راعي الغرام( الغزل)=وراعي المال=وراعي الدخان صورهم احد الشعار في صور مطابقه للحقيقه وان قلت بالكم لابالكيف
-راعي الغرام الغزل (((يـــــــعــن؟يرجع))) ويذكر ايامه الاوليه ان كان كبير فتذكر ايام الشباب وان شاف زولً زين تغزل يعني دايم اقليبه خضر
راعي الدخان اذا كان عزمه ضعيف يعني الاراده ما هناش وسيرله على ربعً له اوشباب يدخنون اخذ البكت لو انه مبطي عنه يقال=ماجابك لغريمك الا ريحة بخشيمك ((الدخان المرادبالقصيدة القديم المعروف بالغليون اوالعظم اوالشاورالمكسي)
فراعي المال يشتغل طيلة وقته ويهدر وقته ويفني عمره ان لم يكن قد جنى على صحته ووافته الامراض وأعتل صحيآ وجسدياً
اماان كان في ماله بركه فجميع عمله مذخور لأنه يسعي واتت ثمارها عند الحصاد((الكبر+الهرم+المرض+الموت+الأرث +مايقدم له من ورثته ))الآان كان في غير محله فعوده علي البخل او النفاذ يقولون العامة((اجمع للي وراك)) والله أعلم
اليكم قصيدة الشاعر مرشد بن سعد البذال رحمة الله عليه وعلي جميع امواتناواموات المسلمين
ياناس راع الحب لو قال أبا أتوب
تــراه مثل الطــفل نفسه رديه
لاشاف من يظهرله الهرج مقلوب
تطــري عليه أيامــه الأولــيه
((يكسر كما يكسر علي التتن شاروب
عنت عـليه وتــل قـــوطي خويه))
المستريح اللي من العقل مسلوب
محدً تولع به ولا؟ له بغيــه؟؟
ياماذكرنا من عجاريف وأعجوب
في وقتي اللي فات تطري عليه
مادك في قلبي من الهم دالوب
همي فراق مقرمزات الشفيه
((لو رأس مالي بس بشتي مع الثوب
أغني من اللي يملك القيصريه))
واليوم لو عندي حلال ابن يعقوب
غناة تال العمر ماهي حليه
كني مدير البنك والمال محسوب
أمــانة للـناس ماهــوب ليه
آيـــلآ توادع كل غالي ومــحــبـوب
حطـــوه بين العايله بالسويه
هذاطريق الناس والأجل مكتوب
كلً يبي من والده له وزيه
لامن كل شال حقه علي صوب
الطيب اللي يشتري لي ضحيه
يالله عسى مانيب من النسل مغلوب
وياعــــل ذكـــرانا مع الناس حيه
هذا وصلو عدماكتب مكتوب
علي محمد المعصوم من كل سيه
منتديات ال حبه التقنية
العرض العادي
