يعين الله يادنيا تسوق ايامها الاحزان

يعين الله يادنيا تسـوق ايّامهـا الأحــزان
يعين الله وانتي مثل قفـل ٍ ضـاع مفتاحه
"
يعين الله ... وجروحي لها في كلّ وقتٍ شـان
كذوب اللي يقول ان الزمن بيـداوي جراحه
"
سقى الله يوم انا يمـّه غرير ٍ يزعج الجيران
سقى الله يوم انا طفلٍ يصج البيت بصياحه
"
سقى الله يوم كان اقصى طموحي .. لعبة الدنان
نهاية يومي المغرب ... واخاف الليل واشباحه
"
سقى الله يوم انا البس بشت ابوي وثوبه القيطان
واقلد كلّ شيٍ فيه .. حكيه .. جدّه .. مزاحه
"
واشيل المسبحه مثله ليا هوجس وهو سرحان
بيشعر ...واحسب ان اللي عطاه الشعر مسباحه
"
سقى الله بيتـنا ذاك البسيط مشقق الجدران
شجـاع ٍ يهزم الغدراء … بقنديله ومصباحه
"
تكحِّلنا القناعه .. لا طمع .. لا هم .. لا حرمـان
واذا جاء الليل تكفينا ... ثلاث اخوان .. طرّاحه
"
جميع الذكريات اللي غدت في قفرة النسـيان
يحـاكي حلوها عبره ... بموق العين سبّاحه
"
خذتني غربـةٍ عنوانها ... غربه بلا عنوان
ابي عقب التعب راحه ... لقى فيني التعب راحه
"
رجعت اليوم مثل اللي رجع عقب القنص خسران
غدا طيره وجاء يسحب سلـوقيه وملواحـه
"
قصيده مابَعَد مرّت ببال مسـاعد وضيـدان
هواجـيس ابدويٍ هايـم ٍ في عشق فـلاحه
"

وروح ٍ تايبـه كانت تبي لذنوبـها غفـران
خطـاي انّي كتمت اسرارها بعيـون بواحه
"
تقولين المطر ماهـوب … يمّـه دايمٍ هتان
اجل معذور قلبٍ في همومه ضاعت افراحه
"

انا يمـّه غلطت ولاني اول واحـدٍ غلطان
ابونا آدم من الجنه خرج باسباب ... تفاحه
"
خذلك الوقت فيني .. ماخذلتك ياأعـز انسان
وش الدبره ؟ وحظي صار.. قفل ٍ ضاع مفتاحه

سقى الله يوم انا البس بشت ابوي وثوبه القيطان
واقلد كلّ شيٍ فيه .. حكيه .. جدّه .. مزاحه
"
واشيل المسبحه مثله ليا هوجس وهو سرحان
بيشعر ...واحسب ان اللي عطاه الشعر مسباحه


سلمت اناملك د/ كريزي على ماسطرت من الابداع بالكلمه وصح لسانك
وشرفتني بوضع بصمتك على هذا المنتدي
ابيات في منتدي الروعه والجمال
عساك على القوه ولاعدمناك

وسلمت يا غالي من كل شر
ولا هنت ع مرورك ومشاركتك

والله يعطيك العافيه

تحياتي لك و اشواقي

سجل المبدعين ايها الناقد فاني ارى التحدي قد بداء في هذا المنتدى.
عاد الجنون مع مشاركة المجنون
عودة حميده والحمد لله على السلامه د. كريزي.
.
وقالوا لو تشاء سلوت عنها ..... فقلتُ لهمْ فانِّي لا أشَاءُ
وكيف وحبُّها عَلِقٌ بقلْبي...... كما عَلِقَتْ بِأرْشِيَة ٍ دِلاءُ.
فديتك بروحي يا مجنوني على هذا الموضوع .

المشاركة الأصلية كتبت بواسطة المعتصم بالله

سجل المبدعين ايها الناقد فاني ارى التحدي قد بداء في هذا المنتدى.

عاد الجنون مع مشاركة المجنون
عودة حميده والحمد لله على السلامه د. كريزي.
.
وقالوا لو تشاء سلوت عنها ..... فقلتُ لهمْ فانِّي لا أشَاءُ
وكيف وحبُّها عَلِقٌ بقلْبي...... كما عَلِقَتْ بِأرْشِيَة ٍ دِلاءُ.

فديتك بروحي يا مجنوني على هذا الموضوع .

وسلمت يا اغلى من الغالي
وسلمت من كل شراَ وضيق وهم

وفداك الكون من اوله لأقصاه

ولا هنت ع المرور والمشاركه

تحياتي لك من اعماق قلبي