هممممممممم البنات (المهر)بال حبه

مزح القلم دائما ردك مسكت

وهذا طبع أغلب الرجال لنا الله ياحريم

لازم نقتنع لو بالغصب

أعتذر عن كلمة تزعمون واسحبها دامها ما أعجبتك ولكني كنت اتحدث بقلب الأنثى وعاطفتها

وليس بعقلها وما زلت مصره على بعض النقاط

أما قولك ان القبيله لايزوجون المطلق بدون سبب فهذي اسمح لي فيها عندي تحفظ عليها كبير

ولا داعي أني أذكر الاسماء لكن أبو خالد أبخص منا في هالأمور

المتأمل والله متأملين فيك خير حتى لوماخرجنا الا بوصول صوتنا

فلك ألف شكر وتحيه من جميع بنات حواء

وياليت التركيز على السماح بالهديه بمبلغ بسيط ويتم الحلف عليه

مثل ما تتحالفون على العشرين بس على الأقل شي أهون من لا شي

حتى لو هديه من سوق ابو ريالين

ياعالم ياناس والله حرام عودتوا الشباب انه ما يهدي لزوجته شي وقت الملكه

وربي تعودوا حتى بعد الزواج تمر السنوات واللحظات الجميله والحزينه والعيد

وهو ماقدم لها أي شي ؟؟؟؟؟؟؟؟

شكرا شكرا شكرا لكل من يعيش همومنا ويخفف معاناتنا

انا اقترح على اخواني ان يكون مجال الهديه المنحصره على الزوجه يكون مفتوح لكون الهديه لاتتعلق بالمهر، وارى ان التشدد في اليمين بحيث يشمل ما لا يشمله المهر نوع من اقحام الشباب في اليمين الكاذب بكل هديه ،او كما ذكرن الاخوات في غياب معنى العطاء وخاصه ان مرحلة الخطوبه هي المرحله المتجرده من نكد العيش ومضاضة العشره ، فالهديه المتبادله بين الزوجين جربنا اهميتها ومعناها ، بل وان نساءنا لازلن يحتفظن بكل هديه حصلن عليها في وقت الخطوبه ، واتمنى ان نراعي الجوانب العاطفيه لانها امر واجب شرعا ، بل وديننا دين الابتسامه ، ودين الحب والتواد والتراحم ،

وياليت التركيز على:

1-لامانع أن يكون المهر 20 ألف ولكن لماذا لايكون هناك مؤخر معقول حتى يضمن للمرأة بعض من حقوقه البسيطه اذا ابتليت بواحد من ابناء جماعتها مستهتر يبيع ذهبها ويجردها من أغلى ماتملك

ثم لأبسط وأتفه سبب يعيدها لأهلها مطلقه ولا همه سيتزوج اخرى ب 20 ألف وتعود هي بخفي حنين.

2- السماح بالهديه بمبلغ بسيط ويتم الحلف عليه.

["]
الآن ما هي نظرة الزوج والناس لهذا المهر ..[/color]
هل المهر القليل يقلل من مكانة الزوجة وكرامتها بين الناس ؟؟لا يقلل من كرامتها لان المهر ماله دخل بالكرامه اخلاقها هي التي تجعلها تحافظ على كرامتها

هل المهر القليل سوف يجعل الزوج لا يحترم الزوجة وينظر لها نظرة قليلة المستوى وبأنها يوم قبلت بالقليل فهذا يعنى

ان بها عيب ؟؟الا ولاكن بسبب غلى الاسعار تتمنى انه يكون المهر اعلى من 20

هل المهر القليل يساهم في بناء وإنجاح الزواج والحصول على التقدير والاحترام من الزوج أم يصور على انه عيب وعار

ومستحيل ؟؟اولا المفروض الواحد لما يجي يتزوج مايكون عليه ديون وتكون وضيفته زينه عشان ماتبلش فيه وفي ديونه لا ن البنات اللي ياخذن 40 ازواجهم ماعليهم ديون لا ن المفروض الواحد مايتزوج الا وهو قد المسؤليه مو اول مايتوضف بشهرين يقول ابي اعرس

