ملف كامل للبيف باستر ( موالح وحلويات ) بالصور

المقادير والطريقة

البف باستري
والنستله ..>> ماراح نستخدم النستله الجاهزه راح نسويها بالبيت ..

الحين راح ابدى بطريقة النستله المنزليه ..


3/4 كوب حليب بودره
3/4 كوب سكر
علبة قشطه
نخلطهم سوى في الخلاط
لين تثقل
الكميه راح تكون كبيره نوعاً ما
ممكن تحفظي المتبقي منها في الثلاجه ..
بعدها نبدأ في تجهيز الحلا

خذي قطع البف باستري
هي شكلها مربع صح ..!

طيب
اقطعيها على شكل زائد +( راح تكون عندك مربعات صغار)
وممكن تكون مثلثات (تقطعين القطعه من الزاويه الى الزاويه الثانيه .. وتسوين يالزاويه المقابله نفس الشي ,, راح يصير عندك مثلثات صغار)
واذا كان عندك قطاعات اشكال راح تكون احلى ..
بعد ماتقطعينهم
رصيهم بصينية الفرن
وخليها لين تنتفش

بعدين خذي المربعات
وحطي فوقهم شعيريه بكستانيه ( حطيها بمقلاة وحمريها بالزبده وبعدين حطي كميه من النستله اللي سويناها واخلطيها زين )

وبعدين جيبي جبن الكيري وقطعيه صغار وكوريه وحطيه فوق الشعيريه
(يصير شكلها زي الاعشاش )..
وحطي فوقه نستله ..

مثل كذا




وسوي شكل ثاني
خذي البف باستري
وافتحيه شوي من الوسط
ورشيه فيه ( قرفه بودره + كاكاو بودره)
وحطي فوقه منها شوي

وبعدين نستله




واما البف باستري المثلثات
رصي بالصحن حق التقديم
وحطي نستله ( وكثري)
وزيني خطوط من
شوكلاته سائله ( هيرشي)



الشكل النهائي

معجنات مالحه بعجينة البف باستري حلوه

المقادير::
-رقائق البف باستري
-جبن سائل كرافت او مايشابهه
-زعتر+سماق+حبه سوداء .
-فرشه للدهن وعجله او سكين للتقطيع

الطريقة ::

نحضر قطعه من البف باستري على لوح العمل ونقطعها بالعجله

مثلثات باهذا الشكل

وندهن المثلثات بالجبن بواسطة الفرشاة

ونرش فوقهم الزعتر او السماق ونضعهم بالصينيه

لعمل شكل ثاني وهو المستطيلات نحضر قطعه من البف ونقسمها

بالشكل هذا

وندهنهم بالجبن ونرش عليهم الزعتر والسماق والحبه السوداء

وندخلها الفرن وتتحمر من تحت وبعدين من فوق

وهذا شكلها

وردات القشطة







المقادير:


عجينة بف باستري

قشطة طازجة بيضاء من السوبر ماركت


شوي زبدة


شيرا جاهزة وباردة


الطريقة جدا سهلو وبسيطة:


نقطع الشريحة على شكل وردات







ندهن الصينية بشوي زبدة ثم نصفهم ونضعهم بالفرن حتى النضج ويجمر من فوق وتحت





نحضر القشطة ونحشيهم من الداخل ونشربها بالشيرا ونرشها بالفستق الحلبي













رااائعة ولذيييذة وسهلة جدا







ممممممممممممممم

البف باستري بالسميد..

مربعات بف باستري ../.. جبن كيري ../.. حليب سائل ../.. سميد ../.. حليب نستله
الطريقه ...
جيبي مربعات البف باستري والافضل تستخدمين قليلة الدسم لانها تنفش مره ولايبقى فيها عجين جواتها
واذا ماكان عندك الا عاديه فالافضل تفردينها فرد خفيف بس
قطعيها لاربع مربعات ، والكيري لست مربعات وحشيها وسكري اطرافها زين بتصير مثل المخده
بعدين غمسيها بحليب سائل وبعدها بسميد ..
اذا حبيتي تفرزنينها : بعد التغميس صفيها بعلب وحطيها بالفرزير وقبل القلي بساعه تقريبا طلعيها .
بعدين اقليها بزيت غزير .. وقبل التقديم طوالي صبي عليها حليب نستله ،،
وذوقي الطعم الخطير

حلا البف باستري بالسميد






مايمديكم ع الحركه اللي باالهيرشي هذي للزينه الله يجيركم


المقادير:

عجينة بف باستري
جبن كيري
والدوائر اللي فوق :
1كاس سميد .
نص كأس سكر بودرة .
نص كأس حليب بودرة .
نص كأس جوز هند .
1علبة قشطة .
نص اصبع زبدة .

وللتزيين
حليب نستله او شيره


الطريقه:


نقطع العجينه اربع قطع ونحطها بصينية الميني كب كيك
نقطع جبن الكيري مربعات ونحطها بوسط الحفره<<يازين الوصف
بعدين نخلط مقادير الدوائر اللي فوق ونكورها ونحطها فوق الجبن..الكور خلوها وسط لاكبيره ولاصغيره
انا بما اني احب القرفه احب ادخلها بكل شي فـ رشيت على نصهم قرف والنص الثاني لا وبعدين دخلته الفرن
نتركه لحد مايستوي بعدين نطلعه ونصب عليه الشيره او حليب النستله وبالهناء والشفا ومطرح مايسري يمري