ياللي براسي../ حايز التفكير
ليتك تحس اليوم بإحساسي
كان الألم عن خافقي بيطير
ساعة معانق روحك انفاسي
ويداعب الغره صباح الخير
مشتاق شوفك ياهلي وناسي
حضورك اللي يشبه التقطير
غربل شعوري واحرق اطراسي
السالفه../ ماهي في التقصير
السالفه انك حيل بي قاسي
تغيب عني وخافقي بيغير
ان كان غيري يشرب بكاسي
حطيت حبك ياحياتي غير
حليت في قلبي وهوجاسي
بطيني الأيسر../ فراش وثير
وبطيني الأيمن../ لمجلاسي
فيه انتسامر ساعة التسيير
فيه انتنادم واقطف اغراسي
جوريك اللي اجتاحني تعطير
وشهد نهرك اعلن افلاسي
فجّر المَّ في خاطري تفجير
طهّر جروحي حل وسواسي
ابيك تغفي ليلتك ويصير
تلقى قذوعك هب../ نساسي
وابيك لا ضاقت انا التفسير
ويحل في عينيك نوماسي
عاجل حضورك مااحتمل تأخير
ردد معاه الكيف ياراسي
ابي علاج القاك للتفكير
وابي فتات اشواق لأحساسي
العرضيتين المنتشري
منتديات ال حبه التقنية
العرض العادي
