لبيه ياروح الغلا قول لي وش فيك
هات الوجع ياروح روحي بشيله
عطني الوجع خل يحترق صدر مغليك
ولا يشتكي صدرك من الاه ليله
خلني معك في كل شي حواليك
مشاعري بالحب ماهي قليله
هات الوجع مادامت ايدي على ايديك
الصد موجع والليالي بخيله
قلي وش اللي فيك ياعل ما ابكيك
يا اعز خل صار غايه خليله
ما ادري اهني النفس ولا اهنيك
فيني وفيك أشياء عريضه طويله
مثل التلعثم كل ما قلت ابخليك
ومثل السحاب اليا تحدر بسيله
ومثل الفرج لاضيقتك التهاليك
ومثل الاصاله في عيون الاصيله
لبيه من واقع مشاعر تراعيك
ولبيه يا ظل الخفوق ومقيله
اجيك اي والله وشلون ما اجيك
وانت الخيال اللي خفوقي يخيله
اوصد عيوني في عيونك وخليك
واترك خفوقي يحصد اللي بقيله
لبيه ياروح الغلا
العرض الشجري