطرحك المميز دمت بحفظ الكريم

‘,
يعطيك العافيــه بـدويــه
شكراً لك يالغـــلآ
‘,