الآن سؤال إلى المهر الكثير


هل المهر الكثير يساهم ويجعل البنت محترمة وكبيرة وغالية بين الناس ؟؟
هل المهر الكثير يجعل الزوج يحترم ويقدس الزوجة بحكم انه دفع فيها مهر كبير ؟؟
هل المهر الكبير يساهم في إنجاح الزواج وضمان ان الرجل يحترمها اكثر ؟؟
هل المهر الكبير ضروري. ,والعكس ؟؟
احنا ماقلنا ينجح او يرسب قلنا نبي مهر يكفي اغراضنا وما نضطر نا خذ من الوالد او زي ماقالت رابعه العدويه نبي 5000حقت الهدايا بين الملكه والزواج وهذا ابسط حقوقنا واشكر صراحه ارائكم بس لانكم رجال اكيد رح تكونو بصف واحد ضد البنات ولا انتم عارفين بهمومنا ومعاناتنا من المهر القليل طيب على ا:msa (19): لاقل نبي مهر بقيمه 25000ريال

من وجهة نضري ان على المتزوجين القدامى تأييد الرأي عشان تطلع النتائج على المتزوجين الجدد

عشان يتضح كم تكون نسبة العنوسه وحتى لما يجي واحد بيتزوج يلاقي اعمار فوق العشرين وهو مرتاح من مشكلة الزواج من صغيرات السن

20 الف صارت تحمس الشباب نفسيا على الزواج المبكر لانها 20 الف خاصه بالمهر وما يدخل فيها الاثاث على حساب اهل البنت زي ما كان معمول فيه من زمان بسبب رخص الذهب والاثاث مقارنه بالعشرين الي كانت 7 الاف منها تشري سياره وكاله وفي المقابل تكاليف الولائم المحصوره باقامتها في المنازل تكون متواضعه

الان صارت نفسيا داعمه خصوصا لما نلاقي ابناء القبائل الثانيه يشتكون من غلاء المهور مو لان المهر 40 او 60 لان يدخل معها تكاليف تهلك العريس والا لو كانت التكاليف حاليا محدوده بـ 100 الف ومو 20 الف كان الشاب يقول مهر 100 الف شامل ويسلم على يده وجه وقفى

انا ماني ضد هدايا وغيري ماهم ضدها فالاسلام يحض عليها وهي لغة المتحابين بالعكس لو يخصص 20 الف هدايا فوق الـ 20 مهر بشرط ان تكون 20 الف لا اكثر ولا اقل كقرار جماعي مثلما يستحلف الزوج وابو الزوجه على عدم الزياده حتى لا يرهق كاهل الزوج يستحلفون على عدم النقصان مراعاه لشعور الزوجه وما دام فتح المجال لاقامة الحفلات في القصور او الاستراحات او المخيمات او الفنادق بإختيار الزوج ففي المقابل يفتح المجال للهدايا بالاستحلاف والفرض كدعابه للتأديب مادام حرص الجماعه على تيسير الزواج على المراهقين وصغار السن يضرب به عرض الحائط منهم ومن العقلاء ويسعون بعلم او بغير علم الى وضع عقبات نفسيه وماديه مقابل رغبة الشباب في الزواج وعقبات نفسيه وماديه تفتح باب المشاكل بين الزوجين بسبب الديون وفلان ماهو احسن وفلانه ماهي احسن

في المقابل ياليت نستوعب حاجه وهي ان تحمل تبعات ما نقول وما نرمي اراء في الفضاء الطلق على حساب الاخرين وعلى حساب حياتهم المستقبليه

الـ 20 الف الي اقترحتها للهدايا يا اتعهد امام الله وامام الكل من المتزوجين الجدد الي راح يتحملون اقتراضها او تتسبب لهم في مشاكل مستقبليه اني اكون من يدفعها لهم مقابل التدخل برأي اراه عقلاني ويشاركني فيه من يراه رأي عقلاني او يلطم به في عرض الحائط وبالمثل كل رأي ينقال في الفضاء الطلق لان الرأي ببلاش والتطبيق بمقابل مادي فإذا فيه تكاليف اضافيه على الازواج الجدد وتفرض من الجماعه عليهم فرض فعلى الجماعه توزيع التكاليف الاضافيه فيما بينهم إذا كانوا جماعه جيل حاضر يريد الخير اما اذا كانوا متسلقين باسم الجماعه على حساب الفرد فيستريحوا ويريحوا الشباب من الاقتراحات العشوائيه الي تهلك اسر وما تجيب لها الخير في مستقبل الايام فاقتراح عشوائي ثم مثله ومثله لا يا حبايب ما وصلنا لمرحلة تطبيق نضريات افتراضيه لواقعنا ونرميه على عاتق غيرنا

بالنسبه للي قالت باتجه للارخص المفروض ما يؤخذ الكلام بعصبيه وغضب لانها لو ما كانت تحسب التكاليف ما كانت تنازلت عن الاثمن للابد واتجهت للارخص حتى ترميه في حلق ولدها للابد وجلست بنت قبيلتها تعض على اصابع الندم لين تعانق الشيخوخه وهي عانس عند اهلها فالمسأله ماهي انتقام على كلمه فالكلام ينقال ببلاش لكن التطبيق على ارض الواقع له معايير فالعبره ماهي اثمن ولا ارخص لكن هل فيه متزوجين او عوانس هل ام المهر الغالي ان تزوجت خويتها متزوجه هي وهل الغايه الهديه او الزواج هل الغايه الزوجه او الماده

لو قلنا ان الشباب كل واحد منهم في ارصدته مليارات وقتها نقول ان 20 الف ارخاص للزوجه لان من المفترض ان يكون المهر اكثر من المتوفر او على الاقل جزء من الي يملكه الشاب بالشكل الي ما يدمر حياتهم او يحرمهم من الزواج فحبيت ابدي وجهة نضري

بالنسبه لي لو تغير قانون الجماعه او على الاقل صار المهر يعني ثمن للبنت فاضن لو تدفع كنوز الارض ومعها الكواكب السياره والله ما تجي في ضفر بنت لي لان ما وصلت لمرحلة مقارنة بالماديات بالعكس لو ماهي سنه وعادات كان قلت يحذف المهر حتى ما تضن او يضن الزوج ان هذا ثمنها او قدرها لان البنت ما تقدر بثمن سواء قل او كثر فمو المهم فشخره وقتيه قدام الناس ما تتجاوز يوم المهم حياه زوجيه لسنوات فيها الاف الايام الي تماثل نفس اليوم ومن الظلم ان يتم الفرح بيوم على حساب كم يوم او شهر تكون فيه معاناه لشابين جدد في مسيرة الحياه يمكن يفركشوها بسبب ضائقه ماديه

المختصر قرروا المهر بدل 20 الف وحطوه شكليا 120 الف شامل المهر واحتفالية الزواج والتأثيث عشان ما ينضر ان هذي هي التكاليف للزواج وبس ثم يجي من يسب او يستحقر او يضن ان الشاب ما يتكلف وهو يا دوب داخل في مجاله الوظيفي

نقطه ثانيه للي يقول ان مافي احد يدعم المتزوجين الجدد فقبل سنه من الان كان زواجي والي وصلني قبل الزواج باسبوع كان 130 الف كاش غير الذبايح والهدايا وتبعها قرابة 120 الف غير الهدايا وكثير من الشباب زعل ليش حطيت موعد الزواج يوم عشرين وما كان بعد الراتب قلت ما ابغى اي مبلغ اضافي وبيض الله وجه الحاضر والغايب وكثير زعلوا عشان ما قبلت نوزتهم واكتفيت بالي قدمه اشخاص يعدون على اصابع الايادي ولو فتح المجال للبقيه والله انهم يعدون بالميات وما عندي ادنى شك في الجماعه انهم يبيضون الوجه فياليت ما يتم التشكيك في دورهم بغرض الاساءه او بلا علم

بالنسبه لزيادة المهر فاشوف انها سلبيه على الاقل معنويا للشباب الجدد ثم ماديا لو فتح المجال وتحملها الشاب لوحده وهو في مقتبل العمر فالشاب بيعطي هدايا لو بعشرات الالاف لجل يكسب قلب من تشاركه حياته لكن اضافه مع اضافه وقتها ما احد يضمن النتايج السلبيه بعد الزواج او على ارض الواقع والاتجاه زي باقي القبائل للعنوسه والناس بدت تتضجر منها وتشوف ان احد الحلول انزال المهر مو رفعه يا احباب