ليه الدموع وليه كثر الونيني___ ليه الغضب ليه العتب والمشاريه
ليه الكلام اللي يبيح كنيني_____شيءٍ يزيد آلام الايام ما ابيه
تكفين كفي دمعتك وارحميني____قلبي من اسبابك يكفيه مافيه
يكفيني اللي بثه البعد فيني_____بين الشرقيه والجنوب وقتي مقضيه
قلبي حزين وحسرتي تكتسيني___وش عاد باقي في يديني واسويه
خليت لاجلك كل قاسيٍ يليني____صادمت روسٍ لأجلك الموت تشريه
وأن عاش راسي واسعفتني سنيني_لروي ضمى قلبي بقربك واهنيه
لو يزرعون الغام بينك وبيني_____نذراً عليه امشي الدرب واطويه
واشيل روحي فوق راحة يميني___وابيع عمري لاجل شوفتك واسخيه
واجيك لو دونك اسياجاً متيني___دامك رجى قلباً بعطفك مرضتيه
حبك زرعته وسط قلبي وعيني___واسقيته بدمعي ودمي يغذيه
لييه الدموع
العرض العادي
