لا تعتـــــذر؟؟

لا تعتذر مني ولا بعتذر منك
أبي فراق ما يجي عقبه فراق

ما عاد يعنيني وش حصل لك
قلبي بحبك يا عديم الوفاء فاق

ذليتني بالحب وأنا كيف أذلك
وأحرقت في عيني من الماضي أوراق

مابه حديث أرويه بيني و بينك
اللي بقوله بس مامنك ميثاق

كنت أحسبك باقي وأنا تحت ظلك
ولوغبت عنك بس لو ثواني تشتاق

لو كنت دمعة عين والله لهلك
ولاعاد يبقى لك أثر بين الأعماق

أموت أنا بالحب كله رضا لك
ولو ضاق قلبي منك بقول ماضاق

خلك على كيفك مع الحب خلك
وقلبي يذوق اللي من الحب ما ذاق

عذبتني وأن مت أنا يوم من لك
وما صار فيني منك ماعاد ينطاق