كلن على همه سرى وأنا على همي سريت

السلام عليكم ورحمة الله وبركاته


الله يمسيكم بالخير جميع



هذي يالربع سالفة المثل المشهور(كلن على همه سرى وأنا على همي سريت) كما سمعتها,,,,,,,,,,,,,,



هذا كان فيه رجّال قديم وكان عنده إمرته وبنت له بسن الزواج وكان منول من طبع القدامى إذا البنت جت بسن الزواج يزوجونها على طول ماهب مثل هالحين يالله المستعان البنت تعجز وتلقاها ماتزوجت وهالرجال بنته كبيرة ولازوجها


المهم خلونا بسالفتنا لانروح بعيد الله يسلمكم كان عند هالرجال ناقة يترزق الله عليها ويوم حل الربيع طلع هالرجال هو وإمرته وبنته يتعزبون بالناقة بالبر عشان تربع وتآكل من أنعام الله



ويوم هم في البر جاهم رجال وأشرلهم بيده يلقي السلام عليهم فقال الرجل لأمرته الرجال( يسوم الناقة يبي يشريها وش رايك نبيعها له) قالت المره (إن كان العشب زين خلونا ننزل هنا )


وقالوا للبنت وش رايك قالت (والله مدري مير اللي تشوفونه إن كان هو صالح زوجوه تقصد نفسها )



شوفوا كيف الرجال همه يبيع الناقة ويوم سلم الرجل عليهم قال هذا يسوم الناقة والمرة قالت اللي يهمها والبنت بعد هامها الزواج وقالت إن كان هو صالح زوجوه .
وصار هذا المثل ( كلن على همه سرى وأنا على همي سريت)

قصه رائعه
الله يعطيك العافيه ابا نايف
سبحان الله فكر الانسان وعقله وجوارحه عندما يكون باله مشغول في شى مشلول عن التفكير والانتباه للغير فكل واحد همه يلقي حل لما يورقه
سلمت يمناك ولاعدمناك

ابو نايف
مشكور على هذه المعلومات
سلمت وسلمت يداك
لك منى اجمل تحيه

قصه رائعه
الله يعطيك العافيه ابا نايف
سلمت يداك وسلمت اناملك
تقبل ودي واحترامي