أمي الحبيبة :
..إقبلي مني هذه الأبيات القليلة في حقك..
****************
يا ميمتي الغالية يا القلب الكبير
يا تاج راسي وبيرقي ويا كل ناسي
يا بحر العطا .. إنتي يا الخير الوفير
يا بعد قلبي, يا عــزَي ونوماسي
انا أشهد إنك ضحيتي وبذلتي كثير
حتى ترعرعت , وقوَمتي أساسي
أفرح ليا شفتك وربي .. كني بطير
ينتعش صدري ويطيب مجلاسي
وياجعلني ما أعيش لحظة لو أصير
مثل الذي عقَ أمَه ولفضلها ناسي
فراقك يا يمه صعب وبعادك مرير
وشلون أسوي بدونك يا عصابة راسي
تعالي يا يمه وشوفي الوضع العسير
عجزت ألاقي مثلك بيـن الاجناسي
حلا تدعي الله وخاطرها كسير
تبقين عون وسند لها وقت المأسي
ارجوك يا يمه إغفري كل تقصير
ما نسيتك يا نبض قلبي ولاني بناسي
جعلني فدوة رجولك يا شذاي وعبير
اخدمك بعيوني وروحي وكل أنفاسي
أوعدك يا يمه إني على نهجك أسير
إنتي شمعة حياتي بكـل مقياسي
إنتي طعم الحياة وإنتي البدر المنير
إنتي عسل عمري وإنتي حلا كاسي
(( إنتي عسل عمري وإنتي حلا كاسي ))