تاريخ التسجيل: Feb 2010
الدولة: ال حبه
المشاركات: 3,312
معدل تقييم المستوى: 60
|
تشتري الديك؟
تشتري الديك!!!!
فيه ولد طفران (ماعنده ولا ريال)
راح لأبوه وقاله : عطني 15 ريال,,
ودي أشتري كوره
الاب : أقول إنقلع عني تراها واصله معي
الولد : تكفا يبه,,بس 15 ريال والا أقولك خلها عشرة ريال
الاب : ماعندي فلوس ... إذا تبي فلوس رح بع الديك حقك المريض اللي بالحوش ..
الولد :بس هذا مريض ومحد بيشتريه
الاب : ماعلي منك,,,دبر نفسك
والله الولد إستسلم للأمر الواقع وأخذ الديك
أول واحد قابله في وجهه اكيد أبوه....قاله الولد: تشتري الديك؟
الاب : اقول بتنقلع عني ولا أقوم أتوطا في بطنك؟
الولد :خلاص خلاص لاتنفخ
طلع الولد من البيت ومعه الديك في محاوله يائسه إن الديك ينباع
عرض الديك على أهل الحاره كلهم ولا واحد فيهم > > > >قبل إنه يشتري الديك
قال الولد: ممممممممم, والله مالي إلا فلانه,,عقلها خفيف وأكيد بقدر ألعب عليها بسهوله
فلانه هذي كانت وحده متزوجه بس للأسف كانت رايحه فيها وتلعب بذيلها من ورا زوجها
راح لها الولد عشان يبيع عليها الديك
الولد :تشترين الديك تكفين؟
هلا والله بحبيبي .. تعال قرب مني عشان أبوسك بوسه خفيفه
الولد :أقول مانيب فاضي لك .. خذي مني الديك وخليني اروح
تروح مين ياعمري!! أنا ماصدقت إني شفت رجال عندي في البيت ...
الولد :ومنهو اللي قالك إن أنا رجال؟
خذي مني الديك وخليني أنقلع
شوي الا الباب يدق
خافت الحرمه وقالت للولد تعال إندعس هنا في الدولاب لايطلع زوجي ثم نروح فيها.
حطت الولد في الدولاب وراحت فتحت الباب إلا وطلعلها صديقها اللي تخون زوجها معاه ..
الحرمه:هلا والله بعمري وحياتي
الرجال: يا هلا فيك عمري ما أمدا الرجال يكمل كلمته إلا والباب يطق
الحرمه: ياويلي ويلاه,,هذا شكله زوجي,,,تعال وأدخل في الدولاب
دخل خوينا في الدولاب وفجاه في عز الظلام سمع صوت يكلمه داخل الدولاب
ويقوله: تشتري الديك؟
الرجال: اصصصصصصصص,,,,وطي صوتك الله يرحم والديك لاتفضحنا
الولد :أقول تشتري الديك؟
الرجال: ياخوي خلاص بشتري الديك بس قصر على حسك تكفا,,,
الولد :طيب
الرجال: بس بكم تبيعه؟
الولد :ب100 ريال
الرجال: إيش!!!!!!!!!!!! هالديك المنتوف المريض ب 100ريال!!!!!!!!!!!!
الولد :تبي تشتري ولا أرفع صوتي؟
الرجال: لا لا خلاص,,أبشتري وأمري لله جلسو 5 دقايق
الولد :تبيع الديك؟ >
الرجال: توك بايعه على يابن الحلال!!
الولد :تبيعه علي ولا أرفع صوتي؟
الرجال: لا لا خلاص,,أببيعه وأمري لله,,بكم تشتريه؟
الولد :بريال
الرجال: إيش!! بريال!!!! أنا مشتريه منك ب 100 ونت تشتريه مني بريال!!!!!
الولد :تبيعه علي ولا أرفع صوتي؟
الرجال: لا لا خلاص,,أببيعه وأمري لله جلسو 5 دقايق
الولد: تشتري الديك؟
الرجال: ياخوي توني مشتريه منك!
الولد :تبي تشتري ولا أرفع صوتي؟
الرجال: لا لا خلاص,,أبشتري وأمري لله,,,بكم تبيعه؟
الولد :ب200 ريال >الرجال: الله يمحط بك إن شاء الله,,,,توني مشتريه منك ب 100 ريال!
الولد :تبي تشتري ولا أرفع صوتي؟
الرجال: لا لا خلاص,,أبشتري وأمري لله جلسو 5 دقايق
الولد :تبيع الديك؟
-الرجال: إنا لله وإإنا إليه راجعون,,,,,بكم تبي تشتريه؟
الولد :بريال
الرجال: وش تبيني أقول!! تبيني أبكي ولا أشقق هدومي,,,,يالله خذ الديك وببلاش بعد
أخذ الولد الديك
شوي إلا الحرمه فاتحه عليهم الدولاب وقالت لهم: يالله بسرعه إنحاشوا دام إن زوجي في الحمام,,
بس واحد ورا الثاني وبشويش عشان لايحس فيكم زوجي
طلع الرجال وإنحاش ولحقه الولد بعده بـ 5 دقايق
المهم,,,قام الولد يتمشى في الشارع وهو مستانس إن صار معاه فلوس ..
بعدين راح للبيت يوم دخل البيت شاف أبوه قدامه ..
راح قال لابوه: تشتري الديك؟
الأب ناظر فيه والشرار طالع من عيونه وقاله: مايكفيك ياإبن الكلب الــ 300 ريال اللي لطشتها مني في الدولاب؟؟؟
|
العرض العادي